Авторизация



Кто на сайте

Сейчас 66 гостей онлайн
ОФИЦИАЛЬНЫЙ WEB-САЙТ АКИМА ГОРОДА СЕМЕЙ
  • Полицейлер Елбасының Жолдауын талқылады

    Семей қ. ІІБ жеке құрамы әскери-қызметтік даярлық аясында «Нұр Отан» ХДП Семей қалалық филиалы төрағасының бірінші орынбасары Зульфия Жамалтдиновамен бірге Елбасы Нұрсұлтан Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» кезекті Қазақстан халқына Жолдауын талқылап, зе

  • Президенттің Қазақстан халқына жолдауын түсіндіру бойынша кездесу

    Білім бөлімінің қызметкерлері ақпараттық–насихаттық жұмыс шеңберінде ҚР Президентінің «Қазақстандықтардың әл-ауқатының өсуі: табыс пен тұрмыс сапасын арттыру» Қазақстан халқына Жолдауын түсіндіру бойынша мектеп ұжымдарымен кездесу өткізді.

  • Қайырымдылық іс шарасы

    «Арнаулы әлеуметтік қызметтер көрсету орталығы» КММ 400 –ден астам мүмкіндігі шектеулі жандарға арнаулы әлеуметтік қызметтер көрсетеді, олардың ішінде 70-ке жуығы аз қамтылған отбасыларында тәрбиеленеді.

Яндекс.Новости: Казахстан

Курсы валют: курс доллара, курс евро

Купи-Продай

Случайная новость

Разъяснены основные направления

Информационно-пропагандистские группы проводят  встречи с населением с целью пропаганды и информирования по Посланию Президента народу «Казахстан в глобальной реальности: рост, реформы, развитие». Очередная встреча прошла с коллективом консультативно-диагностического центра г. Семей.

Выступая по основным направлениям Послания, член ИПГ, преподаватель финансово-экономического колледжа имени Р. Байсеитова Артур Искаков остановился на международной экономической обстановке, ее влиянии на экономические показатели Казахстана, а также на антикризисном плане, предложенном главой государства для успешного преодоления кризиса.

- Предложенное в Послании главы государства  «Казахстан в глобальной реальности: рост, реформы, развитие» - единственно верный ответ сегодняшнему положению в мировом сообществе, в котором учтены все сферы деятельности, - отметил он.

Подробнее ...
Home ТАРИХ.ТАНЫМ.ТАҒЫЛЫМ

ТАРИХ.ТАНЫМ.ТАҒЫЛЫМ

«АДАМЗАТТЫҢ АБАЙЫ»

Халқымыздың данышпан ақыны хакім Абайдың туғанына 173 жыл толуына орай Семейдегі Абайдың «Жидебай-Бөрілі» мемлекеттік қорық музейі қалалық әкімдік ғимаратында «Адамзаттың Абайы» тақырыбында көрме ұйымдастырды.

Еліміздің өзге де аймақтарын аралап қайтқан бұл жылжымалы көрме 22 тамыз күні қалалық әкімдік ғимаратына қойылды. Көрменің ашылу салтанатына шаһар басшысы Ермак Сәлімов, қала әкімінің орынбасары Надежда Шарова, Абай музейінің директоры Болат Жүнісбеков және музей, қалалық әкімдік қызметкерлері, қала тұрғындары жиналды.

- Адам бойындағы негізгі қасиеттерді ыстық қайрат, нұрлы ақыл, жылы жүрек деп бағалаған адамзаттың Абайына арналған көрме қалалық әкімдік қызметкерлері үшін өте тағылымды дүние болары сөзсіз. Себебі қазір отандастарымыздың тарихи тамырын терең түсініп, рухани жаңғыруына баса мән берілуде. Абайдың сөздері әрбір қазақ үшін темірқазық екені даусыз. Ұлы ақынның сан салалы өнері - ұрпағына мәңгілік азық. Абай шығармалары әрдайым қазақ қауымының рухани қажеттілігін өтеуге қызмет ете бермек, - деді қала әкімінің орынбасары Надежда Шарова.

