Аңыздар елі! Абыздар елі! Махаббат елі!
Мұқағалидың тілімен айтсақ, «Жұрттарда қалған
жұмбағы» көп қасиетті мекен. Ел бастаған
көсемдердің, сөз бастаған шешендердің, қол
бастаған батырлардың мекені.
Жасыратыны жоқ, тоғыз жолдың торабына
орналасқан Аягөзге Шұбартау ауданы қосылғаннан
бері сыры көп мекеннің атына айтылатын сын
да көбейіп кетті… Әсіресе Аягөз бен Баршатас
арасындағы жөндеу күткен жол мәселесі — біздің
әріптестеріміз тарапынан жазыла-жазыла жауыр
болған тақырып. Соңғы жылдары біраз мәселе
шешімін тапқан сыңайлы. Дегенмен оңтайластыру
саясаты бұл өңірге айтарлықтай оң әсерін тигізді
деп айту артық болар…
1971 жылы Семей облысы Шұбартау
ауданының мектеп бітіруші жастарының қой
шаруашылығына келуге шақыруы Одақ көлеміндегі
озық бастамалардың бірі болды. Қой өсіруші комсомол-жастар бригадалары жаппай құрылды. Мал
шаруашылығын ұйымдастырудың бұрын болмаған
түрлері дүниеге келді. Компартия жастардың алдына қой санын 50 млн-ға жеткізуді мақсат етіп қойған
болатын. Қазір сол ұлттық кәсіпті өркендету жолында үлгі болған өңірдің бірқатар ауылдары урбанизация үрдісінің құрбаны болды… Ал соңғы деректерге сүйенсек, Шопан ата түлігінің басы көбеймей,
керісінше, азайып кеткен.
А у д а н н ы ң
бүгінгі әкімі
— СЕЙІЛБЕК
А Б Ұ Й Ы Р Ұ Л Ы
ЫСҚАҚОВ, 1963
жылы 26 мамырда бұрынғы
Семей облысы
Шұбартау ауданы
Қосағаш ауылында дүниеге келген.
Семей зоотехникалық-малдәрігерлік институтын, «Мал дәрігері» мамандығы бойынша, 2009
жылы Орталық Азия университетін «Заңтану»
мамандығы бойынша тамамдаған.
Семей облысы Шұбартау ауданы Сарықамыс
қой өсіру совхозында мал дәрігері, совхоздың №3
фермасының веттехнигі, ферма меңгерушісі, қой
өсіру бригадасының бригадирі, бас мал дәрігері,
бас зоотехник, «Шағырай» ЖШС директоры,
Бидайық ауылдық округінің мал дәрігері, ауылдық
округ әкімі сияқты қызметтерді атқарып, 2006
– 2010 жылдары Аягөз қаласының әкімі, 2010 –
2016 жылдары Аягөз ауданы әкімінің орынбасары, 2016-2020 жылдары Аягөз аудандық мәслихат
хатшысы болды. 2020 жылдың 14 тамызынан бастап Аягөз аудының әкімі.
Байқап отырған боларсыздар, қызмет
баспалдақтары төменнен жоғарылаған.
Сейілбек Абұйырұлы басшылыққа келгеннен бері
бұл өңірдің қордаланып қалған біраз мәселесі
шешілген сыңайлы. Ақтоғай сияқты кен байыту
кәсіпорны бар өңірдің облыс бойынша бюджетке қосар үлесі де қомақты. Жергілікті халықтың
пікірінше, бүгінгі әкім Шұбартау ауданының тумасы болғандықтан ел мен жер жағдайын жақсы
біледі. Халықпен тіл табысып жұмыс істеуінде
мін жоқ сияқты.
