Ұлыбританияда ер адам көзін сәтсіз жұмғаны үшін бір жылға жуық уақытқа көру қабілетінен айырылды, деп хабарлайды Stan.kz ақпарат агенттігі.
Бұрынғы есепші, 67 жастағы Роберт Грэм әдеттегі жұмыс күнінде көрмей қалғанын айтты.Ол кеңсесіне бара жатып, бір сәтте бетіне күн сәулесі түскендіктен, көзін жұмып қалады. Бұдан кейін ер адам көзін ашуға тырысады, алайда қанша әрекеттенсе де, бәрі бекер болады.
Грэм қолымен қабағын көтеріп, әрең дегенде жұмысына жетеді. Кеңседе ол көп уақытын көздерін жұмып, кейде оларды қолдарымен ашып өткізеді. Қиындықтарға қарамастан, ер адам көңілін түсірмей, бұл уақытша қолайсыздық деп сенді. Жұмыстан кейін ол мезгіл-мезгіл қабағын қолдарымен көтеріп, жолдың көп бөлігін жанасу арқылы жүріп өтеді.
Келесі күні таңертең Грэм көздерін аша алды, бірақ бірнеше сағаттан кейін қабақтары қайтадан жабылып, ол ештеңе істей алмады. Дәрігер оған көз тамшыларын тағайындады, бірақ ем көмектеспеді. Оның көздері әрең ашылды, сондай-ақ олар суланған, әсіресе жарықта. Жел де оған ыңғайсыздық тудырды, оның әсерінен қабақтары жабылып, қолдың көмегінсіз ашу мүмкін емес болып қалады.
Грэм бірнеше ай бойы жабық қабақпен жүруге мәжбүр болды. ООл шам бағанасына соқтығысқаннан кейін дәрігерге тағы баруға шешім қабылдайды. Бұл жолы ер адамға блефароспазм диагнозы қойылды – көздің дөңгелек бұлшықетінің еріксіз жиырылуы, бұл қабақтың ұзақ спазмодикалық жабылуына әкеледі. Спазм көз жасын шақырып, онда құм тұрған сияқты сезім тудырады.
Ер адамға көз бұлшықеттерін босаңсытатын инъекция курсы тағайындалды. Сонымен қатар, әр екі-үш айда Грэм қабақтарға және көз айналасына 15-16 ботокс инъекциясын жасауы керек.
