Семей қаласындағы қаржы-экономикалық колледжінде орналасқан №259 сайлау учаскесіне келушілер саны сағат сайын артып келеді. Сайлау учаскесінің референдум комиссиясы төрағасы Думанғазы Арғынғазиннің айтуынша, аталмыш учаскеде жалпы саны 1238 дауыс беруші тіркеліпті. Учаскедегі дауыс беру заң талаптарына сай өтуде, — деп хабарлайды ABAI AIMAQ MEDIA, Semeytany.kz ақпараттық порталы.
Байқағанымыз келушілер саны сәт сайын артып келеді.
— Таңғы сағат 7:00-ден бастап жұмысқа қызу кірістік. Заң бұзушылық әрекеттер тіркелген жоқ. Сондай-ақ өздерін тізімнен таба алмаған тұрғындар да болған жоқ, — дейді бұл сайлау учаскесінің бақылаушысы Нұрлан Сләмханов.
Келушілер арасында зейнеткерлердің қарасы мол екендігі байқалады. Сондай-ақ алғаш рет дауыс беруге келген жастар да бар. Қол ұстаса келген жас жұбайлар да бүгінгі күн еліміз үшін ең маңызды күн деп есептейді, сондықтан ертеңі үшін жалпыхалықтық референдумға қатысып, таңдау жасауға келгендерін айтады.
Барлық учаскелер кешкі сағат 8:00-де ғана есігін жабатын болады. Оған дейін барлық тіркелген азаматтар дауыс беріп үлгереді деген үміт бар.
ABAI AIMAQ MEDIA