Семей - халқымыздың біртуар перзенттерін дүниеге әкелген қасиетті мекен. Жыр алыбы Мұқағалидың «Семей десе, Абай деп қарайды адам» деуінің сыры да осында болса керек.

- Ардақты ағайын, бүгін қаламыздың басты ғимаратында ғибратты іс шара өтіп жатыр. Ұлы ақынның туған күні қарсаңында қалалық әкімдікте осындай көрменің ұйымдастырылуы өте дұрыс шешім деп ойлаймын. Семейдегі Абай музейінің тарихы 1940 жылдан басталады. Осы 80 жыл ішінде Абайды танытып, қазақтың мәдениетін дамытуға зор үлес қосып келе жатқан Абайдың «Жидебай-Бөрілі»мемлекеттік тарихи-мәдени және әдеби-мемориалдық қорық музейінің ұжымына алғыс айтамын. Естеріңізде болса, 1913 жылы Ахмет Байтұрсынұлы Абайды «қазақтың бас ақыны» деп бағалады. Содан бері 105 жыл өтсе де, Абайдан асқан, Абайдан биік ақын әлі бізде туған жоқ. Абай мың ақынды туғызып кетсе де, бір Абайдың деңгейіне ешкім жете алмады.  Бұл - үлкен меже. «Абайдың сөзі – әр қазақтың бойтұмары болуы керек» деген Елбасының тамаша сөзі бар. Яғни қазақтың табиғатын, ділін, санасын, рухын өзімен бірге ала жүретін және кемел адам болуға бағыттайтын бойтұмар дегенді білдіреді. Елбасының осы сөзін жай айта салмай, жүрекпен сезініп айтқан жөн, - деді филология ғылымдарының докторы, профессор Арап Сіләмұлы, - Өзбекстанда Абай күндері аталып өтіп, соңғы үш-төрт жылда қазақ-өзбек байланысы жаңа сатыға көтерілді. Осылайша өзбек елінде Абайды тану процессі басталып кетті. Өзбекстанның Президенті Абайды тану туралы қаулы шығарды. Бұл – үлкен мәртебе. Сондай-ақ олар келесі жылы Қазақстанға келетіндерін жеткізді. «Әсіресе, Семей қаласы, Абай елі - біздің басты нысанамыз» деді олар. Оған да көп уақыт қалған жоқ. Демек, Абай - халықтар достығының дәнекері болып отырған алып тұлға. Бойымда қазақтың қаны, қазақтың ділі бар дейтін, оның тілі мен тарихын, болашағын білгісі келетін әрбір қазақ Абайды оқуы керек. Абайдың мұрасы жасай берсін, - деді ғалым.

Абайдың «Жидебай-Бөрілі» мемлекеттік қорық музейінің директоры Болат Жүнісбеков Семейдің төрінде «Адамзаттың  Абайы» тақырыбын-дағы көрменің ұйымдастырылуы  қала басшылығының Абай мен Шәкәрім мұрасына деген ерекше құрметі екенін атап өтті.

- Көрмені ұйымдастырудағы мақсатымыз – елге қызмет етіп жатқан билік өкілдерінің, мемлекеттік қызметкерлердің халықтың асыл мұрасына деген сүйінпеншілігі мен қызығушылығын арттыру. Жуырда музей ұжымы қала әкіміне хат жазып, Семейге келген қонақтар алдымен Абай музейінен ат басын бұрса деген тілегін білдіріп еді. Сол тілегіміз орындалып, Ермак Бидахметұлының тапсырмасымен шаһарға келген меймандар, ең алдымен, Абай музейінінің қара шаңырағына баратын болды.

