Сіздерді Жаңа жыл мерекесімен шын жүректен құттықтаймыз!
Жаңа жыл — өткен жылға баға беріп, тың қадам жасайтын, рухани серпін беретін, жақсылыққа ұмтылдырып, жарқын өмірге жол сілтейтін мереке.
2016 жыл, барлық қазақстандықтармен қатар, семейліктер үшін де айтулы оқиғаларға, жетістіктер мен қуаныштарға толы жыл болды. Олардың ішіндегі ең бастысы ретінде Қазақстан Республикасы Тәуелсіздігінің 25 жылдығын айрықша атап өтуге болады. Бұл ретте ширек ғасырда жеткен жетістіктер мен бағындырған белестерге есеп беріп, алдымызда тұрған жаңа міндеттерді айқындап алдық. 2016 жылы жоспарланған істеріміз жүзеге асып, аймағымыздағы береке-бірлік пен тұрғындардың жемісті еңбегінің арқасында әлеуметтік-экономикалық өсімге қол жеткіздік. Семей қаласында жаңадан шағын және орта бизнес нысандары ашылып, әлеуметтік ғимараттар пайдалануға берілді.
Табалдырықтан аттағалы тұрған 2017 жылы еліміз «ЭКСПО-2017» халықаралық көрмесін өткізеді. Бүкіл әлемге әйгілі көрмені абыроймен өткізуге семейліктер де айтулы үлестерін қосатындықтарына сенімдіміз.
Жаңа жылмен бірге ізгі жаңалықтардың келуін күтіп, тілек тілейтініміз анық. Жаңа жылда тілеген тілектеріңіз қабыл болып, халқымыз игілікке, мемлекетіміз молшылыққа, әр шаңырақ бақыт пен шаттыққа кенеле берсін!
Құрметпен, Семей қаласының әкімі Ермак СӘЛІМОВ,
Қалалық мәслихат хатшысы Бейсенбек АҚЖАЛОВ.
