Жуырда Шәкәрім университетінде қазақ тілінің теориясы мен әдістемесі кафедрасының ұйымдастыруымен Қи- наят Шаяхметұлына арналған «Шаях-метұлы оқулары» атты қалалық ғылыми семинар өтті. Аталған шараға жоғары оқу орындары мен колледж студенттері қатысып, өзара тәжірибе алмасты. Семинар Қинаят Шаяхметұлының қызы Қарлығаш Қинаятқызының бастамасымен және демеушілігімен ұйым-дастырылды.
Қазақ тілін насихаттауға, қазақ тілінің теориясы мен әдістемесі мәселелерін зерттеуге сүбелі үлес қосқан Қазақ білім академиясының корреспондент мүшесі, Қазақ тіл білімінің көрнекті ғалымы, Қазақстан Республикасы білім беру ісінің үздігі, КСРО ағарту ісінің үздігі, Ы.Алтынсарин медалінің иегері, филология ғылымдарының кандидаты, профессор Қинаят Шаяхметұлы еңбектерін насихаттау мақсатында өткен қалалық «Шаяхметұлы оқулары» ғылыми семинарына қаламыздағы түрлі оқу орындарынан 11 студент қатысып, ғылыми ізденістерімен бөлісті.
Семинарда Қинаят Шаяхметұлының ғылыми, педагогтік және қоғамдық қызметі жайлы айтылып, қазіргі филологиялық зерттеулердегі өзекті тақырыптар, тіл мен әдебиетті оқыту мәселелері қарастырылды.
Шараға Қинаят Шаяхметұлының жа-ры Күлзада Әшімқызы және қызы Қар-лығаш Қинаятқызы арнайы келді. Кеш шымылдығын Шәкәрім университеті ректоры офисінің басшысы Марат Орынтайұлы құттықтау сөзімен ашты. «Қазақ тілінің теориясы мен әдістемесі» кафедрасының доценті, филология ғылымдарының кандидаты Мұхит Әбікенов баяндама жасап, ғалымның мектеп оқулықтарына қатысты айтқан сыни пікірлеріне талдау жасады.
Қазылар алқасының шешімімен І орынды Шәкәрім университетінің 3-ші курс студенті Ажар Әнуарбекова жеңіп алды. Жүлделі 2-ші орынды да Шәкәрім университетінің 3-курс студенті Ерке Қайырғалиева қанжығасына байласа, 3-ші орынды Семей көпсалалы колледжінің 3-курс студенті Динара Төкенова иеленді.
Қинаят Шаяхметұлы отбасының демеушілік етуімен, жас ізденімпаздарға қаржылай сыйлықтар да берілді. І орын үшін 100 000 теңге, ІІ орын үшін 50 000 теңге, ІІІ орын үшін 25 000 теңге тағайындалып, жеңімпаздарға табыс етілді.
Барлық қатысушылар Шәкәрім уни-верситетінің алғыс хаттарымен марапатталды.
Семинар соңында Қарлығаш Қинаятқызы ұйымдастырушылар мен қатысушыларға алғысын білдіріп, «Шаяхметұлы оқулары» алдағы уақытта дәстүрлі түрде өткізіліп тұратынын жеткізді.
БАЛЖАН БЕЙСЕНБЕК,
Шәкәрім атындағы университеттің студенті.{jcomments off}
