Зайсан – Қазақстанның қиыр шетінде орналасқан, Қытай Халық Респу-бликасымен шекаралас аудан. Бұл аумақта екі елдің тыныштығын сақтау, Қазақ елін, жерін көздің қарашығындай қорғау мақсатында тарихы тереңде жатқан, Қазақстанда тұңғыш құрылған Қызыл Тулы № 2017 әскери шекара бөлімі орналасқан.
1918 жылы Зайсан шекарашылар отряды болып аталып, 1924 жылы 23 ақпанда №1- ші болып тіркеліп, содан бері мемлекеттік шекараны мінсіз қорғап келеді. «Қазақстан Республикасының Мемлекеттік шекарасы туралы», «ҚР Ұлттық қауіпсіздік комитетінің Шекара қызметі туралы» заңдары, сол сияқты ел Президентінің Жарлығымен бекітілген «Шекара қызметінің ережелері» шеңберінде аудан әкімі Алмас Оңдақанов пен Зайсан шекара отрядының командирі, подполковник Е.Каиппаев екі жақты келісе отырып, бірлесіп шара өткізу дәстүрге айналған. Мұндай ынтымақтық еліміздің шекара қызметін күшейту үшін аудан тұрғындарының қырағылығын, жауапкершілік сезімдерін қалыптастырып отыр. Қазіргі уақыт әлемнің барлық елдерін лаңкестік қаупі алаңдатып, айналасына сақтықпен қарауға мәжүбір еткен кезең. Осы тұрғыдан алғанда жас мемлекетіміздің Тә-уелсіздігін қорғай білу, түрлі қауіптің алдын алу барынша терең саясат жүргізуді қажет етеді. Бұл тарапта көптеген шаралар жасалып та жатыр. Мемлекеттік жастар саясаты туралы заңға өзгерістер енгізу сияқты ауқымды істер жүзеге асты. Жас жауынгерлердың бойында патриоттық сезімді арт-тыру үшін түрлі тағылымды әдістер қарастырылуда.
№ 2017 әскери бөлімнің «Шекара ырғақтары» ансамблі мен аудандық мәдениет үйінің өнерпаз жастары бірлесіп жұмыс ат-қарулары жастарға патриоттық тәрбие беру, елін, жерін сүюге, отаншылдыққа тәрбиелеуде оңды қырынан көрінуде. Келешекте де мұндай игі істер жалғасын таба бермек. Осындай игі шараның бірі Тәуелсіздік күні қарсаңында Зайсан қаласындағы орталық алаңда жас жауынгерлердің Шымкенттен, Қызыл-ордадан, Талдықорғаннан, Тараз қалаларынан келген ата-аналарының, қала тұрғындарының қатысуымен «Күз – 2013» шақырылымы жас жауынгерлерінің әскери ант қабылдау салтанатты жиыны болды. Оған, Зайсан шекара отрядының командирі, подполковник Е.Каиппаев бастаған офицерлер, аудан әкімі А.Оңдақанов пен әкімдік қызметкерлері, мәслихат хатшысы Д.Ыдырышев және мәслихат депутаттары, ардагерлер кеңесінің төрағасы Т.Мырзаханов, ардагерлер кеңесінің мүшелері қатысып, жас жауынгерлерді құттықтады.
Жас жауынгерлердің әскери шеруінен кейін сарбаздар иықтарына қару асынып, мемлекеттік тудың қасында тұрып, салтанатты жағдайда ант қабылдады. № 2017 әскери бөлімнің командирі, подполковник Е.Кайп-паев, аудан әкімі А.Оңдақханов, жас жауынгер Байболаттың әкесі Нұрсұлтан, жас жа-уынгер Әлішер Жамұхановтың әжесі Гүлшат апа сөз сөйлеп, жас сарбаздарға қырағылық тілеп, Отан алдындағы борыштарын абыроймен атқаруға тілектестік білдірді.
