Авторизация



Кто на сайте

Сейчас 87 гостей онлайн
ОФИЦИАЛЬНЫЙ WEB-САЙТ АКИМА ГОРОДА СЕМЕЙ
  • Семей қалалық соты мен медиацияны дамыту орталығы ынтымақтастық туралы меморандумға қол қойды

    Семей қалалық сотының төрағасы Н.Б.Әбдікәрімов пен Астана қаласының «Медиацияны дамыту орталығы» Республикалық қоғамдық бірлестігінің Шығыс Қазақстан облысы бойынша Семей қаласының өкілі Б.Д.Кенжина жанжалдарды шешудің медиация және басқа да балама әдістерін дамыту мақсатында ынтымақтастық туралы меморандумға қол қойды.

  • Жүлделі орынмен қайтып келді!

    Семей қаласының облыстық балалар биологиялық орталығының оқушылар командасынан құралған 2 жас натуралистер Жунусова Ляззат Кайратовнаның жетекшілігімен №17 ЖОББМ оқушысы Киякпаева Дильназ, Вощакина Дарья Николаевнаның жектекшілігімен № 1 ЖОББМ оқушысы Жерздева Екатерина 2018 жылдың 17 қарашасы Өскемен қаласында өткен «Таза қоршаған орта - «Қазақстан – 2030» стратегиясын жүзеге асыру негізінде» «Дарын» облыстық өңірлік ғылыми – практикалық орталығының бағыты бойынша облыстық байқауына қатыст

  • «Отбасы мен әйелдердің құқықтарын қорғау» атты пікірталас өткізілді

    Орталықтандырылған кітапхана жүйесінде жастардың құқықтық білім деңгейін арттыру, гендерлік мәдениетке тәрбиелеу мақсатында Радиотехника және байланыс колледжінің 1-2 курс студенттерімен «Отбасы мен әйелдердің құқықтарын қорғау» атты пікірталас өткізілді.

Яндекс.Новости: Казахстан

Курсы валют: курс доллара, курс евро

Купи-Продай

Случайная новость

Разъяснены основные направления

Информационно-пропагандистские группы проводят  встречи с населением с целью пропаганды и информирования по Посланию Президента народу «Казахстан в глобальной реальности: рост, реформы, развитие». Очередная встреча прошла с коллективом консультативно-диагностического центра г. Семей.

Выступая по основным направлениям Послания, член ИПГ, преподаватель финансово-экономического колледжа имени Р. Байсеитова Артур Искаков остановился на международной экономической обстановке, ее влиянии на экономические показатели Казахстана, а также на антикризисном плане, предложенном главой государства для успешного преодоления кризиса.

- Предложенное в Послании главы государства  «Казахстан в глобальной реальности: рост, реформы, развитие» - единственно верный ответ сегодняшнему положению в мировом сообществе, в котором учтены все сферы деятельности, - отметил он.

Подробнее ...
Home СҰХБАТТАР

СҰХБАТТАР

АСХАТ СМАИЛОВ: РУХАНИ ЖАҢҒЫРУ ӘР ОТБАСЫНАН БАСТАЛУ КЕРЕК

Көкпекті ауданы - аймағымыздағы адам көп қоныстанған, сан ұлтты, жері құнарлы өңірлердің бірі. Сырт қарағанда мамыражай көрінетін өңірдің  өткеніне бір сәт шолу жасасаңыз, Қалба тауларынан басталып, Зайсан көліне дейінгі жерді алып жатқан Көкпектінің жері ғана қазыналы емес, тарихы да сан қатпарлы екендігін байқап, тұнба тарихтың тұңғиығына кез боласыз. Ертерек, сонау жаугершілік заманда, Абылай хан Толағай тауының етегіне шатыр тігіп, кеңес шақырған деген дерек те бар. Қабанбай, Райымбек батырлардың да осы жерде ізі жатқан сияқты.

1997 жылы,  оңтайландыру саясаты тұсында, көршілес Самар мен Көкпекті ауданы біріктірілді. Өңірді соңғы үш жыл көлемінде басқарған Рамиль Нығметжанұлы Сағандықов мамыр айында басқа қызметке ауысып, аталған ауданға әкімдікке төрт айдай уақыт бұрын Асхат Сайдахметұлы Смаилов келген болатын.

Асхат Сайдахметұлы Смаилов 1968 жылы Ақсуат ауданы Қызыл кесік ауылында туған, Қарағанды мемлекеттік университетін экономист мамандығы бойынша тамамдаған, қаржы саласында ғана емес, аудандық деңгейде ел басқару ісінде де тәжірибесі жеткілікті, соңғы 8 жылда Тарбағатай ауданы әкімінің орынбасары қызметін атқарған.

