Шығыс Қазақстан облысының әкімі Даниал Ахметов қала, аудан әкімдері және облыстық басқарма басшыларының қатысуымен әкімдік отырысын өткізді. Жиында өңірді дамытуға қатысты бірқатар маңызды мәселелер қаралды.
Бұл туралы аймақ басшысы өзінің әлеуметтік желідегі парақшасында жазды. Бірінші кезекте, білім беру саласына, әсіресе техникалық және кәсіптік оқытуға ерекше назар аударылып отыр. Бүгінгі таңда облыста студенттерге теориялық білім ғана емес, сонымен қатар практикалық база беруге мүмкіндік беретін 5 құзыреттілік орталығы жұмыс істейді. Ауыз толтырып айтар жетістік — колледж түлектерінің 80 пайызы жұмысқа орналасқан.
— Біздің өнеркәсіптер сұранысқа ие мамандықтарды нақты көрсете отырып, оқу
орындарымен тұрақты негізде ынтымақтаса жұмыс атқаратынын ерекше атап өткім келеді. Біз осы мамандықтарға бөлінетін гранттар санын жоспарлы түрде ұлғайтудамыз. Сонымен қатар қазір ауыл педагогтерінің өз біліктіліктерін қашықтықтан арттырулары үшін барынша жұмыс жүргізудеміз. Бұл бағыттағы қызметті білім басқармасы жалғастыруы қажет, – деді облыс әкімі Даниал Кенжетайұлы.
Жиында сонымен қатар ауылшаруашылық жерлерін цифрландыру және электрондық карта жасау мәселесі де көтерілді. Өкінішке орай, қазір жайылымға арналған көптеген жерлер мақсатқа сай пайдаланылмайды. Бүгінде мал және өсімдік шаруашылығын дамытудың жаңа жоспарлары әзірленгенін ескере отырып, жердің бос болуына жол бермеу жайлы баса айтылды. Ауыл шаруашылығының өркендеуіне негізгі ықпал ететін, қала мен ауылды жақындастыратын тас жолдардың жағдайы — қазіргі таңда шығыстағы өзекті мәселелердің бірі. Ағымдағы кезеңде 800 шақырымға жуық жол жөнделген. Толық және орташа жөндеуден өткен жолдардың саны жыл санап артып келеді. Қалалар мен аудандардың әкімдері келесі жылы жаңарту жоспарланған жолдардың, басқа да салалар бойынша перспективалық жоспарлар әзірлеу қажет.
Сондай-ақ облыс басшысы өңірдегі жұмыспен қамту мәселесін де тілге тиек етті.
— Біздің өңір «Жұмыспен қамтудың жол картасын» іске асыру аясында үздік нәтижелер көрсетіп, елімізде жетекші орынға ие болып отыр. Бірақ бұл осы көрсеткіште тоқтап қалу керек дегенді білдірмейді. Бізге, ең алдымен, кемшіліктерді жою үшін барлық күш-жігерді бағыттау маңызды,– деді Даниал Кенжетайұлы.
«СТ» — ақпарат
{jcomments off}