Абай ұлы ақын, жазушы, кемеңгер, ойшыл ғана емес, Абай - біздің ұлттық мақтанышымыз. 1995 жылы ұлы ақынның 150 жылдығы тойлаған кезде Елбасы «Егер біз Абайды ертерек оқып-білсек, бүгінгі өтпелі кезеңде жіберіп жатқан кейбір кемшіліктерді қайталамас едік» деп айтқан екен. Абай - қазақ халқының киесі, ары мен намысы, мақтанышы. Алматы мен Астана қалаларын, батыс пен оңтүстік өңірлерді аралап қайтқан көрменің бір бөлігін қала тынысының әр саласын басқарып отырған әріптес бауырларымыз көрсе деген ниетпен әкеліп отырмыз. Театр маусымы ашылған соң игілікті іс Абай театрында жалғасады, - деді Болат Жүнісбеков.

Көрменің ашылуынан кейін Абай музейінде республикалық Абай оқулары басталды.

Жадыра ТӨЛЕГЕНҚЫЗЫ, «Семей таңы»

АБАЙ – ҚАЗАҚТЫҢ АДАСТЫРМАС ТЕМІРҚАЗЫҒЫ

23 тамыз – ұлы Абайдың туған күні. Ұлылар елінің ұрпақтары жылдағы дәстүрмен хакім ескерткішіне гүл шоқтарын қойып, тағзым етті. Биыл ұлы ақынның дүниеге келгеніне 173 жыл толып отыр. Шара барынысында ақының әндері шырқалып, жас ақындар  өлеңдерін оқыды. Ескерткіш басына Семей қаласының зиялы қауым өкілдері, жалынды жастар жағы да көп жиналды.

Семей қаласы әкімінің орынбасары Надежда Шарова өзінің құттықтауында бүгінігі таңда біздің адастырмас темірқазығымыз Абай және оның мол мұрасы екенін айтты. Құттықтауын қала әкімінің орынбасары қазақ тілінде жеткізді.

- Бүгін біз ұлы ақын Абайдың рухына тағзым ету үшін жиналып отырмыз. Адамзаттың бәрін бауырым деп сүйген асыл бабамыз осы күнді армандап кетті. Берекеміз артып, елдігіміз нығайды. Сол арманға бүгінігі ұрпақ қол жеткізді. Заңғар жазушы Мұхтар Әуезовтің: «Абай лебі, Абай үні - заман тынысы, халық үні» деген даналық сөзі бар. Заман ауысып дүние өзгерсе де, халқымыз Абайдан айныған емес. Бүгінігі «Рухани жаңғыру» жолында біздің адастырмас темірқазығымыз Абай және оның мол мұрасы. Ендеше, ерлік пен өрлікті, елдік пен бірлікті ту еткен баба сөзі бізге аманат. Аманатқа қиянат жасамаған дана халқымыз ұрпағын ұлы жолға бағыттарына сенімдіміз. Абай рухы бәрімізді ұлы мұраттарға жетелей берсін, - деді қала әкімінің орынбасары Надежда Шарова.

Ескерткіш басына жиылған қауым ұлы ақынның рухына тағзым етіп, гүл шоқтарын қойды.

Бұдан кейін ақын рухына арналған шара шаһарымыздағы Абайдың «Жидебай-Бөрілі» мемлекеттік қорық-музейінде жалғасын тапты. Онда «Абай туралы естеліктер» және «Ата-анаға көз қуаныш» кітаптарының тұсау кесер рәсімі өтті. Тұсау кесер рәсімі Дүйсенбек Қошқарбеков, Молдабек Жанболат, Зейнолла Тоқаев сынды аға буын өкілдеріне берілді. Кітаптар мемлекеттік тапсырыс арқылы 500 данамен жарыққа шыққан. Айта кетейік, кітаптар сатылымға шықпайды, тек кітапханаларға ғана таратылады.

- Қасиетті Құрбан айт мерекесінің үшінші күні Абайдың туған күнімен қатар келіп отыр. Ұлы ақының мерекесімен құттықтаймын. Жыл сайын біз әр түрлі шаралар өткізетінбіз. Бүгінгі шара бұрығыдан өзгеше. Бүгінде Абай естеліктеріне толы «Абай туралы естеліктер» және балаларға арналған «Ата-анаға көз қуаныш» кітабын жарыққа шығардық. Абай шаңырағы, Абай мұрасы - қазақтың көзі ашық зиялы қауымы үшін қашанда киелі мекен, - деді Абай музейінің директоры Болат Жүнісбеков.

