5 наурыз күні Ұлы Отан соғысының ардагері, жерлесіміз Құлбатыр Нұржановтың туысқандарына, Жеңістің 75 жылдығына орай, Қазақстандағы Ресей Федерациясының бас консульдігі Отан соғысының I дәрежелі орден куәлігін салтанатты түрде табыстады.
Құлбатыр Нұржанов 1900 жылы Семей қаласында дүниеге келген. 1942 жылы соғысқа аттанды. 72-ші теңіз әскери атқыштар бригадасы құрамында шайқасқан. 1944 жылы қоян-қолтық шайқаста тоғыз фашистің көзін жойған. 1944 жылы қазан айының 13-і күні соғыста ерлікпен көз жұмған. Денесі Мурманск қаласында жерленген.
— Құлбатыр Нұржанов арада 75 жыл өткеннен кейін лайықты марапатына ие болып отыр. Батыр бабаларымыздың ерлігі алдында бас иеміз. Батырларымыз ешқашан ұмытылмайды,- деді қала әкімі Ермак Сәлімов.
Құлбатыр Нұржановтың туыстарына Отан соғысының I дәрежелі ордені салтанатты түрде табысталды.
Өз тілшіміз{jcomments off}