Таяуда Көкпектіде болып, ауданды соңғы 4 айдан бері басқарып келе жатқан Асхат Сайдахметұлымен сұхбаттасып қайтқан едік.

- Асхат Сайдахметұлы, бұл өңірге алыстан келген жоқсыз, Ақсуат пен Көкпекті - Толағайдың қос етегін мекен еткен егіз қозыдай, ежелден ауылы аралас, малы қоралас аудандар. Екі ауданның табиғаты да, ауа райы да бір-біріне ұқсас. Сондықтан Сіз үшін жат жер деуге келмес. Осы өңірге басшылыққа келген төрт ай уақыттан бері қандай ой түйдіңіз?

- Иә, Көкпектіге алыстан емес, көрші ауылдан келдік. Негізгі мамандығым экономист болғандықтан да болар, қызметті аудан бюджетінің орындалуы қандай деңгейде деген сауалдан бастадым. Жергілікті бюджеттің орындалуы - халықтың әлеуметтік жағдайының жаршысы. Менің ойымша, еліміз бай-қуатты болғанда ғана өзімізді толық тәуелсіз сезінеміз. Өзімнен бұрын болған басшыны жамандағым келмейді... Дегенмен облыс бойынша рейтингілік көрсеткіште Көкпектінің 18-19-шы орыннан жоғары көтерілмей тұрғаны ауданның бүгінгі жағдайының аса мәз емес екендігінің айғағы болса керек. Жергілікті салық шамамен 100 миллион теңге көлемінде азайып кетіпті. Халықты ауыз сумен қамтамасыз ету жұмысы да сын көтермейтін деңгейде... Көкпекті ауданына қарасты 52 елді мекеннің 12-сінің ғана ауыз сумен қамтамасыз етілгені мені таң қалдырды. Бұл - ауданды ауыз сумен қамтамасыз ету көлемінің 23 пайызы ғана.

- Айтыла–айтыла жауыр болған мақал десек те, «Ауылына қарап азаматын таны» деген халық даналығы мұнтаздай таза ауылдар мен тақтайдай тегіс жолдарды көргенде еріксіз тіл ұшына оралады. Көкпектінің жолдары қандай деңгейде?

- Республика мен облысқа қарасты жолдар кезегімен жөнделуде. Бүгінгі таңда 436 шақырымды құрайтын ауданға қарасты жолдар жөндеуді қажет етеді. Қызметке кіріскен бетте аудан бюджетіне өзгерістер мен толықтырулар енгізу мәселесі жергілікті мәслихат депутаттарымен бірге қаралып, нәтижесінде біраз жұмыстарды іске асыруға қол жеткізген сияқтымыз. Көкпекті – Биғаш – Комсомол – Бастауыш - Караөткел бағыттарындағы жолдар жөнделді. Қойтас ауылына баратын 10 шақырым жолды жөндеп бердік.

Мен алғаш қызметке кіріскен күннен бастап әр салада Көкпектідегі жағдайды өзім бұрын қызмет атқарған Тарбағатаймен салыстырамын. Көп жылдар бойы аудан әкімінің орынбасары қызметінде экономика саласын басқарғандықтан цифрларды сөйлету - менің кәсібім.

Тарбағатай ауданының коммуналдық меншігінде 40-қа жуық техника бар. Қар тазалау, жолдарды жөндеу, көгалдандыру жұмыстары үшін қажетті техникалардың бұл ауданда мүлде жоқ екендігі де мені таңғалдырған жағдайлардың бірі. «Кісідегінің кілті аспанда» демекші, біреуге үнемі алақан жайып, көмек сұраумен алысқа бара алмаймыз. Осы мақсаттарға біраз қаржы қарастырдық. Алдағы уақытта да ауданның коммуналдық шаруашылығы қажетті техникалармен толықтыруды қажет етеді .

- Елбасының рухани жаңғыруды ерекше назарда ұстап отыруы тегін емес деп ойлаймын. Еркін ойлай білетін, қаржылық тұрғыдан тәуелсіз, шығармашылықта шыңдалған, рухани деңгейі жоғары азаматтар мемлекеттің, елдің нағыз патриоттары бола алатыны белгілі. Көкпекті рухани тұрғыдан қалай жаңғырып жатыр?

