ШҚО Төтенше жағдайлар департаменті баспасөз қызметінің мәліметінше, 27 сәуірде бұрынғы Понтон көпірі аумағында ойнап жүрген балалар ер адамның суға құлап кеткенін көріп қалған. Олар бұл туралы дереу жақын маңдағы ересектерге хабарлаған.
«22 жастағы Әбілмансұр Төлеуғали мен оның досы Мерей Маутбеков ойланбастан оқиға орнына жеткен. Ағынмен келе жатқан адамды көрген екеуі жағалау бойымен жүгірген. Содан кейін Әбілмансұр суға секіріп, ер адамды алып шықты. Ал Мерей жедел жәрдем қызметкерлері келгенше ес-түссіз жатқан зардап шегушіге алғашқы көмек көрсетуге тырысқан», — делінген хабарламада.
Көп ұзамай оқиға орнына жеткен дәрігерлер зардап шегушіні ауруханаға жеткізді. Қазіргі уақытта ол жансақтау бөлімінде жатыр.