Абай туралы естеліктер бұрын соңды осындай тиражбен шықпағанын баса айтуға болады. Жекелеген естеліктер газет беттерінде, журналдарда жарияланып жүрді. Бірақ дәл  осындай жинақталған түрде, үлкен көлемде бірінші рет жарыққа шығып отыр

Ал «Ата-анаға көз қуаныш» атты екінші кітапта Абайдың шығармалары балаларға арнайы лайықтап шығарылған. Ол түрлі-түсті форматта жарыққа шықты. Бұған дейін Абай шығармалары балалар үшін арайы басылым болып шықпаған. Бұл кітап алғаш рет жас оқырмандарға арналып отыр.

Сонымен қатар Абайдың туған күніне арналған «Ұлылар мұрасына тағзым» және биылғы жылы ашылған «Этнографиялық бөлім», «Абай жолы», «Үш қайнар» көрме залдары көпшілік назарына ұсынылды.

Құралай ОМАШ, Cемей қаласы.

ТАРБАҒАТАЙДАҒЫ ТОРҚАЛЫ ТОЙ

Президенттің «Болашаққа бағдар: рухани жаңғыру» бағдарламалық мақаласынан туындайтын міндеттерді жүзеге асыру, тарихымызды танып, қасиетті бабалар өнегесін насихаттау, ұлттық спорт түрлерін дамыту бағытында Тарбағатай ауданында тағы бір игілікті істің туы желбіреді. Төрткүл дүние көз тіккен дүбірлі жарыс - Қазақ күресінен Ырғызбай Досқанаұлы атындағы әлемдік Гран - при турнирі - Ақсуат ауылындағы орталық стадионда биыл алтыншы рет өткізілді. Әлемнің жиырма екі елінен келген әйгілі балуандар Ақсуаттағы жаңа стадионда топ алдында белдесіп, күш сынасты. Аудан басшыларының ұйғаруымен, спорт жанкүйерлерінің қолдауымен жаңа стадионға қасиетті емші, дәстүрлі қазақ медицинасының көрнекті атасы Ырғызбай Досқанаұлының есімі берілген болатын. Жарыс басталмас бұрын, осы стадионның салтанатты ашылу рәсімі ұйымдастырылды.

Жарысқа ҚР-ның еңбек сіңірген жаттықтырушысы, халықаралық дәрежедегі төреші Қуат Байходжаев төрелік етті. Бақылаушы ретінде бірнеше елдің өкілдері келген екен. Олардың арасында турнирдің бас бақылаушы-үйлестірушісі – «United Oil Wrestling» федерациясының төрешісі, Халықаралық күрес федерациясы төрешілерінің директоры, Израиль мемлекетінің еңбек сіңірген жаттықтырушысы Петр Бен Розен болды.

Балуандар белдесуі салтанатында Шығыс Қазақстан облысы әкімінің орынбасары Шалқар Байбеков, Л.Гумилев атындағы Еуразия ұлттық университетінің ректоры Ерлан Сыдықов, Тарбағатай ауданының әкімі Ділдабек Оразбаев құттықтау сөз сөйледі. Аудан әкімі Ділдабек Тәжібайұлы Дүниежүзілік Қазақ күресі федерациясының вице - президенті Серік Түкеевке Тарбағатай ауданының Құрметті азаматы атағы берілгенін мәлімдеп, төсбелгі тапсырды.

Халықаралық, әлемдік конкурс-тардың бірнеше мәрте жеңімпазы Медет Шотабаев топ алдына шығып, Бейбіт Сиқымбайдың сөзіне жазылған Серік Бабаханның «Ырғызбай баба» әнін орындап берді.

