Абай облысының әкімі Нұрлан Ұранхаев арнайы жұмыс сапарымен Көкпекті ауданына келді. Аймақ басшысы әуелгі кезекте аудандық әкімдіктің мәжіліс залында аудан активімен кездесті.
Жиынға аудандық мәслихат депутаттары, ауылдық округтер әкімдері, шаруа қожалықтары басшылары, кәсіпкерлер, ардагерлер қатысты.
Кездесу барысында Абай облысының әкімі Нұрлан Телманұлы көкпектіліктерді Абай облысының құрылуымен, Көкпекті ауданының қайта бөлінуімен құттықтады.
Сондай-ақ, «Қазақстан Республикасындағы жергілікті мемлекеттік басқару және өзін-өзі басқару туралы» Заңына сәйкес, аудандық мәслихат депутаттарының келісімімен Абай облысы Көкпекті ауданы әкімінің лауазымына тағайындалған Ділдәбек Тәжібайұлы Оразбаевты таныстырды.
