Абай облысы Аягөз ауданы Бозай ауылы маңынан сақтар кезеңіне жататын қорым табылды. Археологтардың сөзінше, қорымды бұған дейін біреулер тонап үлгерген, — деп хабарлайды Semeytany.kz ақпараттық порталы 24.kz сайтына сілтеме жасап.
Әл-Фараби атындағы қазақ ұлттық университетінің археологтары қорымнан адамның шашылған сүйектері мен алтын әшекейлердің қалдығын тапты. Экспедиция мүшелерінің болжамынша, биіктігі 3, диаметрі 30 метрден асатын қорғанда ерте темір дәуірінде, яғни, шамамен 2700 жыл бұрын өмір сүрген сақ қолбасшысы жерленген болуы мүмкін. Ғани Омаровтың жетекшілігімен қазба жұмыстарын жүргізіп жатқан археологиялық топ бұл маңнан әртүрлі кезеңге жататын 60-қа жуық ескерткішті анықтаған еді. Жас ғалымдардың пайымынша, сақ кезеңіне жататын қоныстың болуы да әбден мүмкін.
