Бүгін Абай ауданы Тоқтамыс ауылында елдің келешегіне қызмет ететін, өскелең ұрпаққа тағылым мен өнеге беретін айшықты шара орын алды. Жергілікті кәсіпкер Әбділдин Ақанның демеушілігімен, ұрпақ болашағына қызмет ететін жаңа мешіт бой көтеріп, имандылық пен ізгіліктің үндеушісі, жаңа ғибадат ордасы «Құрман» мешіті ел игілігіне пайдалануға берілді.
Салтанатты ашылу рәсіміне аудан әкімі Нұржан Оразбекұлы қатысып, ауыл тұрғындары мен қонақтарын құттықтап, Ақан Құрманұлына өз атынан және ел атынан алғыс білдірді.
Игілікті шара ұлттық спорт ойындарымен жалғасып, Әбділдиндер әулеті жеңімпаздарға қаржылай және мотоцикл мен автокөлік табыс етті.
Сонымен қатар, ауыл имамына да әулеттің атынан автокөлік сыйлады. Адамшылықтың озық үлгісін көрсетіп, таудан да биік игілікті іс жасаған Ақан Құрманұлына ауыл жұртшылығы ризашылықтарын білдіріп, алғыстарын айтты.
