Авторизация



Кто на сайте

Сейчас 113 гостей онлайн
ОФИЦИАЛЬНЫЙ WEB-САЙТ АКИМА ГОРОДА СЕМЕЙ
  • Семей қалалық соты мен медиацияны дамыту орталығы ынтымақтастық туралы меморандумға қол қойды

    Семей қалалық сотының төрағасы Н.Б.Әбдікәрімов пен Астана қаласының «Медиацияны дамыту орталығы» Республикалық қоғамдық бірлестігінің Шығыс Қазақстан облысы бойынша Семей қаласының өкілі Б.Д.Кенжина жанжалдарды шешудің медиация және басқа да балама әдістерін дамыту мақсатында ынтымақтастық туралы меморандумға қол қойды.

  • Жүлделі орынмен қайтып келді!

    Семей қаласының облыстық балалар биологиялық орталығының оқушылар командасынан құралған 2 жас натуралистер Жунусова Ляззат Кайратовнаның жетекшілігімен №17 ЖОББМ оқушысы Киякпаева Дильназ, Вощакина Дарья Николаевнаның жектекшілігімен № 1 ЖОББМ оқушысы Жерздева Екатерина 2018 жылдың 17 қарашасы Өскемен қаласында өткен «Таза қоршаған орта - «Қазақстан – 2030» стратегиясын жүзеге асыру негізінде» «Дарын» облыстық өңірлік ғылыми – практикалық орталығының бағыты бойынша облыстық байқауына қатыст

  • «Отбасы мен әйелдердің құқықтарын қорғау» атты пікірталас өткізілді

    Орталықтандырылған кітапхана жүйесінде жастардың құқықтық білім деңгейін арттыру, гендерлік мәдениетке тәрбиелеу мақсатында Радиотехника және байланыс колледжінің 1-2 курс студенттерімен «Отбасы мен әйелдердің құқықтарын қорғау» атты пікірталас өткізілді.

Яндекс.Новости: Казахстан

Курсы валют: курс доллара, курс евро

Купи-Продай

Случайная новость

Разъяснены основные направления

Информационно-пропагандистские группы проводят  встречи с населением с целью пропаганды и информирования по Посланию Президента народу «Казахстан в глобальной реальности: рост, реформы, развитие». Очередная встреча прошла с коллективом консультативно-диагностического центра г. Семей.

Выступая по основным направлениям Послания, член ИПГ, преподаватель финансово-экономического колледжа имени Р. Байсеитова Артур Искаков остановился на международной экономической обстановке, ее влиянии на экономические показатели Казахстана, а также на антикризисном плане, предложенном главой государства для успешного преодоления кризиса.

- Предложенное в Послании главы государства  «Казахстан в глобальной реальности: рост, реформы, развитие» - единственно верный ответ сегодняшнему положению в мировом сообществе, в котором учтены все сферы деятельности, - отметил он.

Подробнее ...
Home ЗАҢ МЕН ЗАМАН

ЗАҢ МЕН ЗАМАН

БИЛЕР КЕҢЕСІ ҚАЙТА ҚҰРЫЛМАҚ

Жұма, 9 қараша күні қалалық әкімдік ғимаратында, Елбасы Н.Назарбаевтің тапмырмасына сәйкес, Шығыс Қазақстан облыстық сотының азаматтық істер жөніндегі сот алқасының төрағасы Дамир Әбдіғалиев пен Семей қаласының әкімі Ермак Сәлімов дауды баламалы әдістермен реттеу институтын дамыту  туралы өзара ынтымақтастық меморандумына қол қойды.

Қазіргі таңда қоғамда дау мен жанжалдардың көбеюіне байланысты, оларды шешу мен реттеудің тиімді әдістерін табу өзекті әрі маңызды мәселелердің бірі болып отыр. Елбасымыз Н.Назарбаев сотта қаралатын даулар санын қысқарту, оларды шешудің баламалы тәсілдерін енгізу, отандық сот төрелігін қалпына келтіруге мүмкіндік беретін татуласу рәсімдерін және медиацияны дамыту маңызды екендігін атап көрсеткен болатын. Бүгінде дауларды шешудің баламалы әдісі, оның ішінде медиация  белсенді түрде қолданылады. Медиацияны қолданудағы негізгі міндет  - ақ пен қараны анықтау емес, керісінше, ерікті түрде татуластыру.

