Мемлекет басшысы Қасым-Жомарт Тоқаевтың Үкіметтің кеңейтілген отырысында көтерген мәселелерінің бірі — инфляцияны тұрақтандырудағы қазақстандық экономикалық ахуал. Бұл ретте Үкімет пен Ұлттық Банкке ел экономикасының тұрақты дамуын қамтамасыз етуде біршама тапсырмалар берілгені баршамызға аян. Маңыздысы — азаматтардың нақты табысын арттыру. Алайда, өңірлік дағдарыстың созылмалы жағдайда екендігін ескерсек, жаһандық тоқыраудың орын алуы да әбден мүмкін.
Әлемдегі күрделі жағдайларға қарамастан, елімізде Мемлекет басшысының тапсырмасымен бірқалыпты дамуға мүмкіндік беретін шаралар жүзеге асырылып жатыр. Ел картасында жаңа облыстар мен аудандар пайда болды, енді осы өңірлерде жаңа жұмыс орындары ашылып, халықтың тұрмыс деңгейі жақсара түседі деген сенімдеміз.
Менің ойымша, әлемдік пандемия көрсеткендей, ешкімге тәуелді болмай өмір сүруге мүмкіндік беретін сала – ауылшаруашылық саласы, осы саланы өркендету үшін ішкі өнім өндіруді ретке келтіріп, ішкі нарықты ауылшаруашылық өнімдерімен қамтамасыз ету керек. Сондықтан қазақстандық геоэкономикалық ерекшелігімізді ескере отырып, шаруа қожалықтарын дамытуға үкімет тарапынан үлкен көңіл бөлініп, ауылшаруашылық тауарларын өндірушілерге қолдау көрсету керек.
Арайлым ОРАЗҒАЛИЕВА
Шәкәрім университеті Әлеуметтік мәселелер
және жастар саясаты департаментінің директоры,
PhD докторы, қауымдастырылған профессор.
(фейсбуктегі парақшасынан алынды)
