ӘЛЕУМЕТ

Авторизация



Кто на сайте

Сейчас 200 гостей и 2 пользователей онлайн
ОФИЦИАЛЬНЫЙ WEB-САЙТ АКИМА ГОРОДА СЕМЕЙ
  • Халықты жұмыспен қамту туралы

    «Семей қаласы әкімдігінің жұмыспен қамту орталығы» КММ Жұмыс іздеушілер, жұмыс берушілерді қолдау және ӘЖО, ЖТ, ҚЖ ұйымдастыру жұмыстары бойынша бөлімі 2017 жылдың 4 шілдедегі № 190 Қазақстан Республикасының Денсаулықты сақтау және әлеуметтік дамыту Министлігінің бұйрығына сәйкес, «Жұмыссыз азаматтарды тіркеу және есепке алу», «Жұмыссыз азаматтарға анықтама беру» және «Жұмыспен қамтуға жәрдемдесудің белсенді шараларына қатысуға тұлғаларға жолдама беру» мемлекеттік қызметін көрсетеді.

  • «Радиация. Экология. Денсаулық» атты кітап көрмесінің тұсаукесері өткізілді

    Орталықтандырылған кітапхана жүйесінде жастарға экологиялық тәрбие беру мақсатында кітапхананың тұрақты оқырмандарымен «Радиация. Экология. Денсаулық» атты кітап көрмесінің тұсаукесері өтті. Кітапханашы кітап көрмесін аша отыра, 29 тамыз - еліміздің тарихындағы ерекше символдық даталы күн екенін атап өтті

  • «Сағындырған әндер–ай» атты ретро концерт өткізілді

    2018 жылдың 15 тамызы күні сағат 15:00 де Орталық мәдениет және демалыс саябағы әкімшілігінің ұйымдастыруымен, қала тұрғындары мен қонақтарына арналған «Сағындырған әндер–ай» атты ретро концерт өткізді. Концертте Л. Хамиди, Б. Байқадамов, Т. Рахимов, Т. Базарбаев, Ә. Еспаев, Ш. Қалдаяқов, Ә. Бейсеуов, Е. Хасенғалиев, К. Дүйсекеев, С. Бәйтереков сынды Қазақстандағы ән-романс жол салған композиторлардың әндері шырқалды.

Яндекс.Новости: Казахстан

Курсы валют: курс доллара, курс евро

Купи-Продай

Случайная новость

Разъяснены основные направления

Информационно-пропагандистские группы проводят  встречи с населением с целью пропаганды и информирования по Посланию Президента народу «Казахстан в глобальной реальности: рост, реформы, развитие». Очередная встреча прошла с коллективом консультативно-диагностического центра г. Семей.

Выступая по основным направлениям Послания, член ИПГ, преподаватель финансово-экономического колледжа имени Р. Байсеитова Артур Искаков остановился на международной экономической обстановке, ее влиянии на экономические показатели Казахстана, а также на антикризисном плане, предложенном главой государства для успешного преодоления кризиса.

- Предложенное в Послании главы государства  «Казахстан в глобальной реальности: рост, реформы, развитие» - единственно верный ответ сегодняшнему положению в мировом сообществе, в котором учтены все сферы деятельности, - отметил он.

Подробнее ...
Home ӘЛЕУМЕТ

ӘЛЕУМЕТ

АТҚАРАР ІСІ АУҚЫМДЫ

Бұрын ел арасындағы түрлі түйткілді мәселелер мен дау-дамайларды аузы дуалы ақсақалдар бір ауыз сөзбен шешсе, қазір сол ақсақалдардың орнын Қоғамдық кеңес басты. Көпшіліктің көкейіндегі мәселені қозғап, елдің мүддесін қорғап, халықтың мұң-мұқтажын құзырлы орындарға жеткізуде қоғамдық кеңестің рөлі зор.

Әр саланың өкілдерінен құралған облыстық Қоғамдық кеңес біраз уақыттан бері жұмыс істеп келеді. Осы аралықта қандай мәселелердің түйіні шешілді? Қазіргі күні қандай жұмыстар атқаруда, алдағы жоспарлары қандай? Сейсенбі, 31 шілде күні Абай атындағы кітапханада ШҚО Қоғамдық кеңесінің көшпелі отырысында осы мәселелер қаралды. Семей қалалық Қоғамдық кеңестің төрағасының орынбасары Жанна Жибраеваның төрағалығымен өткен алқалы басқосуға ШҚО талдау мен болжау институтының қоғамдық - саяси және ЖШС жұмыстарын ұйымдастыру бөлімінің басшысы Аяужан Әшімова, эксперттік топ жетекшілері Ольга Кузовлева, Виктор Дак, эксперттік топтың мүшелері Руфит Ахмедзянов, Елена Полянцева және қаламыздағы әртүрлі қоғамдық ұйымдардың өкілдері қатысты.

