Синоптиктер мәліметінше еліміздің батысында ауа температурасының төмендеуіне себеп болған солтүстік-батыс антициклоны республиканың солтүстік-батыс, солтүстік, орталық аймақтарына одан әрі қарай жылжуын жалғастырады.
Қазақстанның оңтүстік жартысына келер болсақ, мұнда оңтүстік циклон әсерінен жаңбыр жауады, кей жерлерде қатты жауын, найзағай, бұршақ, дауыл болады, желдің күшеюі — 15-20, екпіні секундына 23-28 метр болады.
Об шығанағы аймақтарынан келетін циклонның әсерінен 5 мамырға таяу республиканың басым бөлігінде тұрақсыз ауа райы сақталады, сәйкесінше найзағай ойнап, жаңбыр жауады, желдің жылдамдығы секундына 15-20 метрге дейін жетеді, — делінген хабарламада.
Жалпы республиканың басым бөлігінде мамырдың басында ауа температурасының айтарлықтай төмендеуіне қарамастан, ол ақырындап көтеріледі, аптаның соңына қарай күндіз ауа температурасы 13-25 градус жылы болады. Елдің оңтүстігінде, оңтүстік-шығысында айтарлықтай температура ауытқуы күтілмейді.
