2014 жылғы 4 қаңтардағы жағдай бойынша қаладағы барлық қазандықтар, жылу пункттері мен жылу жүйелері қалыпты температуралық жағдайды сақтап жұмыс істеуде. Жылу беруге байланысты арыз, шағым түскен жоқ. Аздаған технологиялық ақаулар орын алған жағдайда «Теплокоммунэнерго» МҚК-ның апаттық жөндеу бригадасы қалпына келтіруге дайын.
«Теплокоммунэнерго» МҚК ақпаратына сәйкес, жылу нысандарына көмір мезгілінде жеткізілуде, 2014 жылғы 9 қаңтардағы көмір қоры 17 565 тоннаны құрайды.
Тұрғындарды сумен қамтуды «Семей Водоканал» МҚК жүзеге асыруда. Кәсіпорында апаттық бригада кезекшілік етеді.
Қаланы электр жарығымен қамту үздіксіз жүргізілуде. Шайжүнісов көшесі, 106 көппәтерлі тұрғын үйдегі жанып кеткен электр кабелі «МЭПС» ЖШС және ВК РЭК апаттық бригадасы тарапынан 2014 жылдың 1 қаңтарында жөнделіп, қалпына келтірілді.
Қар қалың түскен жағдайда 70 бірлік арнайы техника қар тазалауға жұмылдырылмақ.
Семей қалалық ТҮКШ бөлімі