- Рухани жаңғыру – ұлт болып қалудың негізі! Ауылдың әр азаматы «Туған ауылыма не істей аламын?» деген көзқарасты қалыптастырып, жауапкершілікті жүрегіне ұялатса нұр үстіне нұр болар еді. Рухани тұрғыдан өсіп-өркендеу әр отбасынан басталу керек. Үйіңіздің сыртқы келбетіне көз жүгіртіңіз. Ағаш, гүл егілген бе? Тұрып жатқан көшеңізде тазалық қалай? Қақпа, дуал, қоршаулары боялған ба? Көшеде шашылып жатқан қоқысты аттап жүре бересіз бе, әлде жинай кетесіз бе? Жалпы, ауыл адамдары жоғарыда айтылған жұмыстарды әкімдіктің істейтін міндеті деп қарап отырмай, өздері де атсалысулары керек. Сонда ғана біз көркейіп, көктейміз. Өсіп-өркендейміз.

Елбасымыздың «Болашаққа бағдар: рухани жаңғыру» атты мақаласында айтылған рухани құндылықтар, ұлтты ұйытатын алтын бесік те, қазақылықтың айнасы да осы  - ауыл. Рухани жаңғыру ісінде барша халық ауылдан үлгі алуы керек деген түсінікті санамыздан шығармауымыз керек. Ұлт болашағы деп үміт күтетін жастарымызды салт-дәстүрлеріміздің озығымен сусындатып, тозығынан бездіріп, асыл дінімізбен нұрландырып, ананың тіліне адал етіп, жамандықтан жирендіріп, салауатты етіп тәрбиелесек қана ұлт болып ұйыса аламыз. Елбасының рухани жаңғыруға шақырып отырудағы басты мақсаты да осы деп білемін.

Қай ауылда да, қай кезде де белсенді азаматтар мен азаматшалар болған, әлі де бар.  Мектеп түлектері - әр ауылдың, алыстап кетсе де, үміт артар тірегі. Ұрпағымыздың өз ауылына деген сүйіспеншілігі мен патриоттық сезімі үлкен істерге бастайтыны белгілі. Осы жерде айта кеткен жөн болар, Құлынжол ауылында туып өскен, бұл күндері астаналық болып кеткен Айдын Жұмаділұлы Рахымбаев деген кәсіпкер азамат өзі білім алған мектебіне робототехника кабинетін ашып берді. Осы азаматтың туған жер алдындағы перзенттік парызы жайлы түсінігі мен игілікті ісі баршаға үлгі болуы керек. Отанға деген махаббат туған ауылдан, білім алған мектептен басталатынын жастардың естен шығармағаны дұрыс деп ойлаймын.

Сондықтан біз туған ауылынан сыртқары жүрген азаматтармен де байланысымызды үзбеуіміз қажет. Әр ауыл, әр елді мекен - тәуелсіз мемлекетіміздің бір бөлшегі. Әрқайсымыз туған жерімізді өркендетуге атсалысу арқылы перзенттік парызымызды өтесек,  ауыл өмірінің көңілді, ондағы әр отбасының берекелі тірлік кешуіне үлес қостық деп есептейміз.

- Өзі білім алған мектебіне робототехника кабинетін ашып берген түлек бар дедіңіз ғой. Осы жерде тағы бір сұрақ туындап тұр. Облыс әкімі Даниал Кенжетайұлы Көкпекті мен Аягөз ауданының мектептерін басқа аудандарға үлгі етіп көрсетіп жүр. ҰБТ-да түлектердің жоғары бағаға қол жеткізуі кездейсоқтық па, әлде білімнің шынайы көрсеткіші ме?

- Менің ойымша, аудан мектептеріндегі сапалы білімнің көрсеткіші. Өйткені бірнеше жыл қатарынан облыс бойынша Көкпекті ауданы ҰБТ қорытындысында 1-орынды иеленіп келеді. Биыл 6-орыннан көріндік. Бұл да жақсы нәтиже.

- Аудандарыңызда бірнеше елді мекен болашағы жоқ ауылдар қатарына жатып, картадан жойылғанын да білеміз. Әрине, халықтың саны азайып кеткендіктен... Шығыс Қазақстан облысында соңғы 5 жылда 70-тен астам мектеп жабылған деген ресми дерек бар. Бұл - облыста 70-ке жуық елді мекен жойылды деген сөз.

- Өкінішке орай, халық санында  азаю бар. Осындай түйткілдердің салдарынан ауылдардағы  халықтың өсу қарқыны баяулап, елді мекендердің сәні қашатыны алаңдатады. Өткен жылы ауданда халықтың саны 1000 адамға азайып кетсе, биыл жыл басынан бері, яғни 8 айдың ішінде 800 адамға кеміген екен.

Жастардың туған ауылдарында тұрақтап қалуларына жағдай жасау керек. Бұл - алдағы уақытта ойлануды, жоспарлы жұмысты қажет ететін іс.