- Елбасы Н.Назарбаевтың тікелей тапсырмасына сәйкес, тиісті жұмыстар басталып, іске асуда. Бүгінгі басқосу - соның дәлелі. Яғни біздің алдымызда сот тәртібімен қаралуға жататын дауды азайту міндеті тұр. Соттан тыс реттеудің баламалы жолдарын, оның ішінде екі жақты келісім және медиацияны дамытуымыз керек. Тиісті заң қабылданды. Жұмыстарымыз басталды. Тәжірибе көрсеткендей, көптеген мәселелерді сотқа дейін жеткізбей реттеуге болады. Әкім ретіндегі тәжірибемде келіп түскен сұрақтардың көпшілігін осы институт арқылы шешуге болатынына көз жеткіздім. Бірлескен жобаны іске асыру үшін барлық жағдай жасалады,- деді қала әкімі Ермак Сәлімов.

Шығыс Қазақстан облыстық сотының азаматтық істер жөніндегі сот алқасы төрағасының айтуынша, билер сотының мәртебесі қайта жаңғыртылмақ.

- Мемлекет басшысының тапсырмалары шеңберінде сот төрелігінің жеті саласы бар, олардың біреуі сотқа дейін және сотта қоғамдағы жанжалдарды азайту үшін іске асырылады. Бұл жобаның негізгі бағыты - дауды сотқа жеткізбей шешудің ауқымын кеңейту, сондай-ақ билер кеңесін қайта құру. Билер кеңесі болғаны тарихтан белгілі. Жоғарғы Сот енгізген өзгерістерді ескере отырып, бұл институт жандандырылуы мүмкін. Сот билігі жоспарланған соттық міндеттемелерді жалғыз өзі іске асыра алмайды. Оған жергілікті атқарушы органның қолдауы қажет. Сондықтан Ермак Бидахметұлына соттың алға қойған міндеттерін іске асыруда қолдау білдіргені үшін алғыс білдіреміз, - деді Шығыс Қазақстан облыстық сотының азаматтық істер жөніндегі сот алқасының төрағасы Дамир Әбдіғалиев.

Шығыс Қазақстан облыстық сотының азаматтық істер жөніндегі сот алқасының төрағасы Дамир Әбдіғалиев пен Семей қаласының әкімі Ермак Сәлімов дау-дамайды баламалы әдістермен реттеу институтын дамыту туралы өзара ынтымақтастық меморандумына қол қойды.

Бұдан кейін заң саласы қызметкерлері баламалы әдістермен реттеу институтын дамытуға қатысты ойларымен бөлісті.

Құралай ҚАЙЫРЖАНҚЫЗЫ, «Семей таңы»

«ТАТУЛАСУ: СОТҚА ДЕЙІН, СОТТА»

Бейсенбі, 18 қазан күні Абай атындағы кітапханада Қазақстан Республикасы Жоғарғы Сот төрағасы Жақып Асановтың «Татуласу: сотқа дейін, сотта» жобасы аясында кездесу өтті. Аталмыш іс-шараға «Бірлесе даму» әлеуметтік кәсіпкерлікті дамыту қоры» қоғамдық қорының президенті Нұргүл Қарағойшина, Жоғарғы Соттың өкілі Сағатбек Сүлеймен, Шығыс Қазақстан облыстық соты төрағасының міндетін атқарушы Қайрат Чақпантаев, қала судьялары, зиялы қауым өкілдері, ақын-жазушылар, БАҚ өкілдері қатысты.

Жиынды «Бірлесе даму» әлеу-меттік кәсіпкерлікті дамыту қоры» қоғамдық қорының  президенті Нұргүл Қарағойшина кіріспе сөзімен ашып, қатысушыларды «Татуласу: сотқа дейін, сотта» жобасының мақсатымен таныстырды.

