ЖАДНАМА
Құрметті азаматтар!
Әлемдегі коронавирустық инфекция бойынша жағдайға байланысты, оның әкелінуі мен таралуының алдын алу, сондай-ақ Қазақстан Республикасында тұрғындардың санитариялық-эпиде-миологиялық салауаттылығын қам-тамасыз ету мақсатында Сіздің және жақындарыңыздың денсаулығын сақтау үшін келесі алдын алу шараларын ұстануларыңызды сұраймыз:
— вирустық ауру белгiлерi бар адамдармен қарым-қатынасты болдырмау (жөтел, түшкіру, мұрын шырышты қабатының қабынуы, дене қызуының көтерілуі);
— дене қызуын күніне 2 рет өлшеу қажет;
— тұрғын үй — жайларын тәулігіне 2 рет желдету;
— тұрғын үй — жайларын ылғалды жинау кезiнде дезинфекциялау заттарын (құрамында хлор бар заттар, 70% спирт, сірке қышқылы, лимон қышқылы, сода) қолдану қажет;
— жеке гигиенаны сақтау (жеке сүлгі, сабын, ұстара құралдарын пайдалану және т.б.);
— қолды сабынмен жуу (әжетханаға барғаннан кейін, қол алысқаннан кейін, көшеден оралғаннан кейiн, сондай-ақ тамақ дайындамас бұрын);
— қоғамдық орындарда жүргенде көз, мұрын, ауызға қол тигізбеңіз, өйткені лас қолдың жанасуы вирустың шырышты қабатқа түсуіне ықпал етеді;
— көпшілік жиналған жерлерге барғаннан кейін және көшеден қайтқанда мұрын және ауызды (мұрын-жұтқыншақ) әлсіз сода ерітіндісімен шаю;
— жөтелу, түшкіру кезінде ауызды бір реттік салфеткалармен немесе орамалмен жабу, содан кейін қолды сабындап жуу немесе спирт ерітіндісімен, дезинфекциялық сулықтармен өңдеп залалсыздандыру қажет;
— қоғамдық орындарда жөтелген немесе түшкірген адамдармен қарым-қатынас жасамауға тырысу, мүмкін болмаған жағдайда кем дегенде 1 метр қашықтықта алысырақ тұру;
— ЖРВИ белгілері пайда болған кезде (дене қызуының көтерілуі, тыныс алудың қиындауы, көбінесе құрғақ жөтел, қалтырау, дененің қақсауы, мұрын шырышты қабатының қабынуы және т.б.) үйде өздігінен емдеумен айналыспау және міндетті түрде жедел медициналық көмекті шақыру қажет.
Құрметті жамағат!
Бүгінде әлем жұртшылығын дүрліктірген коронавирус көптеген елдерге тарап үлгерді. Вирусты жұқтырған адам саны артуда. Бұл дерт бізді де алаңдатып отыр.
Осыған орай, Қазақстан мұсылмандары діни басқармасы шариғаттағы зәрулік үкімін негізге ала отырып, коронавирустың жамағат арасында таралуының алдын алу шарасы ретінде жұма намазына байланысты мәлімдейді:
• Жұма намазынан бұрын айтылатын 30 минуттық уағыз 20.03.2020 жылдан бастап уақытша тоқтатылады;
• Намаз уақыты кіре сала азан айтылады, 4 ракағат сүннет өтеліп, жұма намазының 2 ракағат парызы қысқа сүремен оқылады;
• Жұма намазының парызынан кейін оқылатын 4 рәкағат сүннетті үйде оқуға кеңес береміз;
• Намаздан кейін тәсбих тартылмайды, Құран оқылмайды, имам қысқа дұға жасайды;
• Намаздан кейін жамағат қол беріп «Жұма қабыл болсын» деп амандаспайды;
• Мешітке бетперде (маска) киіп келу;
• Намаздан кейін көп кідірмей мешіттен шығу;
• Жұма намазға балиғатқа толмаған балаларды алып келмеу;
• Жұма намазға денсаулығы жарамайтын қариялар, науқастар мен әйелдердің қатыспағаны абзал;
• Ауа райы қолайлы аймақтарда жұма намазын мешіт ауласында оқуға рұқсат.
Барша мұсылман қауымын осы жағдайларға түсіністікпен қарауға шақырамыз.{jcomments off}
