ШҚО әкімінің орынбасары Ержан Нұрбаев жұмыс сапары барысында құрылысы қарқынды жүріп жатқан «Jolaman» көтерме сауда-тарату орталығында болды. Құны 1,5 млрд теңгені құрайтын жоба республикалық тауар өндірушілер желісін құрудың мемлекеттік бағдарламасы шеңберінде жүзеге асырылуда.
Жалпы, 2025 жылға қарай елімізде түрлі қуаттағы 20 көтерме сауда-тарату орталығын салу жоспарлануда. Олардың алғашқы бесеуі биылғы жылы пайдалануға беріледі. Семейдегі көтерме сауда-тарату орталығының жалпы жер көлемі — 11 гектар. Жоламан кенті ауданындағы бұрынғы «Сары» базарының аумағын «Ақшың» корпорациясы сатып алып, ЖСҚ дайындап, көтерме сауда-тарату орталығының құрылысын бастады. Құрылысқа компания өз қаражатынан 1,5 млрд теңге бөлді. Тағы 473 млн теңге «Даму» қорының қолдауымен «ЦентрКредит» банкінен алынды. Қор несиенің жылдық мөлшерінің 9%-на субсидия жасайды, қалған 6%-ын несие алушы төлейді. Кәсіпкерлердің айтуынша, бұл мемлекет тарапынан көрсетілген үлкен көмек.
Құрылыс былтырғы жылы жазда басталған, қазіргі уақытта аяқталуға таяу. Бүгінгі күні тәулігіне 50 ірі қара мал союға қуатты өзінің қасапханасы жұмыс істеп тұр. Орталық аяқталғанда көтерме-тарату қоймалары, кросс-док, тоңазтқыш және мұздатқыш камералар іске қосылады. Тәуелсіздік күні 200 орындық жәрмеңке ұйымдастыру жоспарлануда, бұл жерде аймақтағы тауар өндірішулер өз өнімдерін сататын болады.
Айпақшы, көтерме сауда – тарату орталығы «семейліктердің өз еңбегі» ресми мәртебесіне ие. Осы уақытқа дейін көтерме сауда-тарату орталығында мұндай мәртебе болған жоқ. Жақында қала тұрғындары осындай бастама көтерді, «Атамекен» ұлттық кәсіпкерлер палатасы қолдады. Бүгінгі күні ғимарат салуға және жабдықтар сатып алуға 25% субсидия салынған құрылыс жобасының төлқұжаты әзірленді. Енді көтерме сауда-тарату орталығы отандық ауылшаруашылық тауарларын өндірушілермен тікелей жұмыс істейтін болады. Олардың өнімдерін тиімді бағамен сатуды қамтамасыз етеді.
Нысанды аралап көрген облыс әкімінің орынбасары Ержан Нұрбаев атқарылған жұмысқа оң баға беріп, бұл сауда саласындағы жетекші жобалардың бірі болатынын атап өтті.
Семей қаласының ақпараттық орталығы
{jcomments off}