«Дипломмен – ауылға» атты мемлекеттік бағдарлама аясында ауданға келген жастардың тұрақтап қалуларына қамқорлық жасау керек деп ойлаймын. Негізінен, дәрігер, мұғалім, мал дәрігері сияқты мамандық иелері ауылдың болашағы үшін аса қажет. Осы бағдарлама аясында ауданымызға келген 12-13 маман пәтермен қамтамасыз етілді. Алдағы уақытта да ауылды өркендетуге үлес қосамын деген жастар болса, біздің тарапымыздан қолдаусыз қалмайды. Жастар тәрбиесіне қатысты қолға алынып жатқан басқа да жұмыстар аз емес. Мысалы, бұрын білім мен спорт бөлімі бірге болған екен. Небір үлкен жарыстарда көк байрағымызды желбіретіп, әнұранымызды көк аспанда асқақтататын сала спорт емес пе? Көкпекті ауданында туып-өскен есімі халыққа белгілі спортшылар аз емес. Осы жерде айта кеткен орынды болар, бұл аудан - ат спортынан аты шыққан өңірлердің бірі. Біздің көкпаршылар облыстық спартакиадада биыл 1-орынды иеленді. Алдағы уақытта ат спорты мектебін ашу да жоспарымызда бар.

- Енді халықтың әлеуметтік жағдайы деген мәселеге қайта оралсақ... Ауданда жұмыссыздар саны қанша?

- 1526 адам жұмыссыздар қатарына тіркелген. Олардың бірқатарын «Бастау – Бизнеспен» оқытып жатырмыз. «Сыбаға», «Алтын асық» бағдарламалары арқылы да кәсібін ашып, аяғынан тұрып кетіп жатқандар бар. 5-6 %-дық несиенің іс бастауға ниетті адамдарға қолдауы көп.

-Ауданға басшылыққа жалғыз келдіңіз бе, әлде өзіңізбен команда ерте келдіңіз бе?

- Өзіммен ешқандай команда ертіп келген жоқпын. Ел мен жердің сырын жақсы білетін азаматтармен жұмыс істегенді қолайлы деп есептеймін. Өкінішке орай, бүгінгі таңда ауданда 27 мемлекеттік қызметкердің орны бос тұр. Тиісті конкурстар жарияланып жатыр. Таяу уақыттарда мемлекеттік қызметкерлер қатары лайықты кадрлармен толығады деген үміттемін.

- Әңгімеңізге рақмет! Жұмысыңызға табыс тілеймін!

- Бүгін уақыт бөліп, біздің ауданға келгендеріңізге рақмет! «Семей таңы» - өзіміз көзімізді ашқаннан оқып келе жатқан қазақ баспасөзінің қара шаңырағы. Бұл басылымның «Рухани жаңғыру» аясында атқарылып жатқан жұмыстарда қосып жатқан үлесі көп деп есептеймін. Алдағы уақытта Көкпекті ауданы мен Алаш ардақтылары негізін қалаған қарт басылым арасындағы байланыс жақсара түседі деген сенімдемін.

Асхат Сайдахметұлымен арада өзі басқарып отырған ауданның, елдің  бүгінгі  тыныс-тіршілігі  мен  болашағы  жайлы кеңінен  әңгіме өрбіттік. Көкпектінің бұрынғы әкімі Рамиль Сағандықов үш жылға жуық осы ауданға басшылық жасаған уақытта қордаланып қалған, шешімін күткен мәселелердің де аз емес екенін білеміз.

Аймақ басшысы Даниал Кенжетайұлы рейтингілік көрсеткіште 19-орынды бермей келе жатқан Көкпекті ауданына Асхат Сайдахметұлын басшылыққа тағайындағанда, сол қордаланып қалған мәселелер дұрыс шешімін тауып, ел еңсесі көтерілер деген үміт артқаны түсінікті. Біз де өз тарапымыздан Асхат Сайдахметұлының жұмысына табыс тіледік.

Сұхбаттасқан Риза МОЛДАШЕВА.

PS: Айтпақшы, үстіміздегі жылдың қазан айынан бастап екі аптада бір рет «Семей таңы» газетінің Көкпекті ауданы үшін арнайы қосымшасы шығарылып тұратын болады. Редакция алқасы Асхат Сайдахметұлының газеттің Көкпекті ауданы бойынша меншікті тілшісінің бірлігін бөлу жайлы өтінішін қолдап, осы қызметке конкурс жариялайды.

