Литва елшісі Шығыс Қазақстанның табиғатын, сондай-ақ өңірдің өнеркәсіптік әлеуетін жоғары бағалады. Гинтаутас Васюлис Өскемен қаласындағы ҮМЗ және Қазмырыш алаңдарында болды. Даниал Ахметовтің айтуынша, Литва мен Қазақстан арасында түрлі салаларда ынтымақтастық орнатуға үлкен әлеуетіміз бар, бұл, бірінші кезекте, агросектор, көлік инфрақұрылымы және жаңартылатын энергия. Сонымен қатар ағаш өңдеу, химия өнеркәсібі және экономиканың басқа салаларындағы серіктестік нұсқалары қарастырылады. «Біздің акушер-гинекологтер Литва клиникаларында өз біліктіліктерін арттырды. Алдағы ынтымақтастық жемісті болып, екі елдің экономикасын дамытуға үлес қосуға мүмкіндік беретініне сенімдімін»,- деп жазды ШҚО әкімі инстаграм әлеуметтік желісіндегі жеке парақшасында.
Дана ТАЛҒАТБЕК,
«Семей таңы»
