Қала әкімінің орынбасары Жағыпарбек Елубаев өткізген кезекті аппараттық кеңестің күн тәртібінде қала өміріне байланысты көптеген мәселелер қаралды.
Қаржы бөлімінің жетекшісі Роза Кәкімова бөлімдердің мемлекеттік сатып алуларға байланысты және олардың балансындағы нысандардың бекітілуі жайлы, сондай-ақ ай соңындағы қаражаттарды жұмсау мәселесі бойынша жиналғандарды ақпараттандырды.
Қала әкімінің орынбасары Жағыпарбек Елубаев бюджет қаражатының мерзімінде және тиісті мақсаттарға жұмсалуының тиімді тетіктерін қарастырудың қажеттілігі, сондай-ақ, бюджет қаржысының барлық бюджеттік бағдарламалардың қажетін өтеу мен мемлекеттік сатып алу конкурстарының өз уақытында өтуі жайлы айтып өтті. Бұл әсіресе құрылыс бөлімі мен тұрғын үй коммуналдық ша-руашылығы, көлік тасымалы және автомобиль жолдары бөлімі үшін маңызды. Сонымен қатар, әкім орынбасары нысандарды бөлімдер балансына бекітіп беру мәселесін жылдамдатып шешу қажеттілігіне де тоқталып өтті. Бұл шара өткен жылы басталған болатын.
Келесі кезектегі сауалдар қатары қаламызда жүргізіліп жатқан бағаны тұрақтандыру шаралары төңірегінде өрбіді. Жағыпарбек Елубайұлы атап көрсеткендей, бұл мақсаттағы құрылған жұмыс тобына қаламызда тауар бағасының күрт, әрі негізсіз өсуіне жол бермеу үшін әлі де белсенді жұмыс жасау қажет. Бұл орайда тек бағаға мониторинг жүргізу ғана емес, көтерме сауда жүргізетін жеткізушілер мен сатушылар арасында түсіндіру жұмыстарын жүргізу керек. Сонымен қоса, тұрақтандыру қорынан бөлінетін азық-түлік түрлеріне де мән берген жөн. Яғни, аталмыш қор өнімдерін саудалайтын қосымша нүктелер ашу қажет. Қазіргі күнге дейінгі тәжірибе көрсеткендей, төмен баға мен жоғары сапа тұрғындар назарын аударған. Сұраныс бар, тұтынушылар көп. Қала әкімінің орынбасары айтып өткендей, жақын арада тағы да үш нүкте ашу көзделуде. Оның бірі «Мереке» базарында орналаспақ.
{jcomments on}Кәсіпкерлік бөлімі баға тұрақтылығын сақтау бағытында базарлар, сауда үйлері және дүкендер иелерімен жұмысты жалғастыра беруі тиіс.
Аппараттық кеңесте сонымен қатар, қаладағы коммуналдық кәсіпорындардың қазіргі қызмет ахуалы жайлы да сөз қозғалды. «Теплокоммунэнерго» МКК өкілінің ақпаратына қарағанда тұтынылған жылу үшін жұртшылықтан жиналған қаражат өткен жылмен салыстырғанда 5 пайызға артқан, мекемеге көмір жеткізуде ешқандай кедергі жоқ, «Қаражыра LTD» ЖШС-мен келісім шарт бекітілген болатын.
Сонымен қатар, кестеден қалып келе жат-қанмен де «Шығысэнерготрейд» алдындағы қарыздар да біртіндеп өтелуде. Мекеме басшысы Еркен Сағындықовтың айтуынша, дәл осындай ахуал «Семей Водоканал» МКК-мен арада да туындап отыр. Дегенмен,аталған мәселеге байланысты «Шығысэнерготрейд» шектеулер енгізбек. Тұрғындардың дебиторлық қарызы мекеменің электрмен қамту мекемесі алдындағы қарызымен тең. Сол себептен бұл тығырықтан шығудың бірден бір жолы тұрғындардан қарызды жинау жұмыстарын ширата түсу болып отыр.
Аппараттық кеңестің соңында ақпараттық-насихаттық топ жұмысы сарапталып, қала өміріне қатысты тағы да бірқатар сауалдар төңірегінде әңгіме өрбіді.
Қ.ӘЛІМБЕК.