Сүлеймен МЕДЕУОВ: МЕМЛЕКЕТТІК ҚЫЗМЕТТЕ ТАБАНДЫЛЫҚ КЕРЕК

Мемлекеттік қызмет қашанда мінсіз болуы керек. Өйткені атқарушы билік пен халық арасын жалғайтын - мемлекеттік қызметшілер. Бүгінде мемлекеттік саладағы мамандардың білімі мен біліктілігіне, адамгершілігі мен тәлім-тәрбиесіне айтарлықтай назар аударылып келеді. Мемлекет басшысы Н.Назарбаевтың жыл сайынғы өзінің Жолдауларында Тәуелсіздігімізді баянды етуде мемлекеттік қызметшілердің міндеттеріне айрықша тоқталуы да осының айқын дәлелі. Семей қаласында «Біздің міндет – халыққа қызмет» деген қағиданы өмірлік серігі еткен алдыңғы буынның алғы шебіндегі мемлекеттік қызметшілердің бірі – Сүлеймен Медеуов. Қиындығы мен қызығы қатар жүретін салада өмірлік тәжірибесі мол Сүлеймен Медеуұлымен өрбіген сұхбатта мемлекеттік қызметшілерге жүктелген зор жауапкершіліктің қаншалықты екенін аңғарғандаймыз.

- Сүлеймен Медеуұлы, Мемлекет басшысының бес институционалдық реформасын жүзеге асыруға бағытталған «100 нақты қадам» Ұлт жоспарының 15 қадамы кәсіби мемлекеттік аппарат құруға арналған. Заманауи мемлекет құруда кәсіби аппараттың рөлі өте зор. Маңызды құжат мемлекеттік қызметшіге нендей  міндет жүктеп отыр?

- Сауалыңыз орынды. Елбасы мемлекет дамуының ең басты кілті басқарушылық тетіктерде тұрғанын атап көрсетуде. Осы ретте «100 нақты қадам» Ұлт жоспарының 15 қадамы кәсіби мемлекеттік аппарат құруға арналғанын білесіздер. Айта кетуіміз керек, «Мәңгілік Ел» идеясын ел санасына қалыптастыратын да, ілгері апаратын да мемлекеттік қызметшілер. Осы ретте мемлекеттік қызметшілер халыққа сапалы қызмет көрсетуді басты міндеті етіп алып отыр. Сондықтан да тұрғындарға «бір терезе» жүйесі арқылы қызмет көрсетілуде. Бұл бағытта көптеген жұмыстар атқарылды. Айталық, халыққа қызмет көрсету орталықтарында жер кадастры мен жылжымайтын мүлікті тіркеу орталығы біріктіріліп, жоғарыда аталған жүйе арқылы қызметтерін ұсынуда. Бір айта кетерлігі, ондағы қызмет көрсететін мамандардың біліктілігіне баса назар аударуымыз керек. Өйткені олар халықпен тікелей жұмыс жасайды. Әсіресе жас мамандардың біліктілігін арттырып отыруымыз керек. Мемлекет басшысы халыққа қызмет көрсету орталықтарының жұмысын жетілдіруді, халыққа сапалы мемлекеттік қызмет көрсету ісін қадағалауды, сыбайлас жемқорлықтың алдын алуды, мемлекеттік қызметтерді автоматтандыруды тапсырғаны белгілі. Соған сәйкес кедергісіз қызмет көрсету, Интернет желісі арқылы кезекті брондау басты назарға алынған. Сонымен қатар мемлекеттік қызмет сапасын арттыруды жаңғырту және ыңғайландыру бойынша біршама жұмыстар атқарылуда. Бір сөзбен айтқанда, халыққа қызмет көрсету орталықтары жұмысын одан әрі жетілдіру мемлекеттік қызмет сапасын арттыруға мүмкіндік береді.

- Маңызды құжатта: «Мемлекеттік қызметке қабылдау ең төменгі лауазымдардан басталуы тиіс»,- деп айтылған. Бұл мықты кадр қалыптастыру жолындағы жасалған игі қадам емес пе?..

