Абай облысының Аягөз ауданында Мемлекет Басшысы Қасым-Жомарт Тоқаевтың 2025 жылға дейін 2 400 МВт-тан кем емес жаңартылатын энергия көздерін іске қосу жөніндегі тапсырмасын іске асыру аясында қуаты 100 МВт «Абай-1» жел электр станциясы (ЖЭС) іске қосылып, энергия көзі өндіріле бастады.
Жобаны іске асыру жаңартылатын көздерді жалпы энергия жүйесіне белсенді интеграциялаудың жалғасы болып табылады. Ол желіде шамамен 300 млн кВт/сағ қосымша электр энергиясын беруге мүмкіндік береді. 2021 жылы Абай облысының Жарма ауданында қуаттылығы жылына 30 МВт жел электр станциясы пайдалануға берілді. Жоба аясында 17 электр қондырғысы орнатылды.
