Президент Қ.К. Тоқаевтың бастамасымен жаңадан құрылған Абай облысына менің 10 күндік жұмыс сапарым басталды.
Бүгін облыс орталығында, ертең Курчатов қаласында бірнеше кездесу өткіземін. Содан кейін, кестеге сәйкес Ақсуат, Көкпекті, Катонқарағай (ШҚО) аудандарында және қайтадан Семейде тұрғындармен кездесулер жоспарланған.
Сапар аясында бюджеттік ұйымдар ұжымдарымен, жұртшылықпен, партия активімен кездесулер өтеді, азаматтарды жеке қабылдаймын, салынып жатқан және проблемалық нысандар құрылысымен танысамын.
Осы сәтті пайдалана отырып, жоғарыда аталған басқосуларда Абай облысының болашағы толғандыратын белсенді, бастамашыл азаматтарды және барлық кездесуге қатысуға ниет білдірушілерді көргім келеді. Олардан өңір тұрғындарының өмір сүру сапасын жақсарту мен елді мекендерді абаттандыру және басқа да мәселелерді шешу бойынша ұсыныстарды да күтемін, — деді ҚР Парламенті Мәжілісінің депутаты Әмірхан Рахымжанов фейсбук парақшасында
