Қазақстанда жаңа Экологиялық Кодекстің шығуына байланысты Семейде қоқыс шығару тарифін өсіру мәселесі қарастырылуда, – деп хабарлайды Semeytany.kz ақпараттық порталы Abai Aqparat.kz сайтына сілтеме беріп.
«Қазіргі тариф 2019 жылы қалалық мәслихат шешімімен бекітілген. 2021 жылы қолданысқа енген жаңа экологиялық кодекске сәйкес, қазіргі тарифке қоқысты өңдеу және сұрыптау кірмейді. Тарифті әзірлеу барысында әр қоқыс шығаратын компанияның алғашқы құжаттарынан бастапқы деректер алынды. Қалалық мәслихат жаңа тарифті бекіткен жағдайда, тарифті өсіру он күн ішінде жүзеге асырылады. Шағымдарға келетін болсақ, әрине, қалада қоқыс шығару компанияларының жұмысында іркілістер бар, себебі оларда кадрлардың жетіспеушілігі байқалады, бұл өз кезегінде жұмыс барысына әсер етеді. Шағымдармен жұмыс жүргізудеміз, барлық сұрақтар бақылауда. Егер, сәйкесінше тариф өсетін болса, жұмысшы мәселесі де шешіліп, жұмыс қалыпты жүргізіледі», – деді қалалық ТКШ бөлімі коммуналдық сектордың меңгерушісі Құралай Дюсенбаева.
Қалалық ТКШ бөлімімен қарағандылық «Ерай-сервис» ЖШС келісім жасалды, Семей қаласы бойынша қатты тұрмыстық қалдықтарды сұрыптау және көму, оларды жинау және тасымалдау үшін жаңа тариф әзірленді. Көппәтерлі тұрғын үйлер үшін, ай сайын 1 адамға тариф – 475,14 теңгені құрайды. Жеке секторлар үшін, айына 1 адамға – 553,22 теңге. Жеке тұлғалар және заңды тұлғалар үшін, айына 1 м3 – 2676,86 теңге.
Әзірге тарифтің өсуі түсініксіз. 15 маусымда Семей бойынша қоқыс шығару тарифін бекіту туралы мәслихат шешімінің жобасы келісу үшін Іділет министрлігіне жолданды. 20 маусымда жоба оң келісімін алды, содан кейін 20 маусымда мәслихаттың қарауына жолданды. Тарифтің одан арғы «тағдырын» қалалық мәслихат депутаттары 24 маусымда өтетін отырыста шешеді.
Ұазіргі уақытта Семейде қоқыс шығаратын жеті ұйым жұмыс істеуде. ҚТҚ полигонына тоқталатын болсақ, қазіргі уақыттта қоқыс өңдеу зауыты бар ҚТҚ полигоны құрылысының жобалық-сметалық құжаттамасы әзірленді. Бюджеттік сұраным жіберілді, бірақта әлі қаражат бөлінген жоқ. Конкусрта әлі жарияланған жоқ.
