Елбасымыз Нұрсұлтан Әбішұлы Назарбаевтың биылғы Жолдауы -егемен еліміздің тұрақты дамуын қамтитын, мемлекетіміздің барлық саласына серпін беретін, халқымыздың игілігін көздейтін шынайы іс-жоспарға кұрылған шын мәніндегі тарихи құжат. Биылғы жаңа жылдың алғашқы күндерінде Елбасы жылдағыдай дәстүрлі Жолдауын жариялап, халық көңілін бір серпілтіп тастады.
Көптеген елдерде мемлекет басшылары Жолдауларын Парламентке арнайды. Онда негізінен ішкі саяси жағдай мен экономикалык аухал және сыртқы саясат бағыттары белгіленеді. Ал, Қазақстан Президенті Н.Ә.Назарбаев өз сөзін Парламентке ғана емес,бүкіл халыққа да арнайды. Жолдауды жария ететін орынның Тәуелсіздік сарайының таңдалуы да тегін емес. Жолдау -Мемлекет басшысы мен бүкіл қоғамның арасындағы өзара байланысының тиімді пішіні. Сондықтан да халық Елбасының Жолдауынан жақсылық күтеді.
{jcomments on}Биылғы Жолдаудың «Қазақстан жолы-2050: Бір мақсат, бір мүдде, бір болашақ» деп аталуының өзінде үлкен мән жатыр.Елбасы өз Жолдауында дамыған 30 елдің қатарына кіруге қатысты нақты міндеттерді жеті бағыт бойынша айқындап берді.Соның ішінде «Мәңгілік Ел» деген ұлттық идеяның жеті қағидатын алға тартуы қазақстандықтар үшін мол мүмкіндіктердің ашылып отырғандығын айқындайды.
Жаңа жылдағы еліміз өркендеуінің тың бағытын көрсеткен жасампаздық жұмыстарға жігерлендіретін Тұңғыш Президентіміздің Жолдауындағы міндеттер біздің Қайнар ауылындағы мәдениет үйінде орналасқан үш мекеме- оның ішінде Қайнар мәдениет үйі,Қайнар орталықтандырылған кітапхана жүйесі және саз мектебі ұжымдары арасында зор серпіліспен талқыланды.Өз өмірлерін жақсартуға,мемлекет мерейін өсіруге бағытталған ортақ мақсаттың биігіне жетуге үлес қосу әрқайсымыздың қасиетті борышымыз болатыны анық.
Жалпы, биылғы Жолдауды серпінді, екпінді өркендеуіміздің басты темір қазығын айқындап берген стратегиялық құжат деп бағалаймыз.Біздің ауыл мәдениет қызметкерлерінің жұмыстарының басты мақсаты — Елбасы Жолдауын халық арасында кеңінен насихаттау болып табылады.
Ләззат ТҮСІПОВА, кітапханашы.
