Семей қаласына биылғы жылдың алты айында 50 млрд теңге инвестиция бөлінді. Бұл туралы қалалық әкімдікте өткен Семей қаласының бас жоспарын іске асыру барысы талқыланған жиында айтылды.
Қаланың бас жоспары Қазақстан Республикасы Үкіметінің 2011 жылғы 25 маусымдағы №707 қаулысымен бекітілген. Бұл жоспар негізінде қаланың оң және сол жағалау бөліктерін егжей-тегжейлі жоспарлау жобалары әзірленіп, белгіленген тәртіппен бекітілді. Қаланың оң жақ жағалау бөлігінде 5 аудан — орталық бөлік, 2-орталық бөлік, 35, 40, 342, 343, 352-ші кварталдар, Солтүстік және Қарағайлы тұрғын аудандары, сол жағалау бөлігінде 4 аудан — Юность шағын ауданы, Новостройка ауданы, Цементный кенті, 14, 15-тұрғын аудандары, Суық бұлақ, Кирпичный, Жоламан кенттері қамтылған. Қала маңындағы аумақтарда жалпы ауданы 4574,2 гектар болатын 12 тұрғын үй алабы анықталды, бұл — жеке тұрғын үй құрылысын жүргізуге арналған 17543 жер учаскесі мен әлеуметтік мақсаттағы нысандар. Жеке тұрғын үй құрылысына арналған аумақтарды игеру үшін инженерлік-коммуникациялық инфрақұрылымды (сумен жабдықтау, электрмен жабдықтау) жүргізу жұмыстары 3 кезеңге бөлінген. Бірінші кезең — Ұшақтар және Комсомол тұрғын алаптары, іске асыру мерзімі — 2019-2021 жылдар аралығы; екінші кезең — Ақсай тұрғын алабы, іске асыру мерзімі — 2022-2023 жылдар аралығы; үшінші кезең — 9 тұрғын алабы: Суық бұлақ, Бобровка кенті, Жарқын, Ақ қайың, Жібек Жолы, Кіші Ақтөбе, Степной кенті, Красный кордон және Водный кенттері. Іске асырылу мерзімі 2023-2030 жылдар аралығына жоспарланған. Бұған қоса, Шүлбі кенті, Приречный, Озерки, Прииртыш, Мұқыр, Новобаженово және Қайнар ауылдарының құрылысын дамыту сызбасы (бас жоспар) әзірленді. Қаланы толық қамту үшін Шығыс кенті, Дальний ауданы, Березовский, Контрольный, Мирный кенттері, Былғары-тері зауыты, Пристань, Революция күрескерлері аудандары, Силикат кенті, Нахаловка және Бейбітшілік аралының егжей-тегжейлі жоспарлау жобасын әзірлеу қажет. Сондай-ақ ауылдық округтерге қарасты 23 ауылдың және Шаған кенті аумақтарының құрылысын дамыту сызбаларын (бас жоспарларын) әзірлеу қажет. Өткен мамыр айында Шығыс оң жақ және Шығыс сол жақ саяжай алаптарының егжей-тегжейлі жоспарлау жобаларын әзірлеу жұмыстары басталды. Қараша айында бекітіледі деп күтілуде. Бүгінгі күні қаланың сол жағалау мен оң жағалау бөліктерінде оң жақ бұрылыстар жасалған көшежол желісін түзету, автомобиль жолдарының санаттарын өзгерту қажеттілігі туындап отыр. Бұдан басқа аудандарды инженерлік коммуникациялармен қамтамасыз ету бойынша егжей-тегжейлі жоспарлау жобасына өзгерістер енгізу қажет, атап айтқанда жылу желілерін, сумен және электрмен жабдықтауды қайта қарау және есептеу керек. Қазіргі күні жұмыстар жүргізіліп жатыр, қараша айында аяқталуы тиіс. Бүгінде Қарағайлы тұрғын ауданында құрылыс жұмыстары белсенді жүргізілуде. 11 бюджеттік үй салынуда, 24 коммерциялық тұрғын үйдің құрылысы қолға алынды. Көпқабатты тұрғын үйлердің 38 жобасы әзірленді, 27 жоба дайындалу үстінде. 150 орындық оңалту орталығының құрылысы жүргізіліп жатыр. Бірінші жарты жылдықта шағын аудандағы құрылыстың жалпы көлемі 13 986 шаршы метрді құрады. Биыл 81 990 шаршы метр жеке тұрғын үйді пайдалануға беру жоспарланған Бірінші жарты жылдықтың қорытындысында әлеуметтікэкономикалық дамудың негізгі көрсеткіштері бойынша да оң динамика байқалады. Өнеркәсіп өнімінің көлемі 201,3 млрд теңгеге жетті, бұл көрсеткіш өткен жылдың деңгейінен 72 млрд теңгеге, немесе 55,7% — ға жоғары. Алайда жеңіл өнеркәсіпте өткен жылғы деңгейге қарағанда өндіріс көлемі 25,7%-ға төмендеді. Жыл соңына дейін өндіріс көлемін арттыру жоспарлануда. Өңдеу саласында 18,2 млрд теңгеге 9 жоба іске асырылады. Агроөнеркәсіптік кешенде өткен 6 айда ауыл шаруашылығы жалпы өнімінің көлемі 59,3% — ға өсті. Ет өндірісі 45% — ға, сүт – 5% — ға, жұмыртқа — 74,7% — ға артты. Өткен жылмен салыстырғанда, мал басы да өсіп отыр. Жыл қорытындысы бойынша өнім көлемін 58 млрд теңгеге, немесе 2021 жылғы деңгеймен салыстырғанда 112,1% — ға жеткізу көзделуде. Сондай-ақ 6 айда қалаға шамамен 49,9 млрд теңге инвестиция тартылып, өткен жылғы кө р с ет к і ш п е н салыстырғанда 18,1% — ға өсті. Жыл қорыт ы н д ы с ы бойынша инвестициялар көлемі жоспардағы 130 млрд теңгенің орнына 114,5 млрд теңге болады деген болжам бар. Инвестицияның жылдық нақты көлем индексін 100% — ға дейін жеткізу үшін қосымша 2,5 млрд теңге, жоспар-тапсырманы орындау үшін 15,5 млрд теңге жеке инвестиция қажет. Семей қалалық әкімдігінің баспасөз қызметі
