Глубокое
Елімізде азаматтық қорғаныс қызметкерлері жылыту маусымы кезіндегі жеке тұрғын үй секторларындағы өрт оқиғаларының алдын алуға бағытталған іс-шаралар өткізуде. Осы ретте Глубокое ауданының төтенше жағдайлар мамандары да 1 тамыздан бастап рейдтер ұйымдастырып, әлеуметтік осал топтарға жататын көп балалы және аз қамтылған отбасылардың, зейнеткерлер мен мүгедектердің үйлерін аралауда.
Өрт оқиғалары көбінесе өрт қауіпсіздігі тиісті деңгейде қамтамасыз етілмеген тұрғын үйлерде орын алып жатады. Өткен аптада ТЖБ қызметкерлері 18 тұрғын үйде болып, отбасы мүшелерімен әңгіме өткізді. Пештiң және электр, газ құрылғыларының жағдайын тексеріп, оларды қолдану ережелерін түсіндірді. Өрт қауіпсіздігін сақтамау қайғыға, орны толмас үлкен шығынға алып келетінін тағы бір мәрте тұрғындардың есіне салып, өрт қауіпсіздігі талаптарын бұзу жағдайлары анықталған үйлерде оны түзету жолдарын түсіндірді. Мамандар пештер мен түтін мұржаларын жылыту маусымы басталар алдында, сондай–ақ жылыту маусымы кезінде күйеден тазарту керектігін және басқа да сақтық шараларын атап өтіп, пеш жабдықтарын жылыту маусымына осы бастан дайындауға және өрт қауіпсіздігі талаптарын сақтауға, әр кез қырағы болуға шақырды. Өрт шыққан жағдайда 101 немесе 112 телефонына қоңырау шалу қажеттігін де ескертті.
Глубокое ауданының ТЖБ