Қош. Тарбағатайдың боз кілемінде белдесіп, жеңімпаз атанған балуандарды облыс әкімінің орынбасары Шалқар Байбеков, Дүниежүзілік Қазақ күресі федерациясының вице-президенті Серік Түкеев, Халықаралық күрес түрлері қауымдастығының комитет төрағасы Гинтаутас Вилейта, Израиль мемлекетінің еңбек сіңірген жаттықтырушысы Петр Бен Розен, Л.Гумилев атындағы Еуразия ұлттық университетінің ректоры Ерлан Сыдықов, Дүниежүзілік Қазақ күресі федерациясының вице - президенті, ҚР Құрметті спорт қызметкері Баделхан Камалханұлы, «ТАС КРЕДИТ» қаржы компаниясының президенті, Халықаралық Тарбағатай айтысының бас демеушісі Дулат Тастекеев, Тарбағатай ауданының әкімі Ділдабек Оразбаев марапаттады.

Сонымен, Ырғызбай Досқанаұлы атындағы әлемдік Гран-приде өгіз палуан атағын тарбағатайлық Қуаныш Мұратов жеңіп алды. Екінші орынды Ғабит Дәулетов, үшінші орынды өзбекстандық Камолиддин Расулов иеленді. Ал түйе балуан атағын Өзбекстанның атақты балуаны Мухсин Хассамудинов алса, екінші орынды ресейлік Руслан Арсланов, үшінші орынды грузиялық Бессарион Берулава еншіледі.

Балуандар белдесулері аяқталған соң, жарысты көруге келген сауыққұмар қауым «Тарландарды түлеткен Тарбағатай» деген атпен ұйымдастырылған ақындар айтысын, елімізге аты мәлім өнер жұлдыздарының концертін тамашалады. Ал ертеңінде Екпін ауылындағы ипподромда, Ырғызбай Досқанаұлы атындағы әлемдік Гран-при бағдарламасына сәйкес, ат спорты ойындары ұйымдастырылды. Оған еліміздің түкпір-түкпірінен ат бапкерлері әкелген желден жүйрік тұлпарлар қатысты. 25 шақырымдық аламан бәйгеде бас жүлде мен оған тігілген автокөліктің кілті аты бәйгеден келген Күршім ауданының азаматы Н.Қасымхановқа тапсырылды. Топ бәйгеде бірінші орынды Орал қаласынан әкелінген тұлпар 35 аттың ішінен озып келіп, иесіне автокөлік мінгізді. Тай жарысында Көкпекті ауданының Айғаным атты тайы бірінші болып келді. Көкпаршылар сайысында көкпектіліктермен бақ сынасқан Ақжар ауылының жігіттері қарсыластарын ойсырта жеңіп, бәйгеге тігілген «Лада гранта» автокөлігінің кілтін иеленді.

Гран-при турнирі өтетін күні Ақсуатта есте қаларлықтай жаңалықтар көп болды. Атап айтар болсақ, ауылдағы ең сәулетті демалыс орындарының біріне айналар Мұрын ана саябағы ашылды. Одан соң зиялы қауым, той қонақтары К.Нұрбаев атындағы Ақсуат орта мектебіне бет алды. Осы мектепте ұзақ жыл ұстаздық еткен Дина Әбілмәжінқызы Аманқұлованың атына бастауыш сынып кабинеті ашылды. Бұл шараны жүзеге асырған Тыныбаевтар әулеті игілікті істерімен көптің көңілінен шықты. «Туған жерге тағзым» акциясы аясында ашылып отырған бұл сыныпты Қазақ инновациялық гуманитарлық - заң университетінің ректоры, саяси ғылымдар докторы, профессор, ҚР Президенті жанындағы Әйелдер істері және отбасылық демографиялық саясат жөніндегі комиссияның мүшесі, осы мектепті 1975 жылы үздік бағамен бітірген түлегі, Тарбағатай ауданының Құрметті азаматы Шырын Құрманбаева, Л.Гумилев атындағы Еуразия ұлттық университетінің ректоры, тарих ғылымдарының докторы, профессор, халықаралық педагогикалық білім беру ғылымдары академиясының академигі Ерлан Сыдықов пен ұрпақтары заман талабына сай жабдықтады. Кабинеттің ашылу рәсіміне, Алматыдан, Астанадан келген профессор, ғалымдармен қатар, мектептің ұстаздары, Дина Әбілмәжінқызының әріптестері, ауыл тұрғындары қатысты.

