Еліміздегі енгізілген уақытша шектеулердің Нұр-Сұлтан және Алматы қалалары бойынша алдағы мамыр айының 1-ші жұлдызынан бастап жеңілдетілуіне байланысты біздің облысымызда да әуе қатынасы ішінара қайта жанданатын болды.
Бұл жайында облыс әкімі Даниал Ахметов өзінің фейсбук әлеуметтік желісіндегі жеке парақшасында жазды.
«Құрметті достар, бүгін мемлекеттік комиссияның төрағасы, еліміздің Премьер-Министрі Асқар Ұзақбайұлы Маминнен Шығыс Қазақстан қалалары мен Нұр-Сұлтан, Алматы арасындағы ішкі авиарейстерді ашуға рұқсат беруін сұрадым.
Осылайша, біз мамыр айының басынан облыстар арасында елімізде алғашқылардың бірі болып әуе қатынасын қайта ашамыз. Күн сайын Нұр-Сұлтан мен Алматыдан Өскеменге дейін және кері қарай екі рейстен қатынайтын болады. Сондай-ақ «Нұр-Сұлтан – Семей», «Алматы-Семей» бағыттары бойынша бір рейстен ұшады.
Облыс көлемінде енгізілген шектеу режимінен шығу жоспарының бірінші қадамы бізге экономикалық жағдайды тұрақтандыру бағытын нақты бағдарлауға мүмкіндік беретініне сенімдімін» — деп атап көрсетті өз сөзінде Даниал Кенжетайұлы.
«СТ»-ақпарат{jcomments off}