- Кәсіби аппарат құрудың 15 қадамы азаматтарды мемлекеттік қызметке алғаш қабылдау рәсімінен бастап оларды кешенді аттестаттауға дейінгі аралықты қамтиды. Мысалы, ауылдық әкімдіктегі қызметтен бастап, биліктің аудандық, облыстық, республикалық деңгейдегі барлық баспалдақтарынан өткен және осы кезеңдерде үлкен тәжірибе жинақтаған мемлекеттік қызметкердің алғаш басынан өткен қиындықтары, тапсырмалар мен сынақтар, әр баспалдақ сайын кездесетін тосын сәттер ұмытылмасы, көкейінде сайрап тұрары анық. Төменнен бастаған азамат жергілікті жерде халықтың мұң-мұқтажын, талап-тілегін терең түсініп, қоян-қолтық жұмыс істеп, олардың мәселелерін тап-тұйнақтай шеше алады. Ол үшін білім, кәсіби тәжірибе қажет екені анық. Қызметке деген адалдық, еңбексүйгіштік, Отанға деген патриотизм – Елбасының мемлекеттік қызметкерлер алдына үнемі қойып келе жатқан талабы. Енді осы қасиеттер мемлекеттік қызметтің есігін алғаш аттаған жас маманның бойына нақты қадамдар арқылы сіңірілмек. Кеңес үкіметі тұсында да төменгі лауазымнан өтпеген жағдайда жоғары қызметке ауыстырмайтын еді. Бұл өте дұрыс. Себебі төменнен бастаған адам төменде не болып жатқанын біледі. Жағдайлардың барлығын да біліп отырады. Бір сөзбен айтқанда, бұл реформа – азаматтардың құқықтарын құрметтейтіндей және олардың заңды мүдделеріне қызмет ететіндей мөлдір де тиімді модельді қалыптастырады.

- Сүлеймен Медеуұлы, осы ретте қызметкерлердің біліктілігі арттырылып отыратын шығар? Өзге емес, бір ғана өзіміздің Семей қаласы жайын меңзеп отырмын.

- Әрине, әр сала мамандары облыс орталығы Өскемен қаласында үш жылда бір рет сынақтан өткізіліп отырады. Бұдан өзге екі жыл сайын біліктілігін арттырып, арнайы оқып шығады. Бұл жұмыстар мамандардың біліктілігін арттыруға септігін тигізері анық.

- Ұлт жоспарының 13-ші қадамында жемқорлыққа қарсы күрсеті күшейту мәселесі көтерілген. Сіздіңше, жемқорлықпен күресті неден бастау керек?

- Ел сенген өкілдер – біз, мемлекеттік қызметшілер, бұл мәселелерге ерекше көңіл аударуға тиіспіз. Сыбайлас жемқорлықпен күрес – үнемі көтеріліп келе жатқан мәселелердің бірі. Негізі, қолы таза емес адамдар мемлекеттіқ қызметте жұмыс істемеуі керек.

– Көптеген азаматтар, мемлекеттік қызмет пен жеке секторда жұмыс істеу мүмкіндігі туған сәтте, жеке сектор ұсынған жұмысты таңдап жатады. Мұның себебі неде?

- Дұрыс айтасыз. Бұл жерде ең бірінші себеп - мемлекеттік қызметтің табысының аздығы. Адам дұрыс өмір сүріп, отбасын асырауы үшін, айлық табысы жетіп тұруы керек. Дегенмен өткен жылы мемлекеттік қызметшілердің жалақысы 25 пайызға көтерілді. Бұл мәселе өз деңгейімен шешіліп келе жатыр деуге болады. Біз оған, әрине, ризамыз. Әйтсе де мемлекеттік мекемеде жұмыс істеп отырған азаматтар мен азаматшалардың табыстары алдағы уақытта да көтерілсе екен дейміз. Онда ол келіп тұрған адамға тәуелді болмас еді. «Тұрмыс адамның санасын билейді» деп бекер айтылмаса керек. Тұрмыс сананы билемеу үшін, олардың жалақыларына көңіл аударуымыз керек.

- Мемлекеттік қызметшілердің мемлекеттік тілді білу деңгейі қаншалықты? Бұл жөнінде Елбасы ұдайы айтып келеді.

- Мемлекеттік тіл – халқымызды біріктіріп, оны «Мәңгілік Ел» идеясының айналасында топтастыратын үлкен құрал. Ал мемлекеттік қызметшілер қоғамның алдыңғы саптағы озық ойлы, мәдениеті терең, білімді санаты ретінде Елбасының тапсырмасын бірінші кезекте орындаулары керек. Туған тіл – тұғырымыз. Тау қыраны Расул Гамзатов: «Егер менің тілім ертең жойылар болса, мен бүгін өлуге даярмын»,- депті. Қазір қалада жұмыс істеп жатқан азаматтардың көбі ауылдан өсіп жетілгендер. Ал қазіргі алмағайып заманда барлығын бір күнде мемлекеттік тілге аудару мүмкін емес. Келген хаттарды қай тілде алатын болсақ, сол тілде жауап береміз. Дегенмен ішкі құжаттар мемлекеттік тілде жүргізіледі. Қазір тәуелсіз Қазақстанда мемлекеттік тілге үлкен мән берілуде. Өзге ұлттың арасынан мемлекеттік тілді еркін меңгергендерді де көріп жүрміз. Бұл өте қуанышты.

