Облыс әкімі Нұрлан Ұранхаев Семей қаласындағы «Солтүстік» сауда-логистикалық орталығының жұмысымен танысты. Аталмыш аумақта демалыс күндері ауыл шаруашылық жәрмеңкесі өткізіледі. Болашақта мұнда «Энергетик» және «Қарағайлы» шағын аудандарының тұрғындары үшін халық тұтынатын тауарларды сату бойынша гипермаркет ашу жоспарлануда.
Логистикалық орталықтың өкілдері бірқатар проблемаларды атап өтті. Мысалы, кейбір тұрғын аудандарға апаратын көлік жолдарының жоқтығы өнімдерді саудалауда қиындықтар тудырады.
Өңір басшысы азық-түлік және азық-түлік емес тауарларды сақтауға және таратуға арналған «Jolaman» көтерме-тарату орталығында да болды. Бағаны ұстап тұру үшін мұнда 5,5 мың тонна картоп пен көкөніс сақталады. Негізгі көтерме қойманы сақтау аймағына бөлу бойынша монтаждау жұмыстары аяқталды. Мал сою цехы қайта құрылды, электр беру желісі салынды.
Облыс әкімі кәсіпкерлердің өтініш-тілектерін тыңдап, салалық басқармаларға бірқатар тапсырмалар берді.
Абай облысының әкімдігі
