Ағымдағы жылдың 1-2 мамыры аралығында Ертіс өзенінен өтетін автокөлік (ескі) көпірі ағымдағы жөндеуге жабылады.
— Жауапты салалық бөлім басшысына көліктердің азаюын ескере отырып, мереке күндері сапалы жөндеу жұмыстарын жүргізу тапсырылды. Автокөлік иелері үшін уақытша туындаған қолайсыздықтарды азайтып, жұмыс қысқа мерзімде, жүйелі және тиімді түрде жүргізілуі керек, — деп жазды қала әкімі Нұрымбет Сақтағанов өзінің Instagram әлеуметтік желісінде.
Айта кетейік, қаланың оң және сол жағалауын байланыстыратын көпір 1964 жылы іске қосылған. Қазіргі таңда көпірді қайта жөндеуден өткізу үшін жобалық-сметалық құжаттама әзірленді. Мемлекеттік сараптамадан өтіп жатқан Жоба болашақта қолданыстағы көпірдің жанынан төрт жолақты жаңа көпір салуды қарастырады.