- Қазақстан Республикасы Жоғарғы Сотының бастамасымен өтіп жатқан алқалы жиын осы жолы Алаштың астанасы Семей шаһарына ат басын бұрды. Бүгінге дейін еліміздің басқа да өңірлерінде осындай басқосулар ұйымдастырылуда. Негізгі мақсат — Жоғарғы Соттың төрағасы Жақып Асановтың тапсырмасына сай облыстарды аралау. Бұл - Елбасымыздың «Рухани жаңғыру» бағдарламасы аясында татуластыру институттарының қызметін күшейту бағытында атқарылып жатқан жұмыс. Еліміздің сот жүйесінде тіркелген арыздардың саны 3 миллионнан асып отыр. Сотқа келген адамдардың екі тараптан құралатынын ескерсек, бүгінде 6 миллионға жуық халық өзара соттасып жүр деуге болады. Өкінішке қарай, ата-ана мен бала, ағайындардың, дос-жарандардың арасында дау көбейіп бара жатыр. Ең қауіптісі, бұл ұлт тұтастығына, ауызбіршілігімізге, тіпті еліміздің тәуелсіздігіне де кері әсерін тигізуі мүмкін. Қиын жағдайға тап болған адамдарға кім көмектесе алады? Әрине, осы елдің зиялы қауымы. Мен бойын түзеп, әдемі киініп жүретін қауымды емес, қиын шақта халыққа шынымен қолдау көрсете білетін көреген, зиялы адамдарды айтып тұрмын. Сондықтан біз әр өңірдің сол зиялыларын — аузы дуалы, беделді ақсақалдарды, қоғамның дамуына өз үлесін қосқысы келетін азаматтарды жинап, ой-пікірлерімізді ортаға салып отырмыз. Біз ақыл айтуға келген жоқпыз. Ақылдасуға келдік. Халық біріксе, шешілмейтін мәселе жоқ. Мақсатымыз - осы мәселені бірлесіп шешіп, жөнге келтіру,- деді Нұргүл Қарағойшина.

Басқосу барысында Жоғарғы Сот төрағасының кеңесшісі Сағатбек Сүлеймен баяндама жасады. Сағатбек Сүлеймен қоғамдағы шиеленісулер деңгейінің өсу динамикасына тоқталды. Оның айтуынша, 2013-2017 жылдар аралығында қаралған сот істерінің саны екі есеге артқан. Яғни Қазақстанда елдің әрбір төртінші тұрғыны қандай да бір сот процесіне қатысқан болып шығады. Бұл ретте, статистикаға сәйкес, сот дауларының басым бөлігі ажырасу мен алимент төлеуге қатысты отбасылық даулар екен.

- Елімізде әрбір үшінші отбасының шаңырағы шайқалып, некесі бұзылуда. Орта есеппен әр жанұяда 2 бала деп алсақ, бұл 1 жылда 100 мыңнан астам бала отбасындағы өзара сыйластық пен рухани құндылықтарды жоғалтып, толық емес отбасында тәрбиеленіп жатқанын көрсетеді,- деп нақтылады өз сөзін Жоғарғы Сот төрағасының кеңесшісі.

Сағатбек Сүлеймен сот төрелігімен татуластыру институты және билер соты негізінде ақсақалдар кеңесін жандандыру ұсынысы жайлы да айтып өтті. Бұл өз кезегінде қоғамдағы шиеленісудің төмендеуіне әкеледі.

Жоғарыда атап өткен билер сотының артықшылығы бітімгершілікті көздейтіндігінде. Мысалы, билер «Жазалау Жаратқанның ғана ісі, біз оның құлымыз», «Алдыңа келсе, атаңның құнын кеш» деп бітімгершіліксіз шешілмейтін іс болмайтынын меңзеген екен.

Әрине, бұл жоралғы жиырма бірінші ғасыр өркениетінің талабын қанағаттандыра алмас. Бірақ елдегі тыныштық пен татулық, қоғамның жоғары деңгейде дамуы, халық санасының ізгілікті мұрат тұтуы, бітімгершілік заңдарының басымдық алуы және елдің жаңарған дәстүрлері қылмыстық ахуалды жақсартуға септігін тигізері анық.

Алқалы жиында сонымен қатар қоғамда орын алатын даулы мәселелердің шешімін табу мүмкіндіктері де қарастырылды. Зиялы қауым өкілдері өз пікірлерін ортаға салып, аталған мәселе бойынша ұсыныстарын білдірді.

Қуандық НӘДІРБЕКҰЛЫ, «Семей таңы»

«ТҮНГІ СОТТАР» ТӘЖІРИБЕГЕ ЕНГІЗІЛЕДІ

13 қыркүйек күні Семей қаласының мамандандырылған әкімшілік сотында қала судьялары, прокурорлар және адвокаттар алқасы, жергілікті полиция өкілдерінің қатысуымен «Түнгі сот» пилоттық жобасы тақырыбында дөңгелек үстел өтті.

Отырыс барысында «Түнгі сот» пилоттық жобасымен әкімшілік құқық бұзушылықтарды кешкі уақытта қарау мүмкіндіктері талқыланды. Спикерлердің айтуынша, сот үрдісіне қатысушылардың уақытын үнемдеуге мүмкіндік беретін кешкі отырыстар әлемдік тәжірибеде бұрыннан қолданылып келеді. Кешкі отырыс тұрғындардың уақытын зая кетірмеуге мұрсат беріп, мәселелердің жылдам шешілуіне ықпал етеді.

