 | Үржар ауданының күн сайын жаңарып, жасарып келе жатуы аудан әкімінің тынымсыз еңбегінің нәтижесі деуге болады. Аз ғана уақыттың ішінде қыруар іс тындырылды. Аудан әкімі Серік Зинабекұлы Зайнулдин тұрғындармен өткен кездесулерінде айтқан сөзінде «…Жалпы, Үржар ауданының өзгелерден шоқтығы биік болуы үшін жан аямай еңбек ете білген жан ғана өз елінің, жерінің патриоты бола білмек», деген еді. Бүгінде аудан әкімі оны өзінің ісімен айқын дәлелдеп келеді. |
Осыдан 5 ай бұрын Үржар ауданына әкім болып тағайындалған Серік Зинабекұлы осы мерзім ішінде біршама істің басын қайырды. Солардың бірі -аудан орталығының өзгеше сипат алып, жар-қырай түсуі деуге болады. Бүгінде түнгі Үржардың көшесімен жүрсеңіз, алып шаһарда жүргендей әсер аласыз. Орталықтағы жарқыраған шамдар мен қызылды-жасылды жазулар, алуан түспен жарқылдаған әртүрлі аң-құстардың бейнелері аудан орталығының түнгі сәулетін арттыра түсуде.
Аудан әкімі ел Тәуелсіздігі және Жаңа жыл қарсаңында ауыл ішінің ерекше түрге енуіне айрықша мән беріп отыр,-дейді аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Дидар Хамитов, бұл үшін Тәуелсіздік алаңына биіктігі 13 метр болатын шырша орнатылып, безендіріліп, аудан орталығы әртүрлі ою-өрнек, жан-жануарлардың бейнелерімен толыға түсті.
Иә, Абылайхан даңғылының екі қапталына жалтылдап жанып тұрған жапонның сакура деп аталатын гүлін бейнелейтін 50 дана ағаш, 6 елік, 6 қоқиқаз бен тырналар, 3 пингвин, 1 аққала орнатылды. Түнде осылардың бәрі жанып, маңайына түрлі сәуле шашқанда, аудан орталығы күндізгідей жап жарық күйге енеді. Абылайхан даңғылының екі –үш жерінен екі қапталға бағандар қойылып, олардың ортасына шаңырақ, қош-қармүйіз секілді қазақтың ою-өрнектері тартылып, орталықтың сәні мен салтанатын арттыра түсті.
Аудан әкімі Жаңажылдық шыршаның ашылу салтанатында « …Осының бәрі халық үшін ат-қарылып жатқан шаруалар. Балалар да, ересектер де осындай мейрамдар қарсаңында бір қуанып қалғаны біз үшін маңызды», деген еді. Шынында да, қазір үржарлықтар айтулы мерекелерді ерекше бір көңіл-күйде қарсы алып отыр.
Берікхан Тайжігіт.
