Сәрсенбі, 27 қараша күні Абай кітапханасында Шығыс Қазақстан облысы әкімінің орынбасары Әсем Нүсіпованың қатысуымен Қазақстан Республикасының Тұңғыш Президенті күніне арналған «Біздің № 1» жастар форумы өтті.
Жастар жылын қорытындылау аясында Әсем Бекқызы Мемлекеттік қызмет істері агенттігінің Шығыс Қазақстан облысы бойынша департаментінің басшысы Жанна Қабдолдақызымен бірге облыстағы белсенді жастармен кездесу өткізді. Семейдегі кездесу барысында жастар жетістіктерімен бөлісіп, алға қойған мақсаттары, жоспарлары туралы айтып, пікір алмасты. Олардың арасында Ресейдің Қазан қаласында өткен 45-ші «WorldSkills Kazan — 2019» әлем чемпионатында «Ұлттың үздік өкілі» медалін жеңіп алған Александр Бэтцольд, Семей қаласының Шәкәрім атындағы мемлекеттік университетінің 4 — курс студенті Еркежан Досмұхаметова, С.Аманжолов атындағы ШҚМУ-дың 3-курс студенті, облыс әкімі грантының иегері Виктория Кузнецова; «Серпін-2050» бағдарламасының түлегі Дәурен Құлбеков, Семей медициналық университетінің 5 — курс студенті, QazMedVolunteers еріктілер қозғалысының төрағасы Гүлфайруз Тукинова, «Жас кәсіпкер» жобасының қатысушысы Айдын Серікқазин, Қазақстан Жазушылар одағы Семей қаласындағы филиалының төрағасы, «Дарын» мемлекеттік жастар сыйлығының иегері Мерей Қарт және өзге де талантты жастар болды.
— Мен қазір мехатроника және мобильді робототехника саласындағы тәлімгермін. Біздің тәрбиеленушілер Австрияда өтетін Euroskills, сондай-ақ Біріккен Араб Әмірліктерінде өтетін WorldSkills Asia әлем чемпионаттарына қатыспақ. Жақында ғана біздің колледж «Жас маман» жобасының жеңімпазы атанды. Біз мұнымен тоқтамаймыз. Кәсіби шеберлігімізді одан әрі дамытып, биік шыңға шығатынымызға сенімдімін,- дейді Александр Бэтцольд.
Нұр-Сұлтан қаласында өткен V Республикалық «Wordskills Kazakhstan – 2019» чемпионатында Шығыс Қазақстан облысының командасы жеңімпаз атанып, соның ішінде Семей Электротехникалық колледжінің студенттері жүлденің басым бөлігін қоржынға салған еді.
«Жас кәсіпкер» бағдарла-масының қатысушысы Айдын Серікқазин қымыздан балмұздақ жасау, Ирина Самойлова «Zhas project» асяында «DonutKing» жобасын жүзеге асырған.
«Толағай сұлтаны — 2019» І Халықаралық байқауының жеңімпазы Айдос Үркімбай шығыс жастарын ұлы Абайдың 175 жылдығын мерекелеу аясында өткізілетін барлық шараларға белсенді қатысуға шақырса, Көкпекті аудандық ауруханасының педиатры Меруерт Омарбекова «Дипломмен — ауылға» бағдарламасына қатысудың артықшылықтары туралы айтты. «Алтай — 2019» ІT-Хакатон байқауының жеңімпазы Сырым Бауыржан спорттық немесе олимпиадалық бағыттағы мектептер мен университеттер үшін оқу-білім беру порталын құру идеясымен бөлісті.
Жиынды қорытындылаған Мерей Қарт «Рухани жаңғыру» бағдарламасы аясында шығыстағы жас ақын-жазушылардың шығар-малары енген «Абай әлемі» атты кітаптар сериясы үшін Шығыс Қазақстан облысының әкімі Даниал Ахметовке алғыс білдірді.
Жадыра ТӨЛЕГЕНҚЫЗЫ, «Семей таңы»
{jcomments off}