Айта кетейік, Қазақстанның мақсаты – құқықтық мемлекет құру, дамыған отыз елдің қатарына кіру. Соған сай, әр салаға озық үлгілерді енгізіп жатыр. Жемқорлықты жеңген ел қатарындағы Сингапур - өзін қай жағынан да әлемге мойындатқан мемлекет. Содан болар, соңғы жылдары Қазақстанның сот жүйесіне осы мемлекеттің тиімді тәжірибелері молынан алынып, екі ел соттары арасындағы ынтымақтастық жылдан-жылға нығаюда. Мысалы, Сингапурда түнгі соттар жедел, оның ішінде жол көлік оқиғасы мен отбасындағы зорлық-зомбылыққа қатысты істерді сағат 18.00-ден бастап аптасына 4 рет қарайды екен. Айта кетерлігі, жоба азаматтардың құқықтарын қорғау, сот ісін жүргізуді жылдамдату мен жеңілдету мақсатында енгізілуде.

Түнгі соттардың жұмыс уақыты қандай болады десек, мамандар оның 18:30-дан 22:00-ге дейінгі аралықты қамтығанын құп көріп отыр. Ал нақты қандай істер қаралатынына келсек, жобада, негізінен, әкімшілік құқық бұзушылық туралы, мәселен, жол-көлік оқиғаларына, тұрмыстық-отбасылық кикілжіңдер, ұсақ бұзақылық, миграцияға қатысты кейінге қалдыруға болмайтын істерді аптасына 5 рет қарау ұсынылды. Мамандар пікірінше, түнгі соттар қажеттілігі жолда жүру ережелерін бұзғандардың көбеюіне қатысты туындауда. Іс қаралмас бұрын, тараптар оқиғаға байланысты сауалнама толтырады.

Семей қаласының мамандандырылған әкімшілік сотының төрағасы Айтжамал Молдағожинаныңайтуынша, істің түнгі сотта бірінші талқылауда-ақ тез шешілуі тараптардың одан әрі дау тудыруын тоқтатуға ықпал етеді. Шетелдік тәжірибе осыны көрсеткен.

ҚР Жоғарғы Соты тарапынан көтерілген «Түнгі соттар» пилоттық жобасы қазіргі қоғамның сұранысына дөп келіп тұр. Жолдағы оқиғалар, отбасылық жанжалдар, ұсақ бұзақылықтар аяқ астынан болады. Сондайда істі басқа күнге қалдырмай тез шешу, уақытты үнемдеумен қатар, заңдылықты қалпына келтіреді. Яғни, істің жылдам қаралуы сот әділдігін орнатуға ықпал етеді. Өйткені оқиғаның ізі суымайды. Пилоттық жобаның алдымен әкімшілік соттарға қосылуы құптарлық. Себебі әкімшілік істер созбалаңға салуды көтермейді. Сот әділдігі жоғары деңгейде болуы керек.

Дөңгелек үстел қорытындысы бойынша, кездесуге қатысушылар азаматтардың құқығын қорғау мүмкіндігін кеңейтетін, әділеттіліктің ыңғайы мен әсерлілігін арттыратын «түнгі сот» жобасының пайдалы болатынына сенім білдірді.

 

Қуандық НӘДІРБЕКҰЛЫ, Семей қаласы.

 

ЖЕМҚОРЛЫҚПЕН КҮРЕС – ОРТАҚ МІНДЕТ

Сәрсенбі, 5 қыркүйек күні Абай кітапханасында мектепке дейінгі білім беру мекемелеріндегі сыбайлас жемқорлықтың алдын алу тақырыбында дөңгелек үстел өтті. Шараға білім бөлімінің басшысы Наталия Фесенко, Мемлекеттік қызмет істері және сыбайлас жемқорлыққа қарсы іс-қимыл агенттігі жанындағы Семей өңірі бойынша сыбайлас жемқорлыққа қарсы іс-қимыл арнайы комиссиясының төрайымы Жанна Жибраева және мектепке дейінгі білім беру мекемелерінің қызметкерлері қатысты.

«Қазақстан Республикасының 2015-2025 жылдарға арналған сыбайлас жемқорлыққа қарсы стратегиясы туралы» Елбасының Жарлығын орындау мақсатында Шығыс Қазақстан облысына облыстық, қалалық, аудандық деңгейде стратегияның жүзеге асуын бақылайтын арнайы мониторингтік топтар құрылған. Яғни бұл бақылау мемлекеттік, медицина, білім беру, әлеуметтік салалардағы қызметтерге қатысты жүзеге асырылады.