Жиын шымылдығын ашқан Жанна Жағыпарқызы:

- Азаматтық қоғамның қоғамдық маңызды мәселелер бойынша пікірін білдіру қоғамдық кеңестер қызметінің мақсаты болып табылады. Қоғамдық кеңестердің міндеттеріне азаматтық қоғамның мүдделерін білдіру және республикалық және жергілікті деңгейлерде шешімдерді талқылау мен қабылдау кезінде жұртшылықтың пікірін ескеру жатады. Кеңес сондай-ақ орталық және жергілікті атқарушы органдар мен жергілікті өзін–өзі басқару органдарының азаматтық қоғаммен өзара іс-қимыл жасауын дамытуға атсалысады. Қоғамдық бақылауды ұйымдастырып, орталық және жергілікті атқарушы органдар мен жергілікті өзін – өзі басқару органдары қызметінің ашықтығын қамтамасыз етеді,- деп осы жолы қарастырылатын мәселелер тізбегіне тоқталып өтті.

Отырыс кезінде «Қоғамдық кеңестердің қызметі арқылы аумақты басқаруға тұрғындарды тарту жолымен жергілікті өзін-өзі басқаруды дамыту» жобасының тұсаукесері болып, жиналғандар осы бағытта пікір алмасты. Негізгі баяндаманы ШҚО талдау мен болжау институтының қоғамдық - саяси және ЖШС жұмыстарын ұйымдастыру бөлімінің басшысы Аяужан Тұрсынбекқызы жасады.

- Қоғамдық кеңес аймақтық деңгейде өзіне жүктелген міндетті абыроймен атқарып келеді. Және бұл қоғамдық ұйымға мемлекет тарапынан қаржы бөлінбейді. Біз «Қоғамдық кеңестердің қызметі арқылы аумақты басқаруға тұрғындарды тарту жолымен жергілікті өзін - өзі басқаруды дамыту» жобасының тұсаукесерін аймағымыздың әрбір ауданында өткіздік. Енді Семей қаласына келіп отырмыз. Келгендегі басты мақсатымыз – облыстық Қоғамдық кеңес жұмысының қалай ұйымдастырылып отырғаны турасында айтып, сіздердің ой және идеяларыңызды тыңдау,- деген Аяужан Әшімова өздерінің ШҚО аудандарында болып, пікір алмасқандары жайында айтып берді.

Бұл орайда қаладағы шешілмей жатқан проблемаларды облыстық деңгейде қалай көтеру керектігі жайында да айтылды. ШҚО Қоғамдық кеңесінің мүмкіндігі шектеулі азаматтардың құқығын қорғау бойынша эксперттік тобының жұмысы жайлы осы топтың жетекшісі Ольга Кузовлева сөз қозғады. Қылмыстық жазасын өтеп келген жерлестеріміздің жаңа ортаға бейімделуінің жай-күйіне қатысты өз ойын эксперттік топтың жетекшісі Виктор Дак ортаға салды. Аймағымызда жастар саясатының жүзеге асу барысы жайында эксперттік топ мүшесі Руфит Ахмедзянов баяндап, біраз ой салар дүниелерді айтып өтті. Өз кезегінде эксперттік топ мүшесі Елена Полянцева экология мәселесіне қатысты ой-пікірін жеткізіп, қоршаған ортаның ластануы мен тұрғындарға тигізіп отырған зиянын сөз етті.

- Қоғамдық кеңес – ел ішіндегі түрлі саладағы мәселелерді талқылау алаңы, халықтың мұң-мұқтажын тікелей билік өкілдеріне жеткізуші механизм. Яғни кез келген адам өзінің әлеуметтік сипаттағы белгілі бір проблемасы бойынша арыз жазып, қоғамдық кеңеске тапсырса, ол міндетті түрде кеңестің отырысында қаралады. Ел дамуының түпкілікті мәселесін, әдетте, мемлекет қоғамның қолдауынсыз, ал қоғам биліктің қолдауынсыз шеше алмайды. Тек олардың бірлесе жұмыс істеуі ғана табысты нәтиже береді,- деді сөз соңында Аяужан Әшімова.

