"Семей таңы" газеті
ztlogo
  • Жаңалықтар
    • Саясат
    • Мәдениет
    • Қоғам
    • Қылмыс
    • Спорт
    • Экономика
    • Жаһан
    • Көзқарас
  • Мультимедиа
    • Видео
    • Фото
  • Төртінші билік
Нәтиже табылмады
Барлық нәтижені қарау
PDF нұсқа
ztlogo
  • Жаңалықтар
    • Саясат
    • Мәдениет
    • Қоғам
    • Қылмыс
    • Спорт
    • Экономика
    • Жаһан
    • Көзқарас
  • Мультимедиа
    • Видео
    • Фото
  • Төртінші билік
Нәтиже табылмады
Барлық нәтижені қарау
"Семей таңы" газеті
PDF
Нәтиже табылмады
Барлық нәтижені қарау

ЕРМАК СӘЛІМОВ: ЖЕТІСТІГІМІЗ КӨҢІЛ ҚУАНТАРЛЫҚ

09.02.2018

Семей қаласыныңәкімі Ермак Сәлімовтің есептік кездесуі  7 ақпан күні Қалалық Мәдениет сарайында өтіп, оған оң жағалау тұрғындары қатысты. Өткен жылы атқарылған жұмыстар мен бағындырылған белестерді баяндаған қала әкімі алда тұрған мақсат – міндеттерді егжей – тегжейлі айтып өтті. Шаһар басшысы тарих қойнауына кеткен өткен жылы қала бюджетінің кірісі 120 пайыздан асқанын, барлық салалар бойынша көрсеткіштердің жақсарғанын атап өтті. Қаржыны игеру 100 пайызды құрағанын және мұндай жағдай Семей қаласында бұрын-соңды болмағанын да жеткізді. Сонымен қоса, қала басшысының мәліметіне сүйенсек, шаһардыңәлеуметтік-экономикалық тұрғыда даму көрсеткіші айқын аңғарылады және экономикалық тұрақтылық байқалады. Тұрғын үй құрылысы саласында ауыз толтырып айтарлық істер аз емес.

— 2017 жылы барлық қаржыландыру көздері арқылы 92 мың 434 шаршы метр 20 көп пәтерлі тұрғын үй қолданылуға беріліп, 680 отбасы баспаналы болды. Биылғы жылы Қарағайлы ықшам ауданындағы 954 пәтерлі 14 үйдің құрылысын аяқтап, сонымен қоса 504 пәтер болатын 7 көп қабатты үйдің құрылысын бастауды жоспарлаудамыз. Ол 7 несиелі үйдің 6-уы кезекте тұрған әлеуметтік тұрғыдан аз қамтылған отбасыларға сатып алу құқығынсыз берілмек,- деді Ермак Бидахметұлы.

Семей әуежайының ұшу-қону жолағына халықаралық стандарттарға сай жөндеу жұмыстары жүргізіліп жатқанын мәлім еткен қала әкімі Семей – Санкт-Петербург, Семей – Новосібір, Алматы – Семей – Омск, Семей – Петропавл бағыттары бойынша әуе рейстерін ашуға ұсыныс түсіп жатқанын және жөндеу жұмыстары аяқталған соң ұсыныстар легі арта түсетіні жайлы да айтып өтті.

Ұзындығы 23 шақырым болатын 8 көше, бірнеше ондаған жылдардан астам уақыт жөндеу көрмеген дренажды-нөсер кәріздер жөнделді. Бұл бағытта биыл 2 млрд. теңгеден астам қаржы бөлінгені, ол қаражат көзіне 17 көше (25 шақырымнан астам) жөнделетіні жөнінде қала әкімі семейліктерді хабардар етті.

Қала басшысы ерекше назар аударған тағы бір мәселе – қоғамдық жолаушылар тасымалы.

