Семей Электро-техникалық колледжі тағы бір тың идеясымен бөлісті. Мұндағы мамандар 3D принтерімен медициналық бетперделерге арналған арнайы құрылғыны басып шығарды.
Колледждің IT-орталығы мамандарының айтуынша, бұл құрылғы медициналық маска киген кездегі ыңғайсыздықты азайтады. Олар ұстағышты қарапайым пластиктен жасаған және ол принтерде шамамен 20-25 минут ішінде басылады.
— Қазір барлығымыз күні бойы медициналық маскаларды киіп жүрміз және масканың баулары құлағымызды ауырта бастады. Бұл ұстағыштар арқылы бетперде құлаққа емес, бастың артына байланады,- дейді олар.
Тұтқыштар 3D-модельдеу бағдарламасымен жасалған. Бұл бағдарлама информатика сабағында оқытылады. Интернеттен осындай тұтқыштың кез келген моделін жүктеуге болады.
— Бұл ұстағыштарды реттеуге болады. Ересек адам масканың бауын ең соңғы ілмекке байласа, балалар ең біріншісін пайдаланады, — деп түсіндірді оқу орны мамандары.
«СТ» -ақпарат{jcomments off}