Жалпы, отырыс барысында айтылғандай, қалалық Қоғамдық кеңестің белсенді жұмыс атқаруы мемлекеттік органдар мен үкіметтік емес ұйымдардың арасындағы әріптестік қарым – қатынастың тиімді жүйесін құруға бастамашы болады. Біз аталған басқосудан осыны көре алдық. Тек іске сәт демекпіз!

Серік ӘБІЛҚАСЫМҰЛЫ, «Семей таңы»

РЕЙДТІҢ ҚОРЫТЫНДЫСЫ ТАЛҚЫЛАНДЫ

Осыдан бір – екі апта бұрын қала әкімі Ермак Сәлімов бұқаралық ақпарат құралдары өкілдерімен бірге қоғамдық көліктердің жұмысын қадағалау мақсатында рейд өткізгені естеріңізде болар. Осы рейд қорытындысы бойынша қала басшысы жауапты сала мамандарымен бірге кеңес өткізіп, алдағы уақытта атқарылатын жұмыс жоспарларын талқылады.

- Қазіргі уақытта қала тұрғындарынан қоғамдық көліктердің жұмысы туралы сын -ескертпелер, арыз - шағымдар әлеуметтік желі арқылы көптеп түсіп отыр. Сондықтан біз осы мәселені шешу жолдарын қарастырамыз. Тұрғындардың қауіпсіздігі, автобус ішінің санитарлық жағдайы, жүргізуші құжаттарының болуы және ішімдік ішпеуі, көліктің техникалық жағдайы, жол қозғалысының қауіпсіздігін сақтау, кешкілік уақытта кесте бойынша жүруі мәселелерімен бірлесе шұғылдануымыз керек. Себебі бұл - тұрғындардың қауіпсіздігі және өте маңызды сала. Сондықтан әрқайсыңыз жекелей жауапты боласыздар,- деп атап өтті қала әкімі Ермак Бидахметұлы.

Жиынға мемлекеттік кірістер басқармасының, жергілікті полиция қызметінің, қоғамдық денсаулық сақтау басқармасының, жолаушылар көлігі және автомобиль жолдары бөлімінің, көліктік бақылау инспекциясының және жолаушылар тасымалдауды басқару орталығының өкілдері қатысты.

Кездесу соңында бірлесе атқаратын жұмыс кезеңдері нақтыланып, тұрақты түрде ешқандай жоспарсыз бірлесе рейд өткізу іс-шаралары бекітілді. Кейбір сала басшыларына жекелей тапсырмалар да берілді. Барлық тапсырмалар хаттама арқылы толтырылып, орындау мерзімі бекітілді.

Ермак Сәлімов жолаушыларды тасымалдау қызметіндегі және қоғамдық көлік қатынасындағы кемшіліктер мен заңсыздықтарды анықтап, оларды жою арқылы тұрғындарға сапалы қызмет көрсету ортақ жұмыс екенін жеткізді.

Семей қаласы әкімінің баспасөз қызметі.

ӨЗ ҮЙІМ – ӨЛЕҢ ТӨСЕГІМ

22 маусым күні қаланың Пристань аумағындағы көктемгі орын алған төтенше жағдайда баспаналары тұруға жарамсыз болып қалған екі отбасыға пәтер кілттері табысталды. Сейіт Жұмаділов ақсақалдың және Марат Зайкеновтің отбасына Жас Алаш, 6 «А» мекенжайындағы жаңадан бой көтерген көп қабатты тұрғын үйден екі және үш бөлмелі пәтер берілді. Қос отбасының қуанышына қала әкімі Ермак Сәлімов те ортақтасып, пәтер кілтін табыс етті. Айта кетейік, үйлері тұруға жарамсыз деп танылған екі отбасыға баспана құнын бағалау мен пәтерді іздестіруді қала әкімдігі өздеріне сеніп тапсырған болатын.

- Қала әкімі Ермак Сәлімов бастаған азаматтарға алғыстан басқа айтарым жоқ. Қала басшысы көктемгі су тасқыны кезінде ешкім де назардан тыс қалмайды деп айтқан еді. Міне, екі бөлмелі пәтерге қол жеткізіп отырмыз,- дейді бұрынғы Портовый көшесіндегі 44 үйдің тұрғыны Сейіт ақсақал.

Пәтерге қол жеткізген екінші отбасы - Марат Зайкеновтің жанұясы. Бұрын Затондағы Крайняя көшесіндегі 35 үйде тұрған Мараттың отбасы қуаныштан көңілдері толқып жүр.