Жанна Жибраеваның айтуынша, Семей өңірінде де 11 адамнан тұратын осындай мониторингтік топ құрылып, құрамына «Жанұя орталығы» қоғамдық қоры басшысының орынбасары Людмила Асташкина, қалалық мәслихат депутаты Андрей Алтайбаев, «Рудный Алтай», «Наше дело» газеттерінің тілшісі Екатерина Гуляева, Қоғамдық кеңестің тұрғын үй-коммуналдық шаруашылық комиссиясы бойынша жетекшісі Николай Исаев, «АМиДО» жастар ұйымының жетекшісі Эльзира Жүнісова, «Поколение» қоғамдық бірлестігінің төрайымы Ольга Петровская, Семей радиотехника және байланыс колледжінің директоры Оралхан Сартаев, Жастар ресурстық орталығының директоры Олжас Соғымбаев, Мұқыр ауылының мұғалімі, әйелдер істері және отбасылық-демографиялық саясат жөніндегі комиссияның мүшесі Зылиха Межекенова, қалалық сайлау комиссиясының төрағасы Зейнолла Тоқаев енген. Бұдан бөлек сыбайлас жемқорлыққа қарсы қоғамдық сарапшылар тобы құрылған. Оның құрамына ниет білдіруші азаматтар ене алады.

- Біздің топ әлеуметтік саладағы бірқатар объектілерді аралады. Мәселен, колледж жатақханаларын өрт қауіпсіздігі және басқа да жағдайлар бойынша тексеруден өткіздік. Нәтижесінде құрылыс колледжінің жатақханасында заңсыз тұрып жатқан 300-ден аса адам анықталып, бүгінгі күні бұл орындар босатылды. Білім басқармасы арқылы аталмыш жатақхананы жөндеу, қаржыландыру мәселелерін шешіп жатырмыз. Сондай-ақ оқу жылы басталғаннан бері балаларды мектепке қабылдау жүйесін тексеру мақсатында №№ 35, 42, 30 мектептерге бардық. №35 мектепте жағдай ойдағыдай болып шыққанымен, қалған екі мектептен құжаттар тізімін оңайлықпен ала алмадық. №30 мектеп директордың рұқсатынсыз құжаттар тізімін беруден бас тартты. Бұл анық заң бұзушылық болды. Бұл туралы білім бөлімі басшысына хабарлама жөнелтілді,- деді Ж.Жибраева.

Оның айтуынша, 15 - 24 тамыз аралығында Қоғамдық кеңестің төрт мүшесі Семей мемлекеттік медицина университеті мен Шәкәрім университеттеріндегі магистратура және докторантураға қабылдау емтихандарында, сондай-ақ 16 колледжде болған. Сонымен бірге Жанна Жибраева мектепке дейінгі білім беру мекемелерінде ата-аналардан оқу құралдары мен жуғыш заттарға заңсыз ақша жинау мәселесі күн тәртібінде тұрғанын баса айтты.

Ал білім бөлімінің басшысы Наталия Фесенко балаларды балабақшаға қабылдаудағы сыбайлас жемқорлықты жою үшін өткен жылдың ақпан айынан бастап арнайы жүйе құрылғанын, нәтижесінде ата-аналардың балаларын мемлекеттік құрылымдардың қатысуынсыз кезекке қоюына жол ашылғанын айтты.

- Жұмысты жеңілдету үшін әрбір балабақшада ата-аналарға базаны қолдануды үйрететін бұрыштар ашылды. Әрине, бұл жүйеге қатысты басында көптеген түсініспеушіліктер орын алды. Дегенмен қазір тұрғындардың көзқарасы өзгеруде,- деді қаланың бас мұғалімі.

Білім бөлімі басшысының айтуынша, мектепке дейінгі білім беру мекемелерінде сыбайлас жемқорлықтың өрістеуінің екінші себебі мемлекеттік сатып алу жүйесіне қатысты. Себебі, байқау қорытындысы бойынша, тендерді аз ақша ұсынған мердігер мекеме жеңіп алады да, көрсетілген қызмет сапасы төмендейді.