Айта кету керек, бұл - К.Нұрбаев атындағы мектепте осы әулет ұрпақтары ашып отырған үшінші кабинет. Бұған дейін, 2014 жылы, Шырын Асылханқызы, мектеп бітіргеніне 40 жыл толуына орай, өзі білім нәрімен сусындаған мектебіне демеушілік көрсетіп, 2015 жылы анасы Өжікен Тыныбаева атындағы қазақ тілі кабинетін соңғы үлгімен жабдықтап, ашқан болатын. Міне, бұл үрдіс жалғасын тауып келеді. Сыныптың ашылу салтанатында аудан әкімі Ділдабек Оразбаев, қоғам қайраткері Ғарифолла Есім құттықтау сөз сөйлесе, Аян Задан жырдан шашу шашып, ҚР-ның еңбек сіңірген әртісі Кенжеғали Мыржықбай әсем ән шырқады. Ашылып отырған сыныптың лентасын Елтаңбамыздың авторларының бірі Жандарбек Мәлібекұлы, Ғарифолла Есім, Ерлан Арын, Дихан Қамзабекұлы қиды.

Жаңа кабинетке жиналған бастауыш сынып ұстаздарына арнап Л.Гумилев атындағы ЕҰУ-нің оқытушылары, мектеп мұғалімдерінің қатысуымен, «Рухани жаңғыру» мақаласының аясында конференция ұйымдастырды.

Хамза СӘТИЕВ, «Семей таңы»

 

 

ҰРПАҒЫ МӘҢГІ ҰМЫТПАС

31 мамыр – Саяси қуғын-сүргін және ашаршылық құрбандарын еске алу күнінде семейліктер Әлихан Бөкейхановтың ескерткіші алдына жиналып, ұлт зиялылары рухына тағзым етті. Атаулы күнге орай, Семейге Шығыс Қазақстан облысы әкімінің орынбасары Әсем Нүсіпова да арнайы келіп, Алаш көсемінің ескерткішіне гүл шоқтарын қою рәсіміне қатысты.

1937 жылы қазақ халқының тұлғалы ұлдарына «халық жауы» деген жалған айдар тағылып, олар қасіретті қудалаудың құрбаны болды. Есімдерін ұрпақ жадында мәңгілікке қалдыру мақсатында ҚР Президенті Нұрсұлтан Әбішұлы Назарбаев 1997 жылы 31 мамырды Саяси қуғын-сүргін және ашаршылық құрбандарын еске алу күні ретінде бекіту туралы Жарлыққа қол қойған еді. Содан бері елімізде бұл күн жазықсыз жапа шегіп, қудалауға түскен ұлт зиялыларының есімін жаңғырту күні болып аталып келеді.

- Бүгін біз саяси қуғын-сүргін және ашаршылық құрбандарын еске алу үшін жиналып отырмыз. Бұл қаралы оқиғадан бері 80 жыл уақыт өтсе де, сол бір зұлмат жылдар ұмытылған жоқ. Себебі оларды ардақтайтын ұрпағы бар. Өмірлерін ел тәуелсіздігі үшін, халқы үшін құрбан еткен азаматтардың есімдері ұрпақтың, біздің жадымызда мәңгілік сақталады,- деді Әсем Бекқызы. - 1921-1954 жылдар аралығында Кеңес Одағында 3 млн. 777 мың адам сотталса, оның ішінде 642 мың адамға қатаң жаза шығарылды. Осы жылдар аралығында қазақ даласында Тұрар Рысқұлов, Әлихан Бөкейханов, Бейімбет Майлин, Мағжан Жұмабаев, Ахмет Байтұрсынов, Ілияс Жансүгіров, Сәкен Сейфуллин сияқты ұлт зиялылары өмір сүрді. Республика территориясында ел аумағындағы ең ірі лагерьлердің бірі Карлаг жұмыс істеді. Оның құрамында «халық жауларының» әйелдеріне арналған АЛЖИР лагері де болды. Жалпы, республика көлемінде тоталитарлық режімдегі 953 лагерь жұмыс істеді. 1937-1938 жылдары ғана 100 000-нан астам адам заңсыз сотталса, оның 25 мыңнан астамы ату жазасына кесілді.

