Семейдің халықаралық әуежайы Ұлы Абайдың атын иеленетін болды. Қазақтың бас ақынының 175 жылдығына орай қабылданған бұл шешім туралы қалалық ақпарат орталығында өткен арнайы брифингте мәдениет және тілдерді дамыту бөлімінің басшысы Назерке Аққожина хабарлады.
Аталмыш бастама осыған дейін көтеріліп, облыс басшылығы тарапынан қолдау тапқан болатын. Ендігі аралықта бұл ұсыныс заңды түрде күшіне енетін болады.
— Республикалық аномас-тикалық комиссияның шешімі шықты, оған сәйкес 26 сәуір күні Семей халықаралық әуежайына Абай есімі берілді. Тиісті құжаттар бізге келіп жетті. Сондай — ақ, аталмыш шешімге сәйкес, бірқатар қала мектептеріне көрнекті қазақстандық қайраткерлердің есімі берілді, — деп хабарлады Назерке Аққожина.
Тоқтала кетер болсақ, Семей қаласындағы № 47 орта мектеп Ахмет Байтұрсыновтың есімін иеленеді, №37 орта мектеп Ыбырай Алтынсарин атын алады, ал 39 мектеп Әлихан Бөкейхановтың атын иеленесе, №34 мектеп Бауыржан Момышұлының есімімен аталады, сонымен қатар № 2 мектеп Қаныш Сәтпаев атындағы мектеп болады.
{jcomments off}
