Баршаңызды ең ұлы, қастерлі мереке — Тәуелсіздік күнімен шын жүректен құттықтаймыз! Биыл Қазақстан Республикасы Тәуелсіздіктің 25 жылдық мерейтойын атап өтуде.
Тәуелсіздік – бабалар арманын ақиқатқа айналдырған, азаттыққа қол жеткізген қасиетті ұғым.
Ширек ғасыр ішінде халқымыз Елбасы Нұрсұлтан Әбішұлы Назарбаевтың саясатын қолдай отырып, бірлескен жасампаз еңбегі арқасында экономикасы дамыған, әлемге танылған қуатты мемлекетке айналды.
Ұлт Көшбасшысы «Қазақстан – 2050» Стратегиясында «Мәңгілік Ел» идеясын Тәуелсіздігіміздің басты құндылығы ретінде атады. Баршамызды жаһандық күрделі жағдайда татулықты сақтап, ел игілігі үшін аянбай еңбек етуге шақырды.
Семей жұртшылығы Елбасымыздың саясатын қолдай отырып, қойылған міндеттерді өз дәрежесінде орындаумен келеді.
Болашақ бағдары белгіленген мемлекетіміздің Тәуелсіздігін Мәңгілік Елге айналдыруға күш салу — баршамыздың ортақ міндетіміз.
Бостандық пен еркіндіктің бастауы болған мемлекеттік мереке — Тәуелсіздік күнінде баршаларыңызға амандық, бақ-дәулет, береке-бірлік тілейміз!
Егемен еліміздің еңсесі биік, тұғыры берік, ғұмыры мәңгілік болсын!
Құрметпен, Семей қаласының әкімі Е.СӘЛІМОВ,
Қалалық мәслихат хатшысы Б.АҚЖАЛОВ.
