Қазақстанда КВИ науқастарының саны артып келе жатыр. Елімізде соңғы тәулікте бұл инфекцияны 360 адам жұқтырды.
Абай облысында инфекцияны жұқтырғандар саны салыстырмалы түрде көп болмаса да сарапшылар қауіпті инфекцияны емдеуден гөрі инфекциядан қорғану әлдеқайда тиімді екенін айтады. Алайда халық өз денсаулығын қорғауға асықпайды.
Сондықтан Абай облысының әкімі КВИ-дің жаңа толқынын болдырмау үшін қайта вакцинациялауға шақырды.
Дәрігерлер КВИ-ға қарсы вакцинацияның толық курсын қайталауды талап етеді. Жақын арада облысқа QazVac вакцинасының 18 мың дозасы келеді.
Қалалық денсаулық сақтау ұйымдарының мәліметтері бойынша, бүгінде КВИ науқастарын қабылдау үшін жеткілікті резерв бар. Мысалы, Семей жұқпалы аурулар ауруханасында 70 төсек орын бар, оның 12 – і реанимациялық. 2020 жылы 469,4 млн. теңгеге жаңа жабдықтар сатып алынды. КТ аппараты, рентген аппараты және 16 ӨЖЖ аппараты сатып алынды. Барлығы 216 оттегі баллоны, 341 оттегі магистралі, 5 оттегі станциясы бар. Қазіргі уақытта Семей қаласының қан орталығында пайдалануға дайын иммундық плазманың 808 дозасы сақталуда.
Семейде қайта ревакцинациямен халықтың 19,5% ғана қамтылған. Бұл 9134 адам. Аудандарда-тиісінше 14,8% немесе 7204 адам. Салыстыру үшін, бірінші компанияға 270 003 семейлік және 187 749 аудан тұрғындары егілді.
«Бұл мәселе тек денсаулық сақтау саласына ғана қатысты емес. КВИ таралуына жол бермеу және аурудың ықтимал өсуіне дайын болу үшін облыстық жұмыс тобын құру қажет. Бүгінгі күні вакцинация — коронавирустың ауыр зардаптарынан қорғанудың жалғыз жолы», — деп мәлімдеді Абай облысының әкімі Нұрлан Ұранхаев.