- 29 наурыздан бері «Семей» қонақ үйін паналадық. Құжаттарымызды жиыстырып, осы үш бөлмелі пәтерге қол жеткізіп отырмыз. «Өз үйім - өлең төсегім» деп қатты қуанып жатырмыз,- дейді отағасы Марат Зайкенов.

Қала әкімі Ермак Сәлімов қуаныш иелерін жаңа қонысымен құттықтады.

- Бүгінгі күні су басқан аудандарда баспаналарды қалыпқа келтіру жұмыстары қарқынды жүруде. Пристань және Затон аудандарында 205 үй зардап шекті. Оның ішінде 9-ы апатты деп танылды. Бүгінгі күні 8 отбасы жаңа үйге қоныс аударып үлгерді. Қуаныш иелері баспананы өздері таңдады. Үйлер республикалық бюджет есебінен сатылып алынды. Ал Бобровка саяжайындағы үйлерді әкімшілік бюджеттен тыс қаражатқа жөндеп беріп жатыр. Бүгін пәтер кілтін алған қос отбасыға шаңырақтары тек қуанышқа толы болсын демекпін,- деді Ермак Бидахметұлы.

Серік ӘБІЛҚАСЫМҰЛЫ, «Семей таңы»

ЖЫЛҒА ДА ЖЕТПЕДІ...

Өткен жылдың күзінде Ертіс жағалауында екі жылға созылған абаттандыру жұмыстарының тамамдалып, каскадты субұрқақтың іске қосылуы семейліктер үшін қуанышты жаңалық болған еді. Алайда ауа райының қолайсыздығына байланысты келесі жылдың мамырында ғана қайта іске қосылады деп жоспарланған субұрқақ маусым айы орта шеніне жетсе де әлі өшірулі. Қалалық тұрғын үй-коммуналдық шаруашылығы және тұрғын үй инспекциясы бөлімінің басшысы Амантай Өтелбаевтың айтуынша, бұған себеп - мердігер компанияның жұмысына салғырт қарауы.

Техникалық жұмыстар барысында бірқатар кемшіліктер жіберілгендіктен, айналасын суға малшыған фонтан тұрғындар наразылығын тудырған. Осыған орай, қазір қала әкімі Ермак Сәлімовтің қаулысымен арнайы комиссия құрылып, тексеру жұмыстары жүргізілуде. Комиссия мүшесі, қалалық мәслихат депутаты Рафаэль Хазиповтың сөзіне сүйенсек, бүгінгі күні мердігер компания орын алған келеңсіздіктерден толық хабардар. Нысанның пайдалануға берілгеніне бір жыл енді болғандықтан, олар барлық шығынды өз есептерінен өтеуге міндетті.

- Мәрмәр тақтатастардың бір-біріне жапсарлас бөліктерінің алшақ орналасуына байланысты су жан-жаққа жайылған. Бұдан басқа да кемшіліктер көп. Субұрқақ құрылысына табиғат жағдайларына төзімді материалдарды қолдану керек еді. Іске қосылғанына бір жыл ғана болғанына қарамастан, нөсер мен өзге де табиғи құбылыстарға шыдас бермегені сондықтан,- деген қалалық мәслихат депутаты аталған аумақтағы балалар алаңының да қауіпсіздік ережелеріне сай емесін айтып өтті.

Мердігер компания, каскадты субұрқақтан бөлек, Ертіс жағалауын абаттандыру, жарықтандыру, көгалдандыру жұмыстарын да қоса атқарған.

- Субұрқаққа қатысты мамыр айында қала тұрғындарынан арыз-шағымдар келіп түсе бастады. Соған орай қала әкімінің қаулысымен құрамына ТҮКШ қызметкерлері, «Нұр Отан» партиясының Семей қалалық филиалының өкілдері, қалалық мәслихат депутаттары енген арнайы комиссия құрылып, жұмысын бастады. Екі жақтың ортақ келісімшартына сай, мердігер компания бір жыл ішінде орын алған кемшіліктерді қалпына келтіруге міндетті. Олай етпеген жағдайда, біздің сотқа шағымдануымызға құқығымыз бар. Негізгі ақау субұрқақ төсеніштерінен туындап отыр,- дейді қалалық ТҮКШ бөлімінің басшысы Амантай Өтелбаев.

Айта кетейік, Ертіс жағалауын абаттандыруға 345 млн. теңге бөлінген болатын.