- Мемлекеттік қызметшінің бойында қандай қасиеттер болуы керек.

- Ең бірінші, адамға табандылық, білім керек. Бұл жерде тәжірибе мен сауаттылық та ерекше маңызға ие. Ұстамды, рухы жоғары азаматтар ортамызда көбірек болса игі.  Осының барлығы сайып келгенде мемлекеттік қызметшінің бейнесін қалыптастырады.

– Сүлеймен Медеуұлы, мемлекет мәртебесі мен ел игілігі жолында атқарып жатқан қызметтеріңізге толайым табыстар тілейміз.

Сұхбаттасқан Асан МЫРЗАХАН, «Семей таңы».

Зәуреш Исабаева: МЕРЕЙЛІ МЕРЕКЕЛЕРДІ ӨТКІЗУДЕ ЖҮЙЕЛІ ЖОСПАР БАР

Елбасы Н.Назарбаев «Нұрлы жол – болашаққа бастар жол» атты Қазақстан халқына арнаған кезекті Жолдауында атап өткендей, 2015 жыл – ұлттық тарихымызды ұлықтау және бүгінгі биіктерімізді бағалау тұрғысынан мерейлі белестер жылы. Қазақ хандығының 550 жылдығы, Қазақстан халқы Ассамблеясына 20 жыл, Жеңістің 70 жылдығы, Қазақстан Республикасы Конституциясының 20 жылдығы және Ұлы Абайдың 170 жылдығы сияқты мерейлі мезеттер дәл биылғы жылы аталып өтілетіндігі бастапқы сөзімізге дәлел болмақ. Ал Семей қаласы – Ұлылардың мекені, еліміздің рухани орталығы болғандықтан, қалада аталмыш мерейлі мерекелерге арнал-ған ауқымды шаралардың көптеп ұйымдастырылатыны айтпаса да түсінікті. Ел көлеміндегі елеулі мерекелердің Семей қаласында өтуі, ұйымдастырылуы тұрғысында арнайы жұмыс тобы құрылып, жылдық жоспарлар әзірленіп, жұмыс басталып кетті. Осы ретте Семей қаласында атқарылатын ауқымды шаралардың өту барысы жайында Семей қаласы әкімінің орынбасары Зәуреш Рамазанқызы Исабаевамен сұхбаттасқан едік.

- Зәуреш Рамазанқызы, биылғы жылы аталып өтілетін басты мерекелерге арнайы жұмыс тобы құрылып, осы уақытқа дейін бірнеше мәрте бас қосып, жұмыс кеңестерін өткіздіңіздер. Жалпы, Семей қаласында Елбасы Жолдауында айтылған басты мерекелерді атап өтуде қандай шаралар ұйымдастырылады деп күтілуде?

- Дұрыс айтасыз, Елбасы Нұрсұлтан Әбішұлы Назарбаевтың өткен жылы қараша айында жариялаған «Нұрлы Жол – болашаққа бастар жол» атты Жолдауында бірнеше тарихи-идеологиялық маңызы бар даталарды атап өтті. Олар: Қазақ хандығының 550 жылдығы, Қазақстан халқы Ассамблеясының 20 жылдығы, Жеңістің 70 жылдығы, Қазақстан Республикасы Конститу-циясының 20 жылдығы және Ұлы Абайдың 170 жылдығы.

Бұл мерейтойлар еліміз бен қаламыз үшін аса маңызды, сондықтан олардың лайықты деңгейде аталуы үшін қала әкімінің өкімімен арнайы жұмыс тобы құрылып, үш кездесу өтті. Күн тәртібінде мерейтойға қатысты іс-шаралар пысықталды. Бір айта кетерлігі, іс-шаралар жоспарын әзірлеу барысында жергілікті телеарналар арқылы хабарламалар беріліп, халықтың пікірлері мен тілектері де ескерілді. Нәтижесінде бес атаулы датаға байланысты тиісті іс-шаралар жоспарлары бекітіліп, бүгінгі күні іске асырылуда.

Жалпы, жоспарланған шаралар қала, ауылдық елдімекендерді, облыс, республика және іргелес жатқан Ресей Федерациясының қалаларын қамтуды көздейді. Негізгі бағыттары рухани-танымдық және мәдени-бұқаралық сипатқа ие. Жыл көлемінде республика, халықаралық деңгейде конференциялар, тақырыптық  дөңгелек үстелдер, кездесулер, мерекелік концерттер мен    театрландырылған қойылымдар, жастардың патриоттық акцияларын, шығармашылық байқаулар, танымдық кештер өткізу жоспарланды.

