Президент әкімшілігінің келісімі бойынша Абай облысының әкімі Нұрлан Ұранхаевтың өкімімен облыс әкімінің аппарат басшысы лауазымына Жасұлан Бірлікұлы Сәрсебаев тағайындалды.
Жасұлан Сәрсебаев 1986 жылы бұрынғы Семей облысы, Аягөз қаласында туған. Әлихан Бөкейхан университетін тәмәмдаған.
Еңбек жолын 2006 жылы бастаған. Жас заңгерлер қауымдастығының Семей қалалық филиалын басқарған. ШҚО ішкі саясат басқармасының саяси партиялар және діни бірлестіктермен байланыс жөніндегі бөлім басшысы болды.
2012 жылдан Шығыс Қазақстан олблысының жастар мәселелері жөніндегі басқарманы басқарды.
ШҚО ішкі саясат басқармасы басшысының орынбасары, туризм және сыртқы байланыстар басқармасының басшысы, ШҚО әкімінің аппарат басшысы, ШҚО жұмыспен қамтуды үйлестіру және әлеуметтік бағдарламалар басқармасының басшысы болды.
Жаңа тағайындауға дейін Шығыс Қазақстан облысының ішкі саясат басқармасының басшысы қызметін атқарды.
