Шығыс Қазақстанда облыс әкімі Даниал Ахметовтің төрағалығымен Абай Құнанбаевтың 175 жылдығына арналған іс-шараларды өткізу бойынша облыстық қоғамдық штабтың отырысы өтті. Жиынға ғылым және мәдениет қайраткерлері қатысты.
Шығыс Қазақстан облысында Ұлы ақын мерейтойына арналған 500-ден астам іс-шаралар жоспарланған. Оның ішінде Ұлыбританияда, Ресейде, Түркияда, Польшада, Қытайда 24 халықаралық және 21 республикалық деңгейдегі іс-шаралар қамтылған. Оларды ұйымдастыруға және өткізуге аймақтық университеттер, ғылыми және мәдени қоғамдастық, Қазақстан Республикасы Жазушылар мен Суретшілер одақтары, ҮЕҰ және жастар тартылды. Жалпы, бұл іс-шаралар жас ұрпақты ағартушылыққа, рухани-адамгершілікке тәрбиелеуге бағытталған.
Мәдениет, мұрағаттар және құжаттама басқармасы басшы-сының орынбасары Раушан Нұр-мұханованың айтуынша, аймақтық жоспар қазірдің өзінде жүзеге асуда. Осы жылдың 10 қаңтарынан бастап облыстық мектептердің 5-8 сыныптарына және «Қазақ тілі мен әдебиеті пәні мұғалімі» мамандығы бойынша оқитын колледждердің бірінші курс студенттеріне «Абайтану» элективті курсы енгізілген. Облыстың барлық 277 күндізгі мектептерінде және екі педагогикалық колледжде «Абайтану» кабинеттері, Семей қаласының 56 мектебінде «Абай еліне саяхат» үйірмелері ашылды. «Абай әлемі» әдеби жобасын жүзеге асыру жалғасуда — отандық жазушылардың шығармалары кіретін қазақ, ағылшын, орыс тілдеріндегі 20 кітаптың тізімі нақтыланды. Олардың жалпы тиражы 21 мың дананы құрайтын болады.
Ұлы ақынның мерейтойына дайындықты егжей-тегжейлі зерделеу үшін негізгі бағыттар бойынша бес штаб бекітіліп, нақты жоспарлар жасалды. Мемлекет басшысы Қасым-Жомарт Тоқаевтың Қазақстан Республикасы Үкіметінің кеңейтілген отырысында берген тапсырмасына сәйкес, концерттік бағдарламалар мен театрландырылған қойылым-дарды дайындау қазақстандық өнерпаздардың, мәдениет қай-раткерлері мен облыстың шығар-машылық ұжымдарының қатысуы-мен өткізіледі.
Сонымен қатар аймақтардағы университеттер еріктілік мәселесін пысықтауда. Қазіргі уақытта іс-шараларға қатысатын 500 еріктінің тізімі анықталуда. 47 кәсіби гидтің тізімі жасалды, оған қосымша жастар ішінен арнайы дайындықтан өткен 50 аудармашы мен гид тартылады.
Абай ауданындағы Қарауыл ауылының жанындағы киіз үй қалашығында әрбір қала мен ауданнан «Тәуелсіздік жылдарындағы жетістіктер», «Этнография және фольклор», «Абай шығармашылығы мен өмірі» тақырыптарында көрмелер ашылады. Киіз үй қалашығының аумағында көктемде 2 мыңға жуық көшет отырғызылады.
Ал тамыз айында Абай Құнанбаевтың 175 жылдығына арналған барлық спорттық жарыстардың қорытындысы шығарылмақ. Облыста спорттың әр түріне арналған 93 іс-шара жоспарланса, оның ішінде 15-і ұлттық ат спорты фестивалі. Сонымен қатар ұлдар мен қыздар арасында волейбол, баскетбол, кіші футбол және жартылай марафон жарыстары ұйымдастырылады. Қа-тысушылардың жалпы саны шамамен 1000 адамды құрайтын болады.
Шығыс Қазақстан облысы әкімінің орынбасары Бақытжан Баяхметовтің ақпараты бойынша, Абай ауданы мен Семей қаласына нысандар салу, жөндеу және көгалдандыру бойынша 88 жобаны жүзеге асыру жоспарланған. Оған Қарауыл ауылында 300 оқушыға арналған мектеп салу, облыстық маңызы бар жолдарды, Қарауыл ауылының көшелерін жөндеу, Жидебай мемориалдық кешенінің аумағына Абай музейін салу, Сырт Қасқабұлақ аумағын абаттандыру кіреді.
Көліктік байланысты ұйым-дастыруда жергілікті тасымалдау-шылардың қосымша 31 көлігін пайдалану жоспарлануда. Семей — Қарауыл, Жидебай – Қарауыл — Этноауыл бағыттары үшін қосымша автобус бағыттары жасалды.
Спикерлерді тыңдағаннан кейін аймақ басшысы Даниал Ахметов 14-16 тамызда Семей қаласы мен Абай ауданында өтетін негізгі іс-шаралар тұжырымдамасын әзірлеу үшін белгілі мәдениет қайраткерлерінен тұратын шығармашылық топтың құрамын анықтауға тапсырма берді. Шығармашылық топты Қазақстан Республикасы Ұлттық музейінің директоры және экс-мәдениет министрі Арыстанбек Мұхамедиұлы басқарады. Сондай-ақ қазақстандық боксшы Серік Сәпиевтің басшы-лығымен спорттық шараларға арналған штаб құрылады.
— Еліміздің Тұңғыш Президенті Нұрсұлтан Назарбаевтың тапсырмасы мен Мемлекет басшысы Қасым-Жомарт Тоқаевтың ерекше бақылауымен өткізілетін ақын мерейтойы біз үшін маңызды. Абайдың 175 жылдығы іс жүзінде Қазақстанның дамуының 30 жылдығымен сәйкес келеді. Сонымен, бұл мерейтой — біздің 30 жыл ішінде, ең алдымен, рухани, идеологиялық және мәдени бағытта жасаған жұмыстарымыздың есебі болмақ, — деп сөзін аяқтады ШҚО әкімі.
ШҚО ақпарат орталығы{jcomments off}
