Бегалин атындағы жалпы орта білім беретін мектепте «Жас ұстаздар» бірлестігі де оқу-тәрбие жұмысын жандандыруға үнемі көңіл бөліп келеді. Жас ұстаздар озық тәжірибені үйрене отырып, жақсы нәтежелерге қол жеткізу мақсатында апталықтар,онкүндіктер ,семинарлар ұйымдастыруды басты назарда ұстайды.
Бірлестіктің жасаған жоспарларына сәйкес ашық сабақтарды белгілеген мерзімде өткізу жолға қойылған. Оған « Жас мұраты-білім,тәлім-талабы,өнер — оқу-жастың қару — жарағы » -деген тақырыпта ұйымдастырылған апталық дәлел болады.Бұл бірлестік жетекшісі А.Жұманбаеваның басшылығымен жас ұстаздар өз пәндері бойынша ашық сабақтар өткізіп, өздерінің іс- тәжірибелерін көрсетті.
{jcomments on}Әрине, әр пәннің дұрыс, жаңа технология үрдісімен өткізілуі ұстаздардың өз ісіне жауапкершілікпен қарауымен тығыз байланысты. Апталықта өткізілген ашық сабақтардың нәтижесі салыстырылып, жас ұстаздардың біліктілігі, сабақ беру шеберліктері анықталды. Соның ішінде математика пәні мұғалімі Г.Бокумбаеваның сабағы жоғары бағаланды. Жас ұстаздар сыныптан тыс жұмыстарды жоғары деңгейде ертеңгіліктер, қойылымдар, зияткерлік сайыстар ұйымдастырды.
Апталықтың қорытындылау барысында жас ұстаздар қорытынды сәтте тағы бақ сынады. «Жас маман және ақпараттық технология» атты соңғы сайыста өз шеберлігімен тарих пәнінің мұғалімі Б.Мұхамедиева 1 орынды иеленді.
Мектептің ғылыми- әдістемелік ісі жөніндегі орынбасары А.Мандиева апталықта сабақ барысында жіберілген кемшіліктерге тоқталды. Оны жою мақсатында тиісті әдістемелік нұсқаулар берді.
БІЛІМ НЕГІЗІ- БАСТАУЫШТА
Педагог мамандардың кәсіби деңгейін ұдайы көтеріп отыр, олардың теориялық білімі мен әдістемелік білігін үздіксіз жетілдіру,оқытудың озық іс тәжірибелерімен қаруландырып,шығармашылық жұмысына жол көрсету- білім беруді ұйымдастырудың маңызды жақтарының бірі.Басты мақсат-білім жетілдірудің бірізділігін қамтамасыз ете отырып,оның сапасын арттыру.Әрине, жаңаны іске асыруда басты іс мұғалімдерге жүктелетіні белгілі.
Өз жұмыстарын бүгінгі күннің талабына орай ұйымдастыра білетін, педагогикалық әдіс-тәсілдерді меңгерген ұстаздарымыз оқушылармен жүйелі жұмыс жүргізуге баса көңіл бөліп келеді.
Пән бірлестіктері бойынша да нақты істер ұйым-дастырылуда. Ашық сабақтар,сыныптан тыс жұмыс-тар, ертеңгіліктер,олимпиадалар, интеллектуалды сайыстар қойылымдар жиі өткізіліп тұрады. Мұның өзі оқушылардың өз бетімен ізденуіне, жеке дайындалуына, өзінше ой қорытуына, кітапханамен байланыс жасауына да ықпалын тигізеді.
Жақында «Адам мен табиғаттың тілдескені-білімнің адаммен үндескені» атты бастауыш сыныптар онкүндігі өтті. Ұстаздарымыз Г.Шыныбаева, Т.Қасымбекова, Г.Жүнісова, П.Шыныбаева, М.Досжановалардың ашық сабақтары жоғары деңгейде ұйымдастырылды. Сыныптан тыс жұмыстар да жоғары деңгейде ұйымдастырылған еді.
Онкүндікті қорытындылау барысында тәлімгер П.Шыныбаеваның және сынып жетекшілерінің ұйымдастыруымен «Абыралы ақындары жырлайды» атты мәнерлеп жатқа оқудан сайыс өтті. І сайыс II бөлімнен тұрады.І бөлім барысында оқушылардың өз шығармашылығы, яғни, өздерінің шығарған өлеңдерін оқудан І орынды 4 «А» сынып оқушысы Е.Үкертаев иеленсе, ІІ бөлім Абыралы ақындары өлеңдерін жатқа мәнерлеп айтудан І орынды 4 «А» сынып оқушысы А.Қанатов иеленді.
Ұрпақ тәрбиесі мен білім беру жолында аянбай еңбек етіп жүрген ұстаздарымыз әлі де жаңа технология үрдістерін меңгеріп, оны өздерінің сабақтарына пайдалана бермек.
Перизат ШЫНЫБАЕВА, Қайнар ауылы
