Көкпекті ауданы бойынша бүгінгі күні 52 адам коронавирус індетін жұқтырған наусқастар ретінде тіркеліп отыр. Аудан көлемінде қазіргі таңда індеттің алдын алу мақсатында бірқатар жұмыстар жүргізілуде. Атап айтсақ, аталмыш жұқпалы дерттің таралуына орай Көкпекті ауданы бойынша күшейтілген шектеу шаралары енгізіліп, барлық ауылдық округтердегі халық көп шоғырланатын жерлер жабылды. Көптеген мекемелер мен қызмет орындары өз жұмыстарын тоқтатты.
Осындай қиын-қыстау кезеңде бір-бірімізге қолдау көрсету, жақындарымызға жанашыр болу өте маңызды. Осы ретте аудан көлемі бойынша әлеуметтік тұрғыдан аз қамтылған отбасыларға, көп балалы жанұяларға, қарттар мен мүгедектерге 13 мың бет берде еріктілердің көмегімен тегін түрде таратылды.
Сонымен қатар арнайы құрылған комиссия мүшелері күн сайын аудандағы 17 ауылдық округте рейдтік іс-шаралар жүргізіп, халыққа жиын-той жасамау, қатым түсірмеу, көпшілікті шақырып ас бермеу және жерлеу рәсімдерінде адамдардың көп жиналуына қатаң шектеу қою керектігін түсіндіріп,ақпараттық жұмыстар жүргізуде.
Мұндай шараларға көптеп мысал келтіруге болады. Атап айтсақ, Көкпекті ауданындағы «Арлан» әскери-патриоттық тұрғыда тәрбиелеу клубының мүшелері және жергілікті полиция қызметкерлері қазіргі жағдайда елді қауіпті індеттен құтқару мақсатында жұмыла кірісіп, іргелі шаралар жүргізіп жатыр.
Белсенділер жуырда Қ.Аухадиев атындағы ауылдық округінде және Үлкенбөкен ауылында кезекшілік жасады. Тұрғындарға себепсіз көшеде жүрмеу және санитарлық талаптарды сақтау жайлы түсіндірме жұмыстарын жүргізді.
Сондай-ақ облыстың бас санитарлық дәрігерінің қаулысына сәйкес, барлық ауылдардағы дүкендер қысқартылған жұмыс режиміне көшкен. Бұл індеттің алдын алуда барлық аудан тұрғындары бір кісідей атсалысып, жұмыла күресуде.
Ауданның белді кәсіпкерлері де халқына жанашыр болып, қайырымдылық шараларынан шет қалмай, қол үшін созуда, жаны жомарт жерлестеріміз мұқтаж жандарға қаржылай қолдау көрсетіп, дәрідәрмектер алып беріп, жанжақты көмек көрсетуде. Ауданымызда кронавирус індетінің таралуына тосқауыл қою мақсатында жүргізіліп жатқан шаралардың барлығы да аудан әкімі Асхат Смаиловтың және әкімдік бөлімдерінің қатаң назарында тұр.
Өз тілшіміз{jcomments off}