Жадыра ТӨЛЕГЕНҚЫЗЫ, «Семей таңы»

 

 

 

КӨПТЕН КҮТКЕН ҚУАНЫШ

Семейде 10 жылдан бері тоқтап тұрған мешіт құрылысы қайта жанданбақ. Шаһардағы аспалы көпірдің жанындағы айналмалы жолдың қақ ортасынан орын алған мешіттің құрылысын Алматыдағы «TAS Group» компаниялар тобының директоры Тұрсын Тастекеев пен ұлы Дулат Тастекеев қолға алды. Осы игілікті іске орай, сейсенбі, 19 маусым күні құрылыс алаңында Семей қаласының әкімі Ермак Сәлімов әкелі-балалы атымтай жомарт азаматтармен жүздесті.

Тарбағатай өңірінің тумалары Тұрсын Тастекеев пен ұлы Дулат Тастекеев осыған дейін де аталған ауданның Екпін және Ақсуат ауылдарында мешіт тұрғызып, көпшілік алғысына бөленген еді. Енді, міне, бір кездері Орталық Азиядағы бірегей мешіттердің бірі болады деген Семейдегі аяқталмаған нысанның құрылысын қолға алып отыр. Аумағы 3 гектарға жуық жерді қамтып жатқан рухани орталық бір мезгілде екі жарым мың адамның ғибадат етуіне арналған. Сонымен қоса мың көлікке арналған автотұрақпен де қамтылмақ.

Әкелі-балалы Тастекеевтердің айтуынша, құрылыс жұмыстары 2019 жылдың соңында мәресіне жетіп, рухани орталық халық игілігіне беріледі. Мешіт құрылысы 500 млн. теңгеге бағаланып отыр.

- Шаһардың архитектуралық сән-салтанатына өзіндік үлесін қосып қана қоймай, сонымен қатар халықты, жастарды имандылыққа баулуда мешіттің орны ерекше. Көптің көңілі, халықтың ықыласы, ақсақалдардың берген батасы мешіт құрылысының жылдам басталуына әсерін тигізді деп ойлаймын. Шындығында, осы мешіт құрылысын жандандыру көптен бері ойымызда жүрген іс еді. Шаһардың қақ ортасында қаңырап тұрған бос ғимаратты көрген сайын жүрегіміз ауыратын. Отбасымызбен ақылдаса келе, тәуекелге бел буып, мешіт құрылысын жалғастыруды жөн көрдік. Сәтін салып, Алланың қалауымен, бүгін сүйікті қаламыз Семейде үлкен игілікті іс басталып отыр. «Көп жұмылса – көл» дегендей, барлығымыз күш біріктірсек, діттеген мақсатымызға тез жетеміз,- дейді Тұрсын Тастекеев.

2008 жылы бой көтерген нысанның мердігерлері осы уақыт аралығында бірнеше мәрте ауысып үлгергенін қала халқы жақсы біледі. Олармен бірге мешіттің жобасы да өзгеріп тұрды. Алайда қаржының жетіспеушілігінен олардың ешқайсысы құрылысты діттіген жеріне жеткізе алмаған.

- Халықпен кездесулерде мешіт құрылысы аяқталса екен деген тұрғындар тілегі көп айтылатын. Осы уақытқа дейін көптеген инвесторлармен тілдесіп, кездестім. Олардың арасында Сауд Арабиясының, Түркияның, Ресейдің инвесторлары болды. Алайда нәтижесі барлығыңызға мәлім. Жарты жыл бұрын Тұрсын Тастеекев мырзамен жолығып, жобаны ақылдастық. Қуанышты хабарға бөркімізді аспанға атып қуандық десек те болады. Қуанышты күндеріміз көп, еліміз аман, жұртымыз тыныш болсын,- деді шаһар басшысы Ермак Сәлімов.

Мешіттің бұрынғы құрылысында бетон құрылымдар көп болса, қазіргі бас мердігер «AHTAS Construction» құрылыс компаниясымен бірлескен жобада металл және темір конструкциялар қолданылмақ.

- Мешіттің іргетасын бұзу ысырапшылдық болады. Сондықтан қолда барды ұқсатып, әрі қарай жалғастырамыз. Төрт мұнарасын темірден қоямыз. Ал сырты сары кірпішпен қапталады. Осы іске бекінгенімізді естігенде, құрылыс заттарын тегін береміз деген кәсіпкерлер де табылды. Қала халқы да азды-көпті қаржылай көмектерін әкеліп жатыр. Бәрін түртіп алдық. Көпке жарияламасақ та, олардың есімдері тарихта қалады деп ойлаймын,- дейді Дулат Тастекеев.

Айта кетейік, бұл нысан шаһардағы 13-ші мешіт болмақ.

Жадыра ТӨЛЕГЕНҚЫЗЫ, «Семей таңы»

Еще статьи...