Семейдің Шәкәрім атындағы университетінің қабырғасында әлеуметтік шеберхананың салтанатты ашылу рәсімі өтті. Бұл әлеуметтік тігін цехы Израиль мемлекетінің Қазақстандағы елшілігінің қолдауымен, Израиль Сыртқы істер министрлігінің халықаралық ынтамақтастықты дамыту жөніндегі МАШАВ агенттігі арқылы жабдықталған. Мұнда аутистік спектрі бұзылған балалардың ата-аналары жұмыс істейтін болады. Бүгінгі таңда цехқа алты өндірістік машина сатып алынды. Штатта әзірге тек төрт қызметкер бар, олардың екеуі тігінші, тағы екеуі – аутизм спектрі бұзылған балалардың аналары. Ашылу рәсімі Израиль Мемлекетінің Төтенше және Өкілетті Елшісі Лиат Вексельман ханымның және Семей қаласының басшылығының қатысуымен өтті.
Машав — Израильдің Сыртқы істер министрлігі мен Израиль елшілігінің жанындағы біліктілікті арттыру курсы және халықаралық ынтымақтастық агенттігі. Дәл осы гранттардың арқасында біз бүгін осы әлеуметтік жобаны жүзеге асырып жатырмыз. Мұнда аутизм спектрі бұзылған балалардың ата-аналары жұмыс істейді. Біз бүкіл Қазақстан бойынша әлеуметтік жобаларды қолдаймыз. Біз үшін тек ірі қалаларда ғана емес, сонымен қатар аймақтарда да жобаларды жүзеге асыру маңызды. Сондай-ақ грант иелері Израильде оқыған курстарынан оралып, білімдерін таратып нәтиже шығарып жатқандарына қуаныштымыз. Кез келген адам осында оқып, сұранысқа ие мамандық алады деп сенеміз — дейді Израиль мемлекетінің төтенше және өкілетті елшісі Лиат Вексельман.
Бүгінде шеберхана орталығында 6 өндіріс машинасы сатып алынып, 6-7 жұмыс орыны қарастылыған. Әзірге штатта тек төрт қызметкер бар, олардың екеуі тігінші, тағы екеуі аутизм спектрі бұзылған балалардың аналары.
Семинардың ашылуы үшін университеттің проректоры Машав бағдарламасының түлегі бола отырып, агенттік пен Израиль елшілігінің 10000 доллар көлеміндегі грантын алған.
— Біз Израильдік Машав бағдарламасының түлектері болғандықтан, грант ұтып алуымызға өте зор мүмкіндік қарастырылған. Бұл жоба Израиль Сыртқы істер министрлігі мен Израиль елшісінің тікелей қолдауымен жүзеге асырылады. Біз университет ретінде тігін шеберханасының базасын ұсынамыз. Университет студенттері де осы жерден тәжірибеден өте алады. Біздің осындай ауқымды жобаларымызға гранттар бөліп, қолдау көрсетіп отырған Израиль мемлекетінің Қазақстандағы елшісіне үлкен алғыс айтқымыз келеді. Бүгінде бұл шеберхана орталығы кішігірім цех болғанымен, алдағы уақытта қарқынды дамып ауқымы ұлғаяды деген сеніміміз мол — дейді университеттің академиялық мәселелер бойынша проректоры әрі жоба жетекшісі Индира Оралханова.
Бұл шеберхана Семейдің мектепке дейінгі мекемелерімен тығыз ынтымақтастықта қарым-қатынас жасауды ойға алып отыр. Тігіншілер өз кезегінде төсек жабдықтарын, арнайы киім мен жеке тапсырыстар тігумен айналыспақ.
Естеріңізге сала кетейік, алты ай бұрын Машав гранты арқасында Семейде «Жарқын Болашақ» орталығында аутизм спектрі бұзылған балаларды оңалтуға арналған спорттық алаң да ашылған болатын. Бұл балалардың жеңіл моторикасын дамытуға бағытталған секциялық интеграция залы. Бұл жобаға да 10 000 доллар көлемінде грант бөлінді.
Абылай МАҚСҰТБЕК