Іс-шаралардың барлығы мәдени-көпшілік орындарда өтетіндіктен, қала халқының бос уақытын тиімді пайдалануға зор септігін   тигізетін болады.

*

№3 перзентхананың Бас дәрігері Думан Берікұлы:

АРУЛАРҒА АНА БОЛУ БАҚЫТЫН ТІЛЕЙМІН

- Думан Берікұлы, 8 Наурыз – Халық- аралық әйелдер күні мерекесімен ең бірінші кімді құттықтайсыз?

- Ең бірінші үйдегі анамнан бастап жарымды, қарындастарымды құттықтаймын. Одан кейін бірге жұмыс жасап жүрген ұжымдағы әйел адамдарды құттықтаймын. Айта кету керек, перзент-ханада жататындар тек қана әйел заты болғандықтан, мекемеміздегі қызметкерлердің 95 пайызы нәзік жандылар.

- Есіңізде қалған «ерекше 8 Нау-рыз» туралы айтып берсеңіз.

- Осыдан 5-6 жыл бұрын досым екеуі-міз 8 наурыз күні мерекемен құттықтайық деп оның болашақ жарының ауылына барған едік. Алайда, сол күні қатты боран соғып, ауа райы жол жүруге қиындық туғызған еді. Дегенмен, бұрқасынға қарамай, жолымыздан қалмадық. Шынымды айтсам, сол 8 наурыз ғана есімде қалыпты. Басқа ауыз толтырып айтарлықтай ерекше қызықты оқиғалар бола қойған жоқ.

*

Семей қалалық қаржы  бөлімінің

басшысы Роза Кәкімова:

ӘЙЕЛ ЖАНЫ ӘДЕППЕНЕН ӘДЕМІ

- Роза Құдайбергенқызы, Сіз үшін 8 наурыз несімен ерекшеленеді?

- Шұғылалы көктемнің шуақты мерекесі ғой. Қыс аяқталып, көктемнің лебі сезіледі. Көктемде тіршілік оянып, айнала жаңарады. Адамзат баласының бойында көктеммен бірге бір мейірім, жылылық, тіпті, белсенділік ояна бастайды. Көктемнің алғашқы мерекесі – 8 Наурыздың орыны бөлек. Бұл мерекенің тек нәзік жандар үшін ғана емес, бүкіл адамзат баласына ерекше қуаныш сыйлайтыны сөзсіз. Себебі, бұл күн - әлемді мейірімділік пен сұлулыққа бөлеген әйел-аналар мерекесі. Барлығымыздың аналарымыздың, әпке-сіңлілеріміздің мерекесі.

- Осы айтулы мерекеде ең бірінші кімді құттықтайсыз?

- Әрбір адам баласы үшін ананың алақанының жылуынан артық ештеңе жоқ қой. Мереке күні ең алдымен анамды мерекесімен құттықтап, жылы лебізімді білдіруге асығамын.

Ерекше есіңізде қалған 8 наурыз мерекесі және ерекше сый...

- Мен үшін өмірдегі ең үлкен, ерекше сый ұлымның бірінші сыныпта оқып жүргенде қолдан жасап сыйлаған мерекелік ашықхаты.  Сол кезде өте қатты қуандым, ұлымның бал-бұл жанған жүзі әлі есімде. Әр мереке сайын баланың берген әр сыйы ана үшін қымбат, мәңгі жадында жатталады.

- Қоғамдағы әйел-ананың рөлі туралы не айтасыз?

- Қазіргі таңда нәзік жандылар барлық салада белсенділік танытуда. Ең ауыр деген жұмыстарға аналар араласады. «Қыздың қырық жаны бар»  деген ғой, халқымыз. Әйел адам өмірге ұрпақ әкеліп, бала тәрбиелеп, отбасы-ошақ қасында ғана отырған жоқ, еңбекке де араласуда. Қоғамда тың идеялардың туындауына да себепкер. Бұл өте дұрыс деп ойлаймын. Әйел адам жүрген жерде жинақылық, тәртіп болады. Нәзік жанды басшы болса, ол ана ретінде ұжымға мейіріммен қарайды. «Бұлақ көрсең көзін аш» демекші, жастар болса, жігерлендіруге тырысады, ана ретінде қолдау көрсетеді.

- «Нәзік жанды» сұлулықтың символы іспетті. Сіз сұлулығыңызды қалай сақтайсыз? Сұлулық салондарына барасыз ба?

- Уақыт тапшы ғой, десе де, сұлулық салондарына жиі барамын. Сыртқы келбетіме мән беремін. Әйел заты тән сұлулығымен ғана масаттанбауы керек, ішкі рухани жан дүниесі де әдемі болуы керек.

 

Еще статьи...