Абай облысының әкімі Нұрлан Ұранхаевтың Көкпекті ауданымен таныстығы Балалар шығармашылық сарайымен (бұрынғы Құмар Раев атындағы балалар үйі) басталды. Онда мекеме директоры Асқар Сүлейменов жаңа ғимаратпен және Балалар шығармашылық сарайының жұмысымен таныстырды.
Аталған балалар үйі тәрбиеленушілер санының күрт азаюына байланысты 2016 жылы жабылған еді. Өткен жылы ғимарат ШҚО білім басқармасы теңгерімінен Көкпекті ауданының мәдениет және тілдері дамыту бөлімінің теңгеріміне берілді. Осылайша биылғы жылдың мамыр айында ғимарат қолданысқа берілді.
Облыс әкімі Нұрлан Тельманұлы мен жаңадан тағайындалған Көкпекті ауданының әкімі Ділдабек Тәжібайұлы балалар үйірмелеріне арналған арнайы кабинеттерді аралап, жабдықталуымен танысып шықты.
