Биылғы жылы аталып өтілетін Абайдың 175 жылдық мерейтойы қарсаңында қаламыздағы Абай театрында күрделі жөндеу жұмыстары қарқынды жүргізілуде.
Театр директоры Яков Горельниковтың айтуынша, өткен жылдың қыркүйек айында бөлінген қаражатқа нысанның бірінші қабатындағы театр актерлерінің суреттері ілінген стендтер жаңартылып, ағарту және сырлау жұмыстары жүргізіліп, өрт қауіпсіздігі жүйелері қайта жаңартылған. Сонымен қатар сахна төріндегі қойылымдар үшін заманауи дыбыс және жарық аппаратуралары сатып алынған.
-Мұндай күрделі жөндеу біздің театрымызда бұған дейін болмаған еді. Ағымдағы және косметикалық жөндеумен ғана шектеліп келгенбіз. Енді ғимаратты үлкен өзгерістер күтіп тұр. Биыл театрды күрделі жөндеуден өткізу үшін қажетті сома бөлінді. Шатыр жөнделіп, қасбеті қалпына келтіріледі, баспалдақтар қайта жөнделіп, театр аумағы абаттандырылады. Жөндеу жұмыстарын облыс және қала әкімі, мәдениет басқармасы қатаң бақылауда ұстап отыр, — дейді театр директоры Яков Горельников.
Бүгінгі таңда театрдың шығармашылық ұжымы елімізде жарияланған төтенше жағдайға байланысты кезектен тыс демалыста. Әйтсе де мұнда жұмыс қарқыны бәсеңдеген жоқ. Таяу аралықта жергілікті көрермендер «Ревизор» қойылымын онлайн көретін болады.
Сонымен қатар театрдың бояу түрлері гаммасына да ерекше мән берілмек.
Өз тілшіміз{jcomments off}