Жаппай қуғын-сүргін кеңестік республикалардың ешқайсысын айналып өткен жоқ. Ұлты мен әлеуметтік жағдайына қарамастан, кез келген адам қудалау құрбанына айналды. 800 мың неміс, 102 мың поляк, 19 мың кәріс ұлттары өкілдері, 507 мың солтүстіккавказдық, сондай-ақ Қырым татарлары, гректер, қалмақтар және басқа да халықтар Қазақстанға жер аударылды. Қиындықтарға қарамастан, қазақ халқы оларды құшақ жая қарсы алды. Тәуелсіздік алғаннан кейін, заңсыз сотталған 340 мыңнан астам адам ақталса,  оның 3700-і шығысқазақстандық болды. Біз ұлт зиялыларының қанымен келген егемендіктің бағасын біліп, ардақтап, әлемдегі бейбітшілік пен тыныштықты сақтауды, достықты, толеранттылықты алдыңғы кезекке қоюымыз қажет. Біздің жастарымыз өткен тарихымызды бүгінгідей патриоттық сезіммен, сеніммен айта білуі шарт,- деп атап өтті ШҚО әкімінің орынбасары Әсем Нүсіпова.

Әсем Бекқзызы сондай-ақ осы кеште республикалық ономастикалық комиссияның шешімімен Ленин көшесінің «Мәңгілік ел», Полковничий аралының «Бейбітшілік аралы» атауларына ауысатыны жайлы сүйінші хабарды көпшілікке жеткізді.

- Патшалық Ресейдің қарамағында 2 жарым ғасырдан астам уақыт бодан болып келген қазақ елі, төңкеріс болып, жаңа кеңестік үкімет орнаған кезде, бұғаудан босадық, енді жақсылыққа бет бұрамыз деген үлкен үмітте болып еді. Бірақ олай болмады. Кеңестік режім, коммунистік режім бұрынғы патша үкіметінің қитұрқы саясатын асқан шеберлікпен пайдаланып, әрі қарай мұрагер бола білді, соны жалғастырды. Барлық зұлматтың басты себепкері болды. Осы кезеңдегі кеңестік республикалар арасындағы зобалаң «саяси қуғын-сүргін жасау» деген тазалаумен байланысты еді. Сондықтан Елбасының 31 мамырды Саяси қуғын-сүргін және ашаршылық құрбандарын еске алу күні етіп жариялауы - асқан көрегендігі әрі тарихқа, келер ұрпаққа жасаған үлкен жемісті ісі деп айтқым келеді.

Бүгін Алаштың көсемі Әлихан Бөкейхановтың ескерткіші алдында тұрып айтпағымыз - ендігі ұрпақ бұл зобалаңды ұмытпауы керек. Есті ұрпақ мұндай зорлық-зомбылыққа келешекте жол бермеу керектігін жүрегінде түйсе, содан қорытынды шығарса дейміз. Жастарға осыны ұғындыру, түсіндіру - аға ұрпақтың парызы,- деді осы кеште сөз алған Арап Сіләмұлы.

Тоталитарлық режімнің солақай саясаты нәтижесінде құрбан болғандар жайлы кең мағлұмат Семей қаласының тарихи-өлкетану музейінде өткен «Жазықсыз жапа шеккендер» атты дөңгелек үстелде айтылды.

Жадыра ТӨЛЕГЕНҚЫЗЫ, «Семей таңы

РАМАЗАН – РАҚЫМ АЙЫ!

Аса қамқор, ерекше Мейірімді Алланың атымен бастаймын!

Қадірлі бауырлар!

Баршамызды оразаға аман-есен жеткізген құдіреті шексіз Алла Тағалаға сансыз шүкірлер мен мақтау-мадақтар болсын!

