2019-2021 жылдары Семейге қарасты елді мекендерде 16 сумен жабдықтау нысаны пайдалануға берілген.
2021 жылы Восточный кентіндегі 1200 орындық мектептің және 320 орындық балабақшаның су құбыры жаңартылды.
Жоламан, Холодный Ключ, Кирпичный сияқты шеткі аудандарда да сумен жабдықтау мәселесі шешіліп жатыр. Мамандар жаңа су желілерін тартып қана қоймай, Холодный Ключ ауылының орталық көшелеріне қосымша су колонкаларын орнатады. Дәл осындай жұмыстар Комсомольский, Юность және Ұшақтар кенттерінде де жүргізіледі.
Степной кентінде де су құбыры желілерінің құрылысы жүріп жатыр. Мұнда 300 орындық жаңа мектептің құрылысы аяқталуда. Мектеппен бірге тұрғындар үйлерге де сапалы ауыз су тартылады.
Биыл Водный және Восточный (кварталішілік желілер), Березовский және Бобровка кенттерінде жалпы сомасы 2,6 млрд.теңгеден астам сумен жабдықтау желілерінің құрылысы басталады. Сондай-ақ Мұрат, Половинки және Ақбұлақ ауылдарының тұрғындары да сумен қамтамасыз етіледі. Бұл мақсатта бюджетте миллиардтан астам теңге қарастырылған.
Жалпы, 2022 жылы Семей өңірінде сумен жабдықтау жүйесін салу мен қайта құруға 12,5 млрд.теңгеден астам сомаға қаржыландыру жоспарланған.
БІЗДІ ӘЛЕУМЕТТІК ЖЕЛІЛЕРДЕН ОҚЫҢЫЗ!
