Семейдегі жол жөндеу жұмыстары белсенді жүргізілуде. Жолаушылар көлігі және автомобиль жолдары бөлімінің ақпараты бойынша, биыл ұзындығы 60,2 шақырым болатын қаланың 62 көшесін орташа жөндеуден өткізу жоспарланған.
Бүгінгі күндері Шәкәрім даңғылындағы тротуарлар ағымдағы жөндеуден өтіп жатса, Қабанбай батыр көшесіндегі жиектастар ауыстырылуда. Сонымен қатар Қаржаубайұлы тұйық көшесінде грейдерлеу жұмыстары жүргізіліп жатса, Энергетик шағын ауданында кварталішілік жолдарды орташа жөндеу жұмыстары аяқталуда. Жуырда қала басшысы Бақытжан Байахметов осы көшелерде атқарылып жұмыстардың барысымен танысып қайтты.
Қазіргі уақытта жалпы ұзындығы 14,2 шақырым болатын 19 көшеде: Восточная, Сәтпаев, Тұқтыбаев, Толстой, Бегалин (Қаржаубайұлы көшесінен Пархоменко көшесіне дейін), Пархоменко, Қабылбаев көшелерінде, Шугаев көшесі, 162 «А» мекенжайы бойынша өрт сөндіру бөліміне кіреберіс жолдар, сондай-ақ Аймауытов, Челюскинцев, Мәңгілік Ел, Пржевальский, Байсалықов, Чехов, Бегалин (Дастенов көшесінен Челюскинцев көшесіне дейін) көшелері, Энергетик шағын ауданы жолдары, Жангелдин, Қабылбаев (Шугаев көшесінен Жангелдин көшесіне дейін), Ибраев көшелерінде жол жөндеу жұмыстары аяқталды.
Сол жағалаудағы жолдарда орташа жөндеу жұмыстарын жүргізу бойынша конкурстық рәсімдер өткізілуде. Қаланың орталық бөлігінде орташа жол жөндеу жұмыстары бойынша конкурс қайта жарияланады.
Асфальттаудан басқа, биыл жалпы ұзындығы 30 шақырым құм-қиыршық тас қоспасын себумен қаланың 38 көшесін грейдерлеу жоспарланған. Ағымдағы жылдың 11 шілдесіндегі жағдай бойынша, жөндеу жұмыстары 16 көшеде жүргізілді: Ұшақтар кенті, Новостройка көшесі, Суық бұлақ кенті (Цветочная көшесі, Школьная көшесі, Чарская көшесі), Байсалықов, Бегалин кшесі, Засядко көшелері, Бобровка кентінде (2-тұйық көше, Строительная көшесі), Энергетик шағын ауданынан Сеченов көшесіндегі жаңа үйлерге дейінгі аумақта жол жөндеу жұмыстары жүргізілді. Қазіргі уақытта Қаржаубайұлы тұйық көшесі жөнделіп жатыр.
Сондай-ақ қала көшелерінде (ұзындығы — 3650 б.м.) жиектастарды, ескі жол жиектерін ауыстыру (ұзындығы — 2000 б.м.) жұмыстары жүргізілуде, Қабанбай батыр көшесінде жаңа жол жиектері (1800 б.м.) орнатылуда.
Қаланың 7 көшесіндегі (Мәңгілік Ел, Дулатов, Беспаев көшелері, Шәкәрім даңғылы, Момышұлы көшесі, Восход кенті (№34 ЖОМ), Қабанбай батыр көшесі) тротуарларға ағымдағы жөндеу жұмыстары жалғасуда. Жалпы ауданы 6532 шаршы метр болатын жұмыстар орындалды. Қазіргі уақытта Шәкәрім даңғылы мен Восход кентінде (№34 ЖОМ) жөндеу жұмыстары жүргізілуде.
— Биылғы жылы ескі тротуарларды қайта жөндеу, жаңа жиектастар орнату, негізді тегістеу және асфальтты толық төсеу жұмыстары жүргізілуде. Жұмыс 15 мамырда басталған. Біз қазірдің өзінде жөндеу жұмыстарын аяқтап жатырмыз. Соңғы көше қалды. Жалпы, жұмыстар 7 көшеде жүргізілді. Қазірдің өзінде 7 мыңнан астам шаршы жол жөнделді. Міне, бүгін Шәкәрім даңғылында жұмыс істеп жатырмыз. Бұл біздің жөндеу жұмыстарын жүргізетін соңғы учаске. Аталған аумақтың сол жағында орналасқан жиектастарды жөндейтін боламыз, ал оң жағында жиектастар мүлдем жоқ, біз оны қайта жөндейтін боламыз. Бір апта ішінде аяқтаймыз деп ойлаймын, — деді мердігер ұйымдардың бірінің басшысының орынбасары Найман Атабаев.
Семей қаласының әкімі Бақытжан Байахметов аталған учаскелерде орындалатын барлық жұмыстарды тексеріп, олардың ұзақ мерзімді қызметі үшін пайдаланылатын материалдарының сапасы маңызды екенін атап өтті.
Барлық жол жұмыстары белгіленген мерзімде аяқталуы тиіс.
Семей қаласы әкімінің баспасөз қызметі