- №6 балабақша екінші жыл қатарынан қаржыдан бас тартып отыр. Себебі ұсынылған қаржыға сапалы жөндеу жұмыстарын жүргізу мүмкін емес. Конкурс жарияланған сәттен бастап-ақ көптеген түсініспеушіліктер орын алады. Осылайша, мемлекеттік сатып алулар туралы заң біраз қайшылықтар туғызып отыр. Сонымен қатар білім бөлімі балабақша басшыларымен келісе отырып, мектепке дейінгі білім беру мекемелеріндегі бос қызмет орындарының сайтта жариялануына қол жеткізді. Үміткерлер түйіндемені сонда қалдыра алады,- деді Н.Фесенко.

Білім бөлімінің басшысы сондай-ақ мектепке дейінгі білім беру мекемелеріне бөлінген бюджет қаржысының жеткіліксіз болуы мүмкін екенін, ата-аналардан ақша жинаудың қалыпты құбылыс екенін айтып өтті.

- Бірақ барлығы заңды болуы керек. Ниет білдірген демеуші ата-аналардың шоты ашылып, қамқоршылық кеңесі жиналған қаржының қайда жұмсалатынын шешуі қажет. Жекеменшік балабақшалар да заңсыз ақша жинауға жол бермеуі тиіс. Себебі олар да әр балаға 24 700 теңге көлемінде мемлекеттен тапсырыс алады,- деді Н.Фесенко.

Жадыра ТӨЛЕГЕНҚЫЗЫ, «Семей таңы»

ӘДІЛ ЗАҢ – ҚОРҒАНЫҢ

25 мамыр күні Семей қалалық әділет басқармасының ұйымдастыруымен Халыққа қызмет көрсету орталығында Ашық есік күні өтіп, тұрғындар өздерін мазалаған мәселелер бойынша заңдық кеңестер алды. Шараға Әділет басқармасының мамандары, нотариустер, адвокаттар, аумақтық сот орындаушылары қатысты.

Тоқсан сайын өтетін Ашық есік күнінің мақсаты – халықтың заңдық сауаттылығын арттыру. Осы орайда Семей қалалық әділет басқармасының жетекші маманы Аслан Мұратбеков:

- Біз осы акцияны дәстүрлі түрде тоқсан сайын өткіземіз. Шараның негізгі мақсаты – қала тұрғындарына тегін заңдық кеңес беру. Негізінен, тұрғындар сауалының басым көпшілігі құқық қорғаушыларға арналады. Бұдан өзге мүлікке құқықтарды тіркеуге, кондоминиумді және заңды тұлғаларды тіркеуге қажетті құжаттар тізімі көп сұралады. Барша қызметтер Әділет басқармасы жүзеге асыратын қызметтер негізінде орындалады,- дейді Аслан Мұратбеков. - Біз сондай-ақ «Нұр Отан» партиясының Семей қалалық филиалымен бірлесіп көшпелі кеңес беруге тұрақты шығып отырамыз. Семей өңіріне қарайтын ауыл мен кент тұрғындарына тегін заңгерлік кеңестер беріледі. Сонымен қатар ақпараттық-насихаттық топ халық арасына тоқсанына екі рет шығып тұрады. Оның құрамына ШҚО наториаттық палатасының өкілдері, адвокаттар, аумақтық сот орындаушылары, біздің Әділет басқармасының заңды тұлғаларды тіркеу бөлімінің, жылжымайтын мүліктерді тіркеу бөлімінің мамандары және АХАТ мұрағатының жетекші мамандары кіреді.

Ашық есік күнінде тұрғындар тарапынан қойылған сұрақтарға заңға сәйкес нақты жауаптар берілді. Сұрақтардың негізгі бөлігі жылжымайтын мүлікті тіркеу және оны жекешелендіру, кәсіпкерлерді тіркеудегі өзгерістер, сондай-ақ мемлекеттік қызмет көрсетудің әр түрлі бағыттарына қатысты болды.

2011 жылы қайтыс болған әжесі Екатерина Дайнек мұрагерлік туралы өсиет қалдырмағандықтан, жапсарлас салынған үйді заңдастырып, тіркей алмай жүрген қала тұрғыны Виктор Белазин өзінің мұрагерлік құқығы туралы кеңес алуға заңгерлерге жүгінді. Мамандар мүлікті тіркеудің жолын түсіндіріп берген соң, бәрі айқын болды.

- Талай жылдан бері шеше алмай жүрген мәселем бес-он минуттың ішінде шешілді. Заңнан хабары жоқ жандарға осындай акциялар міндетті түрде керек,- дейді Виктор Белазин.

Серік ӘБІЛҚАСЫМҰЛЫ, «Семей таңы»

 

Еще статьи...