Сіздерді күллі мұсылман қауымы асыға күткен қасиетті Рамазан айының келуімен шын жүректен құттықтаймын! Әр шаңыраққа шаттық пен бақыт, бірлік пен береке тілеймін. Баршаңызға Жаратқан Ием жар болсын!

Рамазан – рақым айы! Алла Елшісі: «Кімде-кім Рамазан айында шынайы сеніммен, сауабын бір Алладан үміт етіп, ораза ұстаса, бұрын-соңды жасаған күнәлары түгелдей кешіріледі»,– деген. Қасиетті айдың құрметі үшін сауабын бір Алладан үміт етіп, бір-бірін кешіріп, мейірімділік танытқан пенделер зор табысқа жетеді. Өзгеге мейірім көрсеткен адамды Алла Тағала мейіріміне бөлейді. Кешіргенге кешірім жасалады.

Рамазан – жақсылық айы. Оразада әрбір жақсы амалдың сауабы еселеніп жазылады. Ауыз аштыру, садақа беру, науқас адамға қарайласу, қамкөңіл жанға қамқор болу, жетім мен жесірді, қария мен мүгедек кісіні қуанышқа бөлеу, т.б. – сауабы мол іс. Хадис-шарифте айтылғандай, «адам баласының барлық игі істерінің сауабы еселенеді. Әрбір жақсылыққа он еседен жеті жүз есеге дейін сауап жазылады».

Омырауда баласы бар, денсаулығы жарамайтын, кәрілік жеткен қарттарымыз ауыз бекіткен кісілерге ауызашар берсе, ол да абзал амалдың бірі.

Рамазан – тәрбие айы! Ауыз бекіткен адам тілін жаман сөзден тежейді. Өйткені ардақты пайғамбарымыз Мұхаммед (оған Алланың салауаты мен сәлемі болсын): «Кім болса да ораза ұстаған күні жаман сөз айтпасын әрі ешкімге дауыс көтермесін...» - деп өсиет еткен. Расында, Алла Тағала үшін тілін өтірік пен ғайбат сөзден тыймаған пенденің ұстаған оразасы қажет емес.

Рамазан – қасиетті Құран түскен ай! Бұл айда адам баласын    тура  жол  мен бақытқа   бастайтын, ақиқат пен жалғанның аражігін ажырататын Құран аяттары түсе бастады. Ораза кезінде Құранды кемінде бір рет толық оқудың, мән-мағынасын көңілге тоқудың сауабы айрықша.

Рамазан – сабыр айы! Аузы берік адам кейбір кісілердің дөрекі сөзі мен әдепсіз әрекетіне сабыр сақтап: «Мен оразамын»,– деген сөзбен нәпсісіне тоқтау салып, төзімділік танытады. Ал сабыр иесіне берілетін сый – жаннат.

Рамазан – өзгеру айы! Қасиетті Құран Кәрімнің «Рағыд» сүресінің 11-аятында: «Қайбір қауым өзін-өзі өзгертпейінше, Алла оны өзгертпейді»,– деп баяндалған.

Оразада адамның тұла бойы ізгілікке толып, сана-сезімі өзгереді. Бұл – қабыл болған оразаның көрінісі. Өзін өзгертуге тырысқан пенде Жаратқанның жарылқауына кенеледі.

Құрметті қауым!

Он екі айдың сұлтаны Рамазан құтты, берекелі болсын! Қасиетті айда жасайтын құлшылық, дұға-тілектеріңіз қабыл болсын! Алға қойған арман-мақсаттарыңыз орындалып, оразадан оразаға аман-есен жете беруімізді Алла нәсіп етсін! Еліміз аман, жұртымыз тыныш болғай! Халқымыздың бірлігі нығайып, берекесі арта бергей! Тәуелсіздігіміз әрқашан баянды болғай! Әумин!

Серікбай қажы ОРАЗ, Қазақстан мұсылмандары діни басқармасының төрағасы, бас мүфти.

Еще статьи...