— Жол ақысының тарифі 80 теңгеге дейін көтерілді. Тиісінше, біз де жолаушы тасымалдаушыларға көліктерін жаңалауға, қозғалыс кестесін бұзбауға талап қойып отырмыз. Қазіргі таңда жаңа 20 автобус халыққа қызмет етуде. Ағымдағы жылдың  алғашқы тоқсанында отандық, оның ішінде семейлік өндірушілерден алынған 15 жаңа автобус жолға шығады,- деген шаһар басшысы жолаушылар тасымалын жақсарту жұмыстары үнемі назарда екенін тілге тиек етті.

Қалада балалар ауруханасын салу ұзақ жылдардан бері шешімін таппай келе жатқан мәселе еді. Ермак Бидахметұлының айтуынша, көптің тілегі орындалатын уақыт та алыс емес.

— 16 млрд. 200 теңгеге жоспарланған 200 орындық қалалық балалар ауруханасын салу жағын қарастырып жатырмыз. Құрылыс алаңы белгіленген. ШҚО Денсаулық сақтау басқармасымен бірлесіп бұл жобаның биыл басталуы үшін жұмыс істейміз,- деді Ермак Бидахметұлы.

Сондай-ақ қала басшысы денсаулық сақтау, білім беру, мәдениет, дене шынықтыру, қаланы абаттандыру, кәсіпкерлік салаларындағы жетістіктерді саралап, «Рухани жаңғыру» бағдарламасы аясында атқарылған істерге тоқталды.

Қала басшысының баяндамасынан соң сұрақтарға да кезек берілді. Жазбаша сұрақ қалдыруға арнайы жәшіктер қойылған болатын. Жәшік арқылы келіп түскен сұрақтарда жастар арасындағы жұмыссыздық, зейнеткерлікке шықса да орындарын босатпай жүрген еңбеккерлер жайлы, техникалық білім беру ісі, Орталық саябақты жекенің қолына беру туралы сауалдар жолдапты.

Сауалдарға жауап берген Ермак Сәлімов:

— Қазіргі таңда жастардың жұмыссыздық деңгейі ресми түрде 1,9 пайызды құрайды. Бұл — өткен жылмен салыстырғанда төмен көрсеткіш. Жастар тәжірибесі, тұрақты және уақытша жұмыспен қамту бойынша 4000 жас еңбекке тартылды. Жұмыссыздықпен күрес жүргізілуде. Ал зейнетақы ала отырып, бұрынғы қызметінен босатылмаған жандар мәселесіне келсек, мемлекеттік органдарда зейнет жасына жеткен еңбеккерлер 1 жыл ғана жұмыс істей алады. Ал жекеменшік кәсіпорындарға жол көрсетуге құқығымыз жоқ,- деп атап өтті.

Жәшік арқылы жолданған сауалда жолдаушы Орталық саябақты кім бақылайтынын, жалға берілген жерлердің ақылары қандай мақсатқа жұмсалатынын, саябақты жекенің қолына немесе сенімді басқаруға беру жайын білмек болыпты.

— Орталық саябақ — мемлекет меншігі, коммуналдық төлемдер мен қызметкерлердің жалақысы қала бюджетінен қаржыландырылады, жалға беру ақылары арқылы саябақ өз күнін өзі көреді. Ол мәдениет және тілдерді дамыту бөліміне қарайды. Орталық саябақты сенімді басқаруға немесе жекенің қолына беру жоспарда жоқ,- деген қала басшысы, Ленин көшесін абаттандыру жобасына сай, Орталық саябаққа да жөндеу жұмыстары жүргізілетінін мәлім етті.

Қала тұрғыны Кенжебек Сұлтанбеков көмір мәселесі жөнінде сауал тастады.

— Өткен аптада ғана көмір саудалайтын орындар мен «Қаражыра» кен орнына бардым. Қазіргі таңда семейліктер үшін көмір тапшылығы жоқ. Тек көмір тасымалына байланысты бағаның тұрақсыздығы мәселе болып отыр, яғни қатты отын 7 мың теңгеден 15 мың теңгеге дейін саудалануда. Проблеманы шешу үшін жұмыс жүргізіп жатырмыз,- деді сауалға орай Ермак Бидахметұлы.

Ленин көшесінің тұрғыны Галина Максимова көшені көріктендіру бойынша:

— Ленин көшесі абаттандырылатынынан хабардармыз, ол қашан жүзеге асады? Көше бойындағы кәсіпкерлік нысандарды да көркейту жұмыстарына жұмылдырсаңыздар,- деген өтінішін жеткізді.

Бұл ретте қала әкімі:

— Тарихи маңызы бар нысандарға ие бұл көше Арбат болады. Жаяу жүргіншілер, велосипедшілер жолы жасалып, жасыл желек отырғызылады, жаңа технология бойынша жарықтандырылады. Көше бойындағы кәсіпкерлік нысандар да өз аумақтарында көркейту жұмыстарына атсалысады,- деді.

— Бұрынғы «Буратино» саябағының орны 49 жылға жалға беріліпті. Ол қаншалықты заңды? Сонымен қоса қаланың сол жағалауы мен 343-ықшам ауданда тыныстайтын демалыс орындары жоқтың қасы. Сол аумақтарда саябақ ашу жоспарда бар ма?- деген Ұлан есімді қала тұрғынының сауалына орай қала басшысы жалға беру қаланың Бас жоспарына сай заңды түрде жүргізілгенін атап өтіп, сәулет және құрылыс бөлімінің басшысына саябақ зоналарын қайта қарап шығуды тапсырды.

Уральская көшесі, 3-үй мекенжайының тұрғыны М.Мұратбекова:

— Терможаңғырту бойынша 5 қабатты жатақханамызға жөндеу жұмыстары жүргізілген. Жұмыс сапасыз жүзеге асты. Соның салдарынан бесінші қабат тұрғындарының тең жартысы үйлерін тастап кетуге мәжбүр болып отыр. Сапасыз терможаңғырту жайлы аз айтқан жоқпыз, республикалық телеарналардан көрсетілді. Енді терможаңғыруға бөлінген 12 миллион теңгені төлеу тұрғындарға міндеттеліп отыр. Неліктен біз сапасыз жұмыстың ақысын өтеуіміз керек? Мәселенің шешім табуына атсалыссаңыз…- деген сауалына Ермак Бидахметұлы терможаңғырту бойынша келіссөз ПИК және мердігер компанияның келісімі арқылы жүзеге асқанын, оған қала басшысының араласа алмайтынын атап өтті.

Үйі қызыл отқа оранып, отбасымен далада қалған көпбалалы ана қала басшылығынан көмек сұрай келіпті.

— 2 ақпан күні үйім өртеніп кетті. 5 баламен далада қалдым. Барар жерім жоқ, қол ұшын созыңыздаршы. Депутаттар келіп балалардың құжаттарын қалпына келтіруге жәрдемдесетіндерін айтып еді,- дейді жәрдем сұрай келген көпбалалы ана Алмагүл Ғабдуллина. Көпбалалы ананың өтінішіне орай Семей қалалық мәслихатының хатшысы Бейсенбек Ақжалов жағдаймен халық қалаулылары таныс екенін, қол ұшын созатындарын жеткізді.

Ал Валентина Александровна атты тұрғын Трусова көшесі қашан жарықтандырылатынын сұрай келіпті. Сондай–ақ кейуана Ленин көшесі бойындағы коттедждердің тротуарға дейін қақпа салуы салдарынан жаяу жүргіншілер көлік жолымен жүруге мәжбүр екенін айтып, наразылық білдірді. Алғашқы сауалды өзіне жазып алған қала басшысы мәселені қарастыратынын айтып, екінші сауал бойынша сәулет және қала құрылысы бөлімінің басшысына сұрақты жазып алуды тапсырды.

Кездесуде жолданған сауалдың бірі бұрынғы мал дәрігерлік институтының ғимараты мен «Динамо» стадионының жағдайы болды. Қала әкімі қос нысанға жаңа ие табылғанын, ол нысандар жаңа кейіпке еніп, айтарлықтай өзгерістер орын алатынын жеткізді.

Толассыз сұрақтар таусылар шақта, кездесуге келген ақсақалдар мен ақ жаулықты аналар қала әкіміне алғыстарын білдіріп, Семейде атқарылып жатқан жұмыстарға көңілдері толатынын айтты. Қорытынды сөзінде қала әкімі Ермак Сәлімов:

— Елбасы Н.Ә.Назарбаевтың биылғы жылғы Жолдауымен барлықтарыңыз жақсы таныссыздар деп ойлаймын. Алдымызда халықтың тұрмыс жағдайын жақсартып, Президент тапсырмасын орындау міндеті тұр. Семей әр кез білімнің, ғылымның, спорттың, мәдениет пен өнердің алтын бесігі болған. Сондықтан, дана Абай айтқандай, кекшіл болмай, көпшіл болып, береке-бірлігімізді сақтап, туған қаламыз Семей үшін, болашақ ұрпақ үшін аянбай еңбек етейік. Егемен елімізде, ұлылар туған топырақта ынтымақ салтанат құрсын, ел аман, жұрт тыныш, болашақ жарқын болсын!- деп халықты бірлікке, елдікке шақырды.

Әйгерім СӘРСЕНҒАЛИ,

«Семей таңы»

 

Ұқсас жаңалықтар

66 КҮНДЕ 1,5 МИЛЛИОН КІТАП: «ТАЛАПТЫ ОҚЫРМАН» БЕЛГІСІНІҢ АЛҒАШҚЫ ИЕГЕРЛЕРІ АНЫҚТАЛДЫ

19.11.2026
66 КҮНДЕ 1,5 МИЛЛИОН КІТАП: «ТАЛАПТЫ ОҚЫРМАН» БЕЛГІСІНІҢ АЛҒАШҚЫ ИЕГЕРЛЕРІ АНЫҚТАЛДЫ

«Кітап оқитын ұлт» республикалық марафоны 66-күнге жетті. Осы уақыт ішінде қатысушылар 1,5 миллионнан астам кітап оқыды. Қазір қатысушылар марафонның бесінші...

Толығырақ...Details

Жолдау міндеттері: инфрақұрылымды жаңғырту, өндірісті дамыту және халықтың табысын арттыру

19.11.2026
Жолдау міндеттері: инфрақұрылымды жаңғырту, өндірісті дамыту және халықтың табысын арттыру

Мемлекет басшысының Қазақстан халқына Жолдауында көтерілген «Халықтық құрылыс» бастамасы, экономиканы әртараптандыру, көлік-логистика инфрақұрылымын дамыту және еңбек адамдарының әл-ауқатын арттыру мәселелері...

Толығырақ...Details

«Құрылыс және тағы да құрылыс!»: шетелдік БАҚ Қазақстанның инфрақұрылымға инвестиция салу тәжірибесі туралы

19.11.2026
«Құрылыс және тағы да құрылыс!»: шетелдік БАҚ Қазақстанның инфрақұрылымға инвестиция салу тәжірибесі туралы

Қазақстанның ауқымды «Халықтық құрылыс» бағдарламасы шетелдік EU Reporter басылымындағы мақалаға арқау болды. «Құрылыс және тағы да құрылыс! Қазақстан инфрақұрылымды дамыту...

Толығырақ...Details

Энергетикалық қауіпсіздік: Қазақстанның тұрақты дамуы үшін инфрақұрылымды жаңғырту маңызды

19.11.2026
Энергетикалық қауіпсіздік: Қазақстанның тұрақты дамуы үшін инфрақұрылымды жаңғырту маңызды

Қазақстанның экономикалық тұрақтылығын қамтамасыз ету, өнеркәсіптік өндірісті дамыту және халықтың өмір сапасын арттыру энергетика саласының тиімді жұмысына тікелей байланысты. Президент...

Толығырақ...Details

Адамның қадір-қасиеті мен жеке бас бостандығы – Конституция қорғауындағы құндылықтар

19.11.2026
Адамның қадір-қасиеті мен жеке бас бостандығы – Конституция қорғауындағы құндылықтар

Адамның өмірі, құқықтары мен бостандықтары – құқықтық мемлекеттің ең басты құндылықтары. Қазақстан Республикасының жаңа Конституциясында адамның қадір-қасиетін құрметтеу, жеке бас...

Толығырақ...Details

Шындық пен жауапкершілік: Абай облысының журналистері студенттермен кәсіби этика мәселелерін талқылады

18.11.2026
Шындық пен жауапкершілік: Абай облысының журналистері студенттермен кәсіби этика мәселелерін талқылады

Абай облысында «Конституция және сөз бостандығы: журналистиканың жауапкершілігі» тақырыбында дөңгелек үстел өтті. Іс-шараға Журналистер клубының мүшелері мен жоғары оқу орнының...

Толығырақ...Details

Жаңалықтар

66 КҮНДЕ 1,5 МИЛЛИОН КІТАП: «ТАЛАПТЫ ОҚЫРМАН» БЕЛГІСІНІҢ АЛҒАШҚЫ ИЕГЕРЛЕРІ АНЫҚТАЛДЫ

17 часов бұрын

Жолдау міндеттері: инфрақұрылымды жаңғырту, өндірісті дамыту және халықтың табысын арттыру

17 часов бұрын

«Құрылыс және тағы да құрылыс!»: шетелдік БАҚ Қазақстанның инфрақұрылымға инвестиция салу тәжірибесі туралы

20 часов бұрын

Энергетикалық қауіпсіздік: Қазақстанның тұрақты дамуы үшін инфрақұрылымды жаңғырту маңызды

20 часов бұрын

Адамның қадір-қасиеті мен жеке бас бостандығы – Конституция қорғауындағы құндылықтар

20 часов бұрын

Шындық пен жауапкершілік: Абай облысының журналистері студенттермен кәсіби этика мәселелерін талқылады

2 дня бұрын

Камералдық бақылау нәтижесі бойынша жолданған хабарламаларды орындау тәртібі. Салық төлеушілер нені білуі қажет?

2 дня бұрын

Қазақстандағы ғылымның дамуы: жеті жылда қаржыландыру көлемі 3,2 есе артып, коммерцияландыру деңгейі 31%-ға жетті

2 дня бұрын

«Әкелер одағы» Қазақстанда энергетикалық сусындарға толық тыйым салуды талап етті

2 дня бұрын

Almaty SuperSki кластерінің құрылысы қарқынды жүріп жатыр

2 дня бұрын
Тағы оқу...

Директор:
Риза Асанқызы Молдашева

Веб-менеджер:
Ерлан Айқынұлы


«Семей таңы» газеті 1969 жылы «Құрмет белгісі» орденімен, 2009 жылы ҚР Президентінің БАҚ саласындағы
грантымен марапатталған.

Редакция мекенжайы:

F18A5H3, Семей қаласы,
Қайым Мұхамедханов көшесі,12.

Байланыс:

Директордың қабылдау бөлмесі — 523657;
бас редактор — 520984;
Жарнама және баспасөзге жазылу бөлімі — 560803;
факс — 520475.

 

e-mail:
info@semeytany.kz


Қазақстан Республикасы Ақпарат және коммуникациялар министрлігі берген қайта тіркеу куәлігі
№7220-Г, 30.07.2018.ж.


Яндекс.Метрика

© «ABAI AIMAQ MEDIA» ЖШС

Нәтиже табылмады
Барлық нәтижені қарау
  • Жаңалықтар
    • Саясат
    • Мәдениет
    • Қоғам
    • Қылмыс
    • Спорт
    • Экономика
    • Жаһан
    • Көзқарас
  • Мультимедиа
    • Видео
    • Фото
  • Төртінші билік

© «Семей таңы газеттері – Вести Семей» ЖШС