Мемлекет басшысы Қасым-Жомарт Кемелұлы Тоқаев 14-16 ақпан күндері Қауіпсіздік жөніндегі Мюнхен конференциясына қатысып, бас спикер болды. Жарты ғасырлық тарихы бар ең беделді саммитте бірінші рет Орталық Азия туралы пікірталас ұйымдастырылып, біздің Президентіміз маңызды тақырыптарды қозғады.
Орталық Азия мемлекеттерінің даму болашағы туралы ойларымен қатар, Қасым-Жомарт Кемелұлы Қазақстанның сыртқы және ішкі саясаты туралы да баяндады. Бейбітшілік пен тұрақтылықты сақтауға баса мән беріп келе жатқан еліміз халықаралық қатынастарда да осы бағытынан жаңылған емес. Қазақстанның ядролық қарудан бас тарту туралы бастамасы барша әлем жұртшылығына аян.
Президентіміздің тікелей қатысуымен өткен бұл жиынның елімізге берері көп деп ойлаймын. Әсіресе Орталық Азия елдеріне және Қазақстанға шетелдік инвесторларды тартуға себеп болғаны анық.
Осы сапары аясында Қасым-Жомарт Кемелұлының бірнеше мемлекеттің басшыларымен, халықаралық ұйымдардың, Германияның ірі компанияларының жетекшілерімен жүргізген келіссөздері ел экономикасы мен халықтың әл-ауқатын көтеруге бағытталды.
Еркебұлан ТҰРСЫН, «INTELLECTUAL» білім беру орталығының директоры{jcomments off}
