Қазақстанға еңбегі сіңген әртіс Майра Ілиясованың «Майра» продюссерлік орталығының ұйымдастыруымен жыл сайын «Сағындырған әндер-ай» атты ретро концерті өтетіні өнер сүйер қауымға белгілі. Былтырғы желтоқсан айының он бесінші жұлдызында Алматыдағы Әл Фараби атындағы қазақ ұлттық университеті студенттерінің мәдениет сара-йында өткен айтулы концертке Н.Нүсіпжанов, М.Мұхамедқызы, Б.Сә-мединова, К.Төленбаева, Ж.Айжанова сияқты сексен әнші, кілең танымал әртістер қатарында біздің ауданнан белгілі әнші Бақытгүл Исаева арнайы шақырумен қатысып, өнер көрсетті. Концертте біздің жерлесіміз, ақсуаттық Бақытгүл Исаева Қазақстанның еңбек сіңірген әртістері, Қазақстан Композиторлар одағының мүшелері, өнердегі қос жұп, танымал сазгерлер, «Құрмет» орденінің иегерлері Гүлнар Дәукенова және Донеділ Қажымовпен бірге «Сағындым сағым жылдар» әнін шырқады.
Кәсіби шеберліктері тым жоғары ән өнерінің небір саңлақтарымен бірге тамылжыта өнер көрсеткен Бақытгүл әнші дайындығының тым аз болғанына қарамастан аталған әнді үздік орындады. Осы қуанышты хабарды алдын ала естіген тарбағатайлық көрермендер биылғы 2- қаңтарда «Қазақстан» ұлттық арнасынан аталған концертті тамашалады. Көрерменнің көзайымына айналған «Сағындырған әндер-айға» қатысып, шығармашылық сапардан табысты оралған әнші Бақытгүлге әрқашан көрерменіңді әніңмен сағындырып жүре бер деген тілегімізді білдіреміз